ताजा समाचार

भारत पाकिस्तान तनावकाबिच नेपालमा आवश्यक सुरक्षा व्यावस्था गर्न सभामुखको निर्देशन !

समाचार
- न्यूज नेपाल
       

काठमाडौं। संघिय प्रतिनिधिसभाका सभामुख देवराज घिमिरेले भारत र पाकिस्तानबिचको तनावलाई दृष्टिगत गर्दै दुवै देशमा बस्ने नेपालीहरूको आवश्यक सुरक्षा लगायतको व्यवस्था गर्न सरकारलाई निर्देशन दिएका छन् ।

शुक्रबारको प्रतिनिधिसभा बैठकमा सांसदहरूले भारत पाकिस्तान तनाव र नेपालीहरूको सुरक्षाका विषयमा सरकारलाई रुलिङ गर्न माग गरेका थिए ।

‘भारत पाकिस्तानको सिर्जित अवस्था र त्यहाँ बस्ने नेपालीहरूको सुरक्षा लगायतमा पर्न सक्ने सम्भावित समस्याप्रति आवश्यक व्यवस्थापन गर्न गराउन नेपाल सरकारको म ध्यानाकर्षण गराउँछु’, सभामुखले सरकारलाई निर्देशन दिए ।

उसोत: सरकारले भारत र पाकिस्तनबिच पछिल्ला दिनमा बढ्दै गएको तनाबलाई मध्यनजर गरेर नेपाल भारत नाकामा थप सुरक्षा व्यवस्था कडा पारेको छ । विभिन्न १८ सयभन्दा बढि स्थानमा सुरक्षा युनिट खडा गरेर नेपाल भारत नाकमा कडाई गरिएको हो ।

Comments

प्रकाशित मिति : 2025-05-09

अरु समाचार

© NewsNepal 2018 - All Right Reserved.
newsnepal.com 2017.hlon.org