ताजा समाचार

त्रिचन्द्रका निर्वाचन अधिकृतलाई नेविसंघले दल्यो कालोमोसो

राजनीति
-
       

काठमाडौं। त्रिचन्द्र क्याम्पसका स्ववियु निर्वाचन अधिकृतलाई नेविसंघका विद्यार्थीहरूले कालोमोसो दलेका छन् ।

निर्वाचनको विषयमा सर्वदलीय बैठक बसिरहेका बेला नेविसंघका विद्यार्थीहरूले निर्वाचन अधिकृत अंगतमणि गौतममाथि एक्कासी कालोमोसो दलेका हुन् ।

निर्वाचन गराउने विषयमा निर्वाचन अधिकृत गौतमले सर्वदलीय बैठक राखेका थिए । त्यहिबेला निर्वाचन अधिकृत एकलौटि ढंगले अघि बढेको भन्दै उनीमाथि कालोमोसो दलिएको बताईएको छ । त्रिचन्द्रमा नेविसंघको तालाबन्दीका कारण निर्वाचन हुन सकेको छैन।

चैत पाँच गते हुन नसकेको निर्वाचन नेबिसंघकै आन्तरिक विवदाका कारण चैत १३ गतेका लागि सरेको थियो । सो मितिमा पनि नेविसंघका कार्यकर्ताले तालाबन्दी गरेका कारण १९ गतेलाई सरेको छ । भोलि पनि विवाद उत्पन्न भएका कारणले निर्वाचन हुने नहुने अनिश्चत बनेको छ ।

Comments

प्रकाशित मिति : 2025-03-31

अरु समाचार

© NewsNepal 2018 - All Right Reserved.
newsnepal.com 2017.hlon.org