त्रिकोणात्मक टी–२० शृंखला: नेपालले नेदरल्याण्ड्स र स्कटल्याण्डसँग प्रतिस्पर्धा

breaking news

काठमाडौं । स्कटल्याण्डमा आगामी जुन महिनामा आयोजना हुने त्रिकोणात्मक टी–२० अन्तर्राष्ट्रिय शृंखलाको खेल तालिका सार्वजनिक भएको छ ।

तालिका अनुसार, यस सिरिजमा नेपाल, नेदरल्याण्ड्स र आयोजक स्कटल्याण्डले प्रतिस्पर्धा गर्नेछन् । यी तीन टोली आईसीसी विश्वकप लिग–२ को एकदिवसीय शृंखला समाप्त भएलगत्तै टी–२० भिडन्तमा उत्रनेछन् ।

टी–२० अन्तर्राष्ट्रिय सिरिज जुन १५ देखि २० तारिखसम्म सञ्चालन हुनेछ । तालिका अनुसार सबै खेल नेपाली समय अनुसार साँझ पैने ८ बजे शुरु हुनेछन् ।

शृंखलालाई आगामी जुलाईमा ओमानमा आयोजना हुने पुरुष टी–२० विश्वकप छनोट प्रतियोगिताको लागि महत्वपूर्ण तयारीको रूपमा हेरिएको छ । टी–२० अन्तर्राष्ट्रिय सिरिजमा नेपालले जुन १६ र १८ मा नेदरल्याण्ड्ससँग तथा जुन १७ र २० मा स्कटल्याण्डसँग प्रतिस्पर्धा गर्ने तालिका रहेको छ ।

यसअघि, यी तीन टोलीले आईसीसी विश्वकप लिग–२ अन्तर्गत एकदिवसीय शृंखलामा प्रतिस्पर्धा गर्नेछन् । सिरिजमा नेपालले जुन २ र ८ मा स्कटल्याण्डको सामना गर्नेछ भने जुन ४ र १० मा नेदरल्याण्ड्ससँग खेल्नेछ । जारी लिग–२ मा नेपाल अंक तालिकाको सातौं स्थानमा रहेको छ ।

नेपालले १२ खेलमा दुईमा जित, आठमा हार र दुई खेलमा अंक बाँडेको छ । लिग–२ को यो संस्करणमा नेपालले अझै २४ खेल खेल्न बाँकी छ ।

यस्तो छ लिगको अंक तालिकाः