ज्ञानेन्द्रलाई बयान लिएर कारबाही गर्नुपर्छ: डा. बाबुराम भट्टराई

Breaking News

काठमाडौं । पूर्वप्रधानमन्त्री तथा नेसपा (नयाँ शक्ति)का अध्यक्ष डा. बाबुराम भट्टराईले पूर्वराजा ज्ञानेन्द्र शाहलाई कानुनी कारबाही गर्नुपर्ने बताएका छन् । सिंहदरबारमा जारी गणतन्त्र पक्षधरहरूको बैठकमा धारणा राख्दै उनले यस्तो बताएका हुन् ।

जरुरी काम भएको भन्दै सुरुमै आफ्ना कुरा राखेका भट्टराईले भने ‘ज्ञानेन्द्र शाहले जुन हर्कत गर्दै आइरहेका थिए । अस्ति १५ गते उनकै उक्साहट र निर्देशनमा जुन गतिविधि भए । त्यसले सिमा नाघ्यो,’ बैठकमा राखेको भनाइ उद्धृत गर्दै उनले भनेका छन्, ‘उनलाई अब समय दिन सकिँदैन । दलहरूले यो विषयमा एउटा सहमति बनाएर उनलाई आवश्यक संवैधानिक कानुनी कारबाही अघि बढाउनुपर्छ भनेर मैले धारणा राख्नुभयो ।’

उनलाई संविधानसभाबाट विधिवत ढंगले राजतन्त्र उन्मुलन गरेर निष्कासन गरिएको जिकिर उनले, ‘उदारतापूर्वक बस्ने सुविधा दिएको हो । पटकपटक आफू राजा नै भएको, त्यही ढंगले वक्तव्य दिने काम गरे त्यो उनको ठगी धन्धा हो,’ ।

उनले पूर्वराजा शाहलाई बयान लिएर कारबाही गर्नुपर्छ भन्ने कुरा बैठकमा आफूले राखेको बताए । भट्टराईका अनुसार प्रधानमन्त्री केपी शर्मा ओलीले पनि शाहका गतिविधि संविधान विपरीत रहेको बताएका छन् ।