पुजारी हत्या प्रकरणः चार दिन बित्दासम्म घटना रहस्यमय
काठमाडौं। रौतहटको माधवनारायण नगरपालिका-२ मा रहेको हनुमान मन्दिरका पुजारी श्रीराम साह तेलीको हत्यामा संलग्नको पहिचान अझैसम्म खुलेको छैन।
प्रहरीका अनुसार हत्याको कारणदेखि हत्यामा संलग्न कता फरार भए भन्ने पनि खुल्न सकेको छैन। हिन्दू पुजारी तेलीको हत्यापछि अनुसन्धानमा खटिएको प्रहरी टोलीले भिन्न-भिन्न कोणबाट अनुसन्धान थालेको छ।
अनुसन्धान टोलीको नेतृत्व इलाका प्रहरी कार्यालय गरुडाका प्रमुख प्रहरी नायव उपरीक्षक ज्ञानबहादुर महतोले गरेका छन्। उनले हत्या घटनाको सुक्ष्म रूपमा अनुसन्धान गरिरहेको बताए।
“अनुसन्धान जुन-जुन ढङ्गले गर्नुपर्छ, त्यसरी नै गरिरहेका छौं र निक्कै सुक्ष्म ढङ्गले टोलीले अनुसन्धान गरेको अवस्था छ।” उनले देखापढीसँग भने।
गएको बुधबार राति तेलीको हत्या भएको थियो। मन्दिरनजिक रहेको फुसको छानो भएको रहेको कुटी जस्तो ठाउँमा खाना खाइरहेको अवस्थामा उनीमाथि गोली प्रहार भएको हो।
“बायाँ कानमाथि कन्चटमा गोली लागेको र दायाँ कञ्चटबाट गोली निस्केको रहेछ”, रौतहट प्रहरी प्रवक्ता भरत श्रेष्ठले भने, “शव रक्ताम्मे अवस्थामा थियो र घटना चाहिँ अन्दाजी ८:४५ बजेतिर भएको देखिन्छ।”
घटनापछि जिल्ला प्रहरी प्रमुख तथा प्रहरी उपरीक्षक (एसपी) रवीराज खड्कासहितको टोली घटनास्थलमा पुगेको थियो। र, एसपी खड्काले गरुडाका डीएसपी महतोको नेतृत्वमा अनुसन्धान टोली नै गठन गरे।
हाल डीएसपी महतो नेतृत्वको टोलीले घटनाको अनुसन्धान गरिरहेको छ। तर, पनि हालसम्म न हत्यामा संलग्नको पहिचान भएको छ, न किन हत्या गर्यो भन्ने कारण नै खोलिएको छ।
यता घटनाको अनुसन्धान टोलीको नेतृत्व गरेका डीएसपी महतो भने छिट्टै हत्यामा संलग्नको पहिचान हुने बताउँछन्।
“अनुसन्धान भइरहेकोले सबै कुरा बाहिर ल्याउन मिल्दैन”, उनले भने, “हामी छिट्टै सत्-–तथ्य बाहिर ल्याउँछौं, ढुक्क हुनुहोस्।”
घटनास्थलबाट मृतक साहको मोबाइल प्रहरीले सोही रात बरामद गरेको थियो। हाट बजार लाग्ने जस्तो ठाउँमा उक्त मन्दिर छ। प्रहरीका अनुसार त्यस क्षेत्रमा मानिसहरूको चहलपहल कम हुने गरेको पाइएको छ।
घटनाबारे विस्तृत अनुसन्धानमा सहयोग पुगोस् भन्दै जनकपुरबाट तालिमप्राप्त कुकुरसहितको प्रहरी टोली घटनाको भोलिपल्ट बिहीबार झिकाइएको थियो। र, हत्यामा संलग्न सीमा पार हुन सक्छन् भन्दै सीमा क्षेत्रमा सुरक्षा तैनाथी रौतहट प्रहरीले गरेको थियो।
यससँगै जिल्लाभरका सबै प्रहरी युनिटहरूलाई परिचालन गरिएको छ। तर, हत्यापछि हत्यामा संलग्न सीमा पार भएको हुन सक्ने प्रहरीको अनुमान छ। घटनामा पेस्तोलको प्रयोग भएको बताइएको छ।
घटनापछि राष्ट्रिय प्रजातन्त्र पार्टी (राप्रपा) निकट विद्यार्थी संगठन र साझा पार्टीले हिन्दू पुजारी तेलीको हत्यामा संलग्नको पहिचान गरेर कानूनी कठघरामा ल्याउन माग गरेका छन्।
Comments
अरु समाचार
-
जनकपुरमा जलिरहेको अवस्थामा युवतीको शव बरामद
काठमाडौं । जनकपुरधाममा जलिरहेको अवस्थामा एक युवतीको शव फेला परेको छ । उपमहानगरपालिका–१६ कपिलेश्वरमा गए राति करिब ९ बजे आसपासमा...
-
माइक्रोबस र जिप ठोक्किँदा ८ जना चिनियाँ घाइते
काठमाडौं । कास्कीको पोखरामा माइक्रोबस र जिप ठोक्किँदा ८ जना चिनियाँ नागरिक घाइते भएका छन् । पोखराको शहीदचोकबाट मुस्ताङचोक तर्फ...
-
एन्फा उपाध्यक्ष दावा लामा पक्राउ
काठमाडौं । अखिल नेपाल फुटबल संघ (एन्फा)का उपाध्यक्ष दावा लामा पक्राउ परेका छन् । लामालाई काठमाडौं उपत्यका अपराध अनुसन्धान कार्यालयको...
-
बारामा ट्यांकरको ठक्करबाट प्रहरी जवानको मृत्यु
काठमाडौं। बाराको जितपुर सिमरा उपमहानगरपालिकामा तेल ट्यांकरले मोटरसाइकलमा ठक्कर दिँदा एक प्रहरी जवानको मृत्यु भएको छ । मृत्यु हुनेमा जिल्ला...
-
जातीय भेदभाव गरेको आरोपमा हल्दिबारीका पूर्वउपाध्यक्ष गिरी पक्राउ
काठमाडौं । जातीय आधारमा विभेद र अपमान गरेको आरोपमा हल्दिबारी गाउँपालिकाका पूर्वउपाध्यक्ष डम्बर गिरी पक्राउ परेका जिल्ला प्रहरी कार्यालयले जनाएको...
-
सिरहामा हतियारधारी समूहले लुट्यो रु १५ लाख
काठमाडौं । सिराहामा आज दिउँसो हरियारधानी एक समूहले ‘मनि ट्रान्सफर’को रकम लुटपाट गरेको छ । सदरमुकामबाट विष्णुपुर गाउँपालिकामा रहेको एक...
-
बसको ठक्करबाट ड्युटीमा रहेका ट्राफिक प्रहरीको मृत्यु
काठमाडौं । बसको ठक्करबाट ड्युटीमा रहेका एकजना ट्राफिक प्रहरी जवानको शुक्रबार राती मृत्यु भएको छ। जितपुर सिमरा उपमहानगरपालिकाको अमलेखगञ्ज चोकमा...
-
बैतडीमा ट्र्याक्टर दुर्घटना, दुई जनाको मृत्यु
काठमाडौं । जिल्लाको झौलेकमा शुक्रबार बिहान ट्र्याक्टर दुर्घटना हुँदा दुई जनाको घटनास्थलमै मृत्यु भएको छ । बैतडीको सुर्नयाबाट खोड्पे जाँदै...
-
गायक रवि ओडविरुद्ध पत्नीले हालिन् बलात्कारको जाहेरी, पक्राउ पुर्जी जारी
काठमाडाैँ । गायक रवि ओडविरुद्ध उनकी श्रीमतीले वैवाहिक बलात्कारको आरोपमा प्रहरीमा जाहेरी दिएकी छन्। उनले इलाका प्रहरी कार्यालय झलारीमा जाहेरी...