ताजा समाचार

प्रधानमन्त्री ओली आज रुपन्देही भ्रमण जाँदै

राजनीति
-
       

काठमाडौं । प्रधानमन्त्री केपी शर्मा ओली आज रुपन्देही भ्रमण गर्ने भएका छन्। रुपन्देहीस्थित लुम्बिनी विश्वविद्यालयको दीक्षान्त समारोहमा सहभागी हुन कुलपतिसमेत रहेका प्रधानमन्त्री ओली ११ बजे यहाँ आउने कार्यक्रम रहेको छ ।

बिहान रुपन्देहीको भैरहवा एयरपोर्ट आई लुम्बिनी जाने कार्यक्रम तय भएको विश्वविद्यालयका रजिष्ट्रार तिलक आचार्यले बताए । सो दीक्षान्त समारोहलाई सम्बोधन गरी प्रधानमत्री ओली शुक्रबार नै काठमाडौं फर्किने कार्यक्रम रहेको छ।

विश्वविद्यालयको कार्यक्रम बिहान १० बजे देखि नै शुरु भएको आयोजक लुम्बिनी विश्वविद्यालयको पदाधिकारीहरुको भनाइ छ । दीक्षान्त समारोहमा २८९ जना विद्यार्थी दीक्षित हुने आचार्यले बताए ।

कार्यक्रममा उपप्रधानमन्त्रीद्वय विष्णुप्रसाद पौडेल, प्रकाशमान सिंह, शिक्षामन्त्री विद्या भट्टराई, मुख्यमन्त्री, ६ जना राजदूतको समेत सहभागीता रहने रजिष्ट्रार तिलक आचार्यले बताए।

Comments

प्रकाशित मिति : 2024-11-29

अरु समाचार

© NewsNepal 2018 - All Right Reserved.
newsnepal.com 2017.hlon.org