संखुवासभामा राष्ट्रव्यापी खुला ब्याडमिन्टन प्रतियोगिता हुने

कोशी प्रदेश

काठमाडौं । संखुवासभा जिल्लाको मादी नगरपालिकामा चौथो मादी राष्ट्रिय खुला ब्याडमिन्टन प्रतियोगिता सञ्चालन हुने भएको छ। मादी नगपालिकाको आयोजनामा फागुन २९ देखि चैत ३ गतेसम्म राष्ट्रिय खुला ब्याडमिन्टन प्रतियोगिता सञ्चालन हुने भएको हो ।

मादीको ओखरबोटे बजारमा रहेको नगरपालिकाको कभर्डहलमा प्रतियोगिता आयोजना गरिने मादी नगरपालिका प्रमुख जीवन लिङ्थेपले पत्रकार सम्मेलनमा जानकारी दिएका छन् । पुरुष डबल, महिला डबल र पुरुष डबल भेटरन्स प्रतियोगितामा स्थानीयदेखि राष्ट्रिय खेलाडीहरूले प्रतिस्पर्धा गर्ने छन् ।

यस पटक उच्च तहका खेलाडीहरू विच प्रतिष्पर्धा उनको भनाइ छ । पुरुष डबल तर्फका प्रथम, द्वितीय र तृतीय हुने २ टिमले ट्रफी, मेडल र प्रमाणपत्रसहित नगद ७५, ५० र २०–२० हजार रुपैयाँ प्राप्त गर्नेछन् ।

पुरुष डबल भेटरन्स तर्फका प्रथम, द्वितीय र तृतीय हुने २ टिमले ट्रफी, मेडल र प्रमाणपत्र सहित नगद ५०, ३० र १०–१० हजार रुपैयाँ प्राप्त गर्नेछन्। त्यस्तै महिला डबल तर्फ प्रथम, द्वितीय र तृतीय हुने २ टिमले ट्रफी, मेडल र प्रमाणपत्र सहित नगद ४०, ३०, १०– १० हजार रुपैयाँ प्राप्त गर्नेछ ।