रेशम चौधरी पक्राउ पर्दा महन्थको चित्त दुख्यो !

महन्थले भने, 'चौधरीलाई पक्राउ गरेर राज्यले जितेको महसुस गर्यो'

प्रदेश

काठमाडौं । लोकतान्त्रिक समाजवादी पार्टी(लोसपा)का अध्यक्ष महन्थ ठाकुरले रेशम चौधरीलाई पक्राउ गरेकोमा राज्यले जितेको महसुस गरेको अनुभूत भएको बताएका छन् ।

सोमबार प्रतिनिधि सभाको बैठकमा बोल्दै उनले रेशम चौधरी र सिकेराउतमाथि जुन व्यवहार भएको छ । त्यो जानेको, देखेकै हो’ भन्दै यस्तो बताएका हुन् ।

चौधरिलाई वैशाख १७ गते नाउपा र जनमत पार्टीबीच एकीकरण गर्ने कार्यक्रम हुनै लाग्दा कमलादिको प्रज्ञा भवनबाट पक्राउ गरिएको थियो ।

बिना कारण रेशम चौधरीलाई पक्राउ गरिएको उनको आरोप छ । ‘कुनै कारण छैन पक्राउ गर्‍यो । ५ घण्टा जेलमा राखिदियो,’ उनले भने ।

चौधरिलाई सर्वोच्चका एक शाखा अधिकृतले आफ्नो स्वविबेकले निर्णय गरेको भन्दै पक्राउ गर्न पूर्जी जारि गरेका थिए । यस विषयले खैलाबैला मात्रै मच्चाएन पत्र लेख्ने शाखा अधिकृत महिमानसिंह विष्टलाई प्रहरीले नियन्त्रणमा लिएर अनुसन्धान गरिरहेको छ ।