प्रचण्डको थेगोः सरकार ढल्छ

काठमाडाैं । केपी ओली नेतृत्वको सरकार नयाँ वर्ष लागेसंगै ढल्न सक्छ ? व्यापक चलेको हल्ला चलाउन थालिएको छ।

सोमबार एमाले पार्टी कार्यालय च्यासलमा वसेको सचिवालय बैठकमा समेत यो विषयमा चर्चा भएको बताइन्छ । एमाले सचिवालय बैठकमा प्रधानमन्त्री केपी ओलीले माओवादी केन्द्रका अध्यक्ष प्रचण्डले सरकार ढाल्ने प्रयास शुरुदेखि नै गरेपनि कांग्रेससँग कुनै समस्या नरहेको र सरकार चल्ने बताए । त्यसपछि एमालेले प्रचण्डले भनिरहेको सरकार ढल्ने विषयको च्याप्टर क्लोज भएको दाबी दोहोर्‍यायो ।

प्रचण्डले ओली नेतृत्वको सरकार ढल्ने दाबी गर्न लागेको सरकार निर्माण भएदेखि नै हो । तर, कांग्रेस सभापति शेरबहादुर देउवाले प्रधानमन्त्री ओली र आफू जेलदेखिकै साथी भएको र सरकारलाई पुरापुर सहयोग हुने बताउने गरेका छन् । तर, प्रचण्डले रटान लगाइरहन्छन्, सरकार ढल्छ ।

सरकार आजै ढल्यो । भोलि ढल्यो भनिरहेका प्रचण्डलाई प्रधानमन्त्री ओलीले मधेसबट भनिदिए- सरकार ढल्छ भनेर अहिले विपक्षीहरु थाकिसके । सरकारको नेतृत्व मैले देउवाजीलाई १५ महिनापछि हस्तान्त्रण गर्छु । कांग्रेस एमाले गठबन्धन आवश्यक परे ०८४ को निर्वाचनपछि समेत निरन्तर हुनसक्छ ।

सरकार ढाल्ने षडयन्त्रबाट दिक्दार भइसकेका प्रचण्डले चैत्र ३१ गते चितवन पुगेपछि बोलि फेरेका छन् । सरकार ढल्छ भन्ने कुरालाई प्रचण्डले नयाँ वर्षसंगै नयाँ परिस्थिति सिर्जना हुने भनिदिए । उसोतः एक टेलिभिजन अन्तरवार्ताको क्रममा प्रचण्डले कांग्रेसले सरकार बनाए माओवादीले साथ दिने । सरकारमा आउ भने जाने। नआउ भने नजाने भन्न भ्याए । सरकारबाट हटेपछि सरकारमा जाँदै नजाने र जनतासँगै रहने बाँचा गरेका प्रचण्ड सत्ता छटपटीमा देखिदा आफ्नै अभिव्यक्तिलाई माथ दिन लागिपरेका छन् ।

उसोतः राजनीतिक वृत्तमा पछिल्लो समय हल्ला चल्न थालेको छ, प्रचण्डले सरकार ढल्छ भन्ने थेगो नै बनाएका छन् । सार्वजनिक अभिव्यक्तिमा कतै न कतै सरकार ढल्छ भन्नु उनको कर्तव्य बन्न पुगेको छ ।

Comments