त्रिवेणी माध्यमिक विद्यालय बाह्रबिसेको हिरकजयन्ती माघ १० गतेदेखी १६ गतेसम्म

काठमाडौं । सङ्खुवासभा जिल्ला, सभापोखरी गाँउपालिकाको केन्द्रमा रहेको त्रिवेणी माध्यमिक विद्यालय बाह्रबिसेले २०८१ माघ १० गतेदेखी १६ गतेसम्म ६०औं वार्षिकोत्सव तथा अभिभावक दिवस एवम् हीरकजयन्ती समारोह मनाउने भएको छ । विद्यालय स्थापनाको ६० वर्ष पुगेको अवसरमा विद्यालयले ‘‘साठी वर्षको उज्ज्वल इतिहास, समाज निर्माणमा हाम्रो प्रयास’’ भन्ने मूल नाराका साथ हीरकजयन्ती समारोह आयोजना गर्न लागेको हो । उक्त महोत्सव माघ १० गतेदेखि १६ गतेसम्म अन्तर सदनात्मक, अन्तर विद्यालय विविध प्रतियोगितात्मक कार्यक्रमहरू गर्ने गरिने विद्यालयले जनाएको छ ।

माघ १४ गते अन्तर माध्यमिक विद्यालय स्तरीय चित्रकला र अन्तर आधारभूत विद्यालय स्तरीय हाजिरीजवाफ प्रतियोगिता हुनेछन् । त्यस्तै माघ १५ गते अन्तर माध्यमिक विद्यालय स्तरीय सचेतनामूलक नाटक प्रतियोगिता र अन्तर माध्यमिक विद्यालय स्तरीय हाजिरीजवाफ प्रतियोगिता हुनेछन् भने माघ १६ गते अन्तर विद्यालय स्तरीय ट्रायक नृत्य प्रतियोगिता हुने विद्यालयले जनाएको छ ।
हीरकजयन्ती समारोह एवम् वार्षिक उत्सव तथा अभिभावक दिवस सभ्य र भव्यताका साथ सम्पन्न गर्न विद्यालयले विभिन्न तयारी गरेको जनाएको छ । उक्त कार्यक्रमलाई सफल बनाउन सहायोगदाताहरुबाट पनि आर्थिक सहयोग संकलनलाई तिव्रता दिईएको छ । जसअन्तर्गत सहयोगीहरुलाई विद्यालयले कार्यक्रममा सम्मान गर्ने बताएको छ ।

सहयोगदाताहरुबाट रु १,००० सहायोग गर्नेलाई कार्यक्रममा नाम उद्घोषण गर्ने, २,००० भन्दाबढि सहयोग गर्नेलाई कार्यक्रममा प्रमाणपत्रबाट सम्मान तथा स्मारिकामा नाम उल्लेख गर्ने, ५,००० भन्दा बढि सहयोग गर्नेलाई फोटो फ्रेममा सम्मानपत्र सहित स्मारिकामा नाम उल्लेख गर्ने, १०,००० भन्दा बढि सहयोग गर्नेलाई मायाको चिनो, फोटो फ्रेममा परिवार सहितको सम्मानपत्र र स्मारिकामा नाम राख्ने, १५,००० भन्दा बढि सहयोग गर्नेलाई परिवारको फोटो सहित स्मारिकामा नाम, सम्मान पत्र र मायाको चिनो प्रदान गर्ने र ५०,००० भन्दा बढि सहयोग गर्नेलाई स्मारिकामा पेजभरीको परिवारको फोटो, मायाको चिनो र सम्मान पत्र प्रदान गर्ने विद्यालयले जनाएको छ ।

वि.सं २०२१ सालमा स्थापना भएको त्रिवेणी माध्यमिक विद्यालयले उत्कृष्ट र गुणस्तरीय शिक्षा प्रदान गर्दै पूर्वी पहाडी जिल्ला संखुवासभामा शैक्षिक क्षेत्रको उन्नयन र दक्ष जनशक्ति उत्पादनमा महत्वपूर्ण भूमिका निर्वाह गर्दै आईरहेको छ । वि.सं २०७८ सालमा पूर्वाञ्चल विश्वविद्यालयको सम्बन्धन प्राप्त गरेर त्रिवेणी पव्लिक कलेजको रुपमा मानविकी संकायतर्फ स्नातक तहसम्मको शिक्षा प्रदान गर्दै आइरहेको छ । यहाँ अध्ययन गरेका विद्यार्थीहरु विभिन्न राष्ट्रिय तथा अन्तराष्ट्रिय र सरकारी तथा निजी क्षेत्रमा नेतृत्वदायी भूमिकामा पुग्न सफल देखिन्छन् ।

Comments
अरु समाचार
-
इलाममा कुटपिटबाट एकजनाको मृत्यु
काठमाडौं । इलाममा कुटपिटबाट एकजनाको मृत्यु भएको छ । इलाम नगरपालिका–९, गोल बस्तीका ३२ वर्षे मिलन सुनुवारको मृत्यु भएको प्रहरीले...
-
एमाले संखुवासभा-काठमाडौं सम्पर्क मञ्चको बनभोज कार्यक्रम भव्यताका साथ सम्पन्न
काठमाडौं । नेकपा एमाले संखुवासभा-काठमाडौं सम्पर्क मञ्चको वृहत बनभोज कार्यक्रम भव्यताका साथ सम्पन्न भएको छ । माघ १९ गते शनिबार...
-
अनेरास्ववियुको आगामी महाधिवेशन जेठमा गर्ने
काठमाडौं । नेकपा (एमाले) निकट विद्यार्थी संगठन अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) ले २४ औं महाधिवेशन आगामी जेठमा...
-
प्रेस चौतारी नेपाल संखुवासभाको अध्यक्षमा जनक चापागाईँ
संखुवासभा । प्रेस चौतारी नेपाल संखुवासभाको अध्यक्षमा जनक चापागाईँ सर्वसम्मत चयन भएका छन् । आईतबार सम्पन्न छैटौं जिल्ला अधिवेशनले चापागाईको...
-
पाथीभरामा भएको झडपविरुद्ध मेची राजमार्ग र तमोर करिडोर बन्द
काठमाडौं । ताप्लेजुङको पाथीभरामा केवलकार खारेजीको माग गर्दै आजदेखि आह्वान गरिएको मेची राजमार्ग बन्दका कारण पुर्वी पहाडी जिल्लाको जनजीवन प्रभावित...
-
तुम्लिङटार विमानस्थलमा हवाई इन्धनको डिपो राख्न प्रदेश सरकारलाई विदुर लिङथेपको आग्रह
काठमाडौं । कोसी प्रदेश सभा सदस्य एवम् नेकपा एमाले कोशीका प्रमुख सचेतक विदुर कुमार लिङथेपले संखुवासभाको तुम्लिङटार विमानस्थलमा हवाई इन्धनको...
-
नगरपालिकाका अधिकृत दिनेश कट्टेलद्वारा दशनामी समाजको अपमान, शीघ्र कारबाही गर्न माग
खाँदबारी । नेपाल दशनामी समाज जिल्ला कार्यसमिति संखुवासभाले खाँदबारी नगरपालिकाका प्रशासकीय अधिकृत एवम् सूचना अधिकारी दिनेश कट्टेललाई कारबाही गर्न माग...
-
संखुवासभाबाट एक अर्ब बढीको अलैँची निर्यात
काठमाडौं । संखुवासभा जिल्लाबाट चालु आर्थिक वर्षमा रु एक अर्ब बढी मूल्यको अलैँची निर्यात भएको छ । चालु आवमा सात...
-
चिसोका कारण इटहरीमा विद्यालय बन्द
काठमाडौं । अत्यधिक चिसोका कारण सुनसरीको इटहरी उपमहानगरपालिकाअन्तर्गत सामुदायिक, धार्मिक तथा निजी विद्यालयहरु दुई दिन बन्द गरिने भएको छ ।...