टी–२० विश्वकपमा आज तीन रोमाञ्चक खेल, नेपाल समूहमा रहेका इंग्ल्याण्ड–वेस्ट इण्डिज प्रतिस्पर्धामा

Breaking News

काठमाडौं । आईसीसी टी–२० विश्वकप अन्तर्गत आज बुधबार तीन रोमाञ्चक खेल हुँदैछन्। समूह ‘डी’ मा दक्षिण अफ्रिका र अफगानिस्तान, समूह ‘बी’ मा अस्ट्रेलिया र आयरल्याण्ड तथा समूह ‘सी’ मा इंग्ल्याण्ड र वेस्ट इण्डिजबीच प्रतिस्पर्धा हुन लागेको हो।

समूह ‘बी’ को खेलमा अस्ट्रेलिया र आयरल्याण्ड श्रीलंकाको कोलम्बोस्थित आर प्रेमदासा स्टेडियममा अपराह्न ३:१५ बजे भिड्नेछन्। अस्ट्रेलियाको यो पहिलो खेल हो भने आयरल्याण्ड पहिलो खेलमा श्रीलंकासँग पराजित भइसकेको छ।

भारतमा हुने अन्य दुई खेलमध्ये पहिलो खेल बिहान ११:१५ बजे अहमदावादस्थित नरेन्द्र मोदी स्टेडियममा दक्षिण अफ्रिका र अफगानिस्तानबीच हुनेछ। दुवै टोलीले प्रतियोगिताको दोस्रो खेल खेल्न लागेका हुन्। पहिलो खेलमा दक्षिण अफ्रिकाले क्यानडालाई हराएको थियो भने अफगानिस्तान न्युजिल्याण्डसँग पराजित भएको थियो।

बेलुकी ७:१५ बजे नेपाल रहेको समूह ‘सी’ अन्तर्गत इंग्ल्याण्ड र वेस्ट इण्डिजबीच प्रतिस्पर्धा हुनेछ। दुवै टोलीले आफ्नो दोस्रो खेल खेल्दैछन्। पहिलो खेलमा इंग्ल्याण्डले नेपाललाई पराजित गरेको थियो भने वेस्ट इण्डिजले स्कटल्याण्डलाई हराएको थियो। दुई टोलीबीचको खेल कोलकातास्थित वानखेडे स्टेडियममा हुनेछ।