ताजा समाचार

चीनियाँ राष्ट्रपति समक्ष नेपाली राजदूत ओलीले बुझाए ओहोदाको प्रमाणपत्र

breaking news
-
       

काठमाडौं । चीनका लागि नेपाल राजदूत डा. कृष्णप्रसाद ओलीले चिनियाँ राष्ट्रपति सी चिनफिङसमक्ष आफ्नो ओहोदाको प्रमाणपत्र बुझाएका छन् ।

बिहीबार बेइजिङस्थित ग्रेट हल अफ पिपुलमा आयोजित एक समारोहबिच राजदूत ओलीले आफ्नो ओहदाको प्रमाणपत्र राष्ट्रपति सीसमक्ष बुझाएका हुन् ।

नेपाली राजदूत ओलीसँगै विभिन्न २९ मुलुकका राजदूतहरूले सामूहिक रूपमा चिनियाँ राष्ट्रपति सीसमक्ष ओहदाको प्रमाणपत्र बुझाएको बेइजिङस्थित नेपाली राजदूतावासले जनाएको छ ।

समारोहमा चिनियाँ राष्ट्रपति सीले राजदूतहरूलाई बधाई दिँदै सफल कार्यकालको कामना व्यक्त गरेका थिए ।

समारोहमा चिनियाँ कम्युनिस्ट पार्टीको केन्द्रीय कमिटीको पोलिट्बयुरो सदस्य वाङ यीलगायतका उच्चपदस्थ अधिकारीहरूको उपस्थिति थियो ।

Comments

प्रकाशित मिति : 2024-12-12

अरु समाचार

© NewsNepal 2018 - All Right Reserved.
newsnepal.com 2017.hlon.org