कुशल र आसिफको कीर्तिमानी साझेदारीमा कुवेत विरुद्ध नेपालको रोमाञ्चक जित

Blog

काठमाडौं । हङकङमा जारी चार देशीय टी–२० सिरिजमा नेपालले कुवेत विरुद्ध ६ विकेटको जित निकालेको छ ।

१८५ रनको विजयी लक्ष्य पाएको नेपालले ओपनर कुशल भुर्तेल र आसिफ शेखको कीर्तिमानी साझेदारीमा उक्त जित निकालेको हो । यो सँगै नेपालले जारी सिरीजमा लगातार दोस्रो जित निकालेको छ । नेपालले टस जितेर पहिला फिल्डिङ रोजेको नेपाललाई निर्धारित २० ओभरमाकुवेतले ८ विकेटको क्षतिमा १ सय ८५ रन बनाएको थियो ।

आजको खेलमा ओपनरद्वय कुशल भुर्तेल र आसिफ शेखले १ सय २७ रनको साझेदारी गरे । जुन टी–२० आईमा नेपालका लागि पहिलो विकेटका रूपमा भएको हालसम्मकै उच्च साझेदारी हो । यसअघि यस जोडीले २०२३ मा टीयुमा नेदरल्यान्सविरुद्ध १ सय १६ रनको साझेदारी गरेका थिए । आसिफले ३८ बलमा २ चौका र ४ छक्कासहित ५३ रन जोडे । कुशलले ५० बलमा ८१ रन जोडे ।

नेपाल लगातार दोस्रो जितसँगै प्रतियोगिताको फाइनलमा पुग्ने सम्भावना बलियो भएको छ । यसअघि नेपालले बुधबार कतारलाई ८ विकेटले हराएको थियो । नेपालको २ खेलमा ४ अंक जोडेको छ । कुवेतको २ अंक छ ।