रामेश्वर थापाको द्वन्द्वकालीन संस्मरण ‘बारुदमाथि उड्दा’ सार्वजनिक हुँदै
काठमाडौं । आफ्नो ‘फ्लाइङ करिअर’मा ९ हजार घन्टाभन्दा बढी समय आकाशमा उडेका हेलिकोप्टर पाइलट रामेश्वर थापाको संस्मरण ‘बारुदमाथि उड्दा’ सार्वजनिक हुने भएको छ। सञ्चार उद्यमीसमेत रहेका थापा माओवादी ‘जनयुद्ध’को कहालीलाग्दो समयमा जोखिम मोलेर घाइते सुरक्षाकर्मीहरूको उद्धारमा खटिएका थिए।
‘जनयुद्ध’का अधिकांश भिडन्तलगत्तै घटनास्थलमा पुगेर उद्धार कार्यमा जुटेका थापाले पुस्तकमा युद्धस्थलका आला घटना, छटपटाइरहेका घाइतेका चित्कार तथा आगोको मुस्लो र बारुदको धुवाँले रङ्मङ्गिएको बखतका उद्धारको वर्णन गरेका छन्।
नेपाल प्रहरीका पूर्व एआइजी राजेन्द्रबहादुर सिंहले क्याप्टेन थापाका बारेमा पुस्तकको भूमिकामा भनेका छन्, ‘माओवादीले दोस्रोपटक खारा आक्रमण गर्दा सेनाका पाइलटले पनि खारामा थप एमुनेसन र फौज झार्न नसक्दा भिडन्त भइरहकै अवस्थामा क्याप्टेन थापाले अवतरण गरेका थिए । वरिपरि फाइरिङ भइरहेकै अवस्थामा जोखिम मोलेर थप सैन्य शक्ति र एमुनिसन पुर्याई घाइतेहरूको उद्धार गर्न सक्नुभयो। उहाँ नभएको भए सायद खारामा सेनाले ठूलै मूल्य चुकाउनुपर्थ्यो। त्यस बेलामा व्यवसायभन्दा पनि राष्ट्रको संवेदनशीलता बुझेर थापाले हेलिकप्टर उडाई हामीलाई सहयोग गर्नुभएको हो।’
पुस्तकमा रुकुमको खारा आक्रमणदेखि दैलेखको नौमुले र रामेछापको बेथानदेखि सिन्धुलीको भिमाद आक्रमण लगायतका चालीसभन्दा बढी स्थानको घटनाको तात्कालिक अवस्था र उद्धारको रोचक चित्राङ्कन क्याप्टेन थापाले गरेका छन्। साथै, काभ्रेपलाञ्चोकको सामान्य किसान परिवारमा जन्मेर हेलिकप्टर पाइलट बन्नका लागि गरेको मेहनत र सङ्घर्ष तथा जीवनमा उठाएका जोखिम र त्यससँग सम्बन्धित घटना र परिघटनाले उनको दुस्साहसपूर्ण चरित्रको समेत चित्राङ्कन पुस्तकमा गरिएको छ।
क्याप्टेन थापाको संस्मरण ‘जनयुद्ध’का दौरान सँगालेका दुर्लभ र जोखिमपूर्ण अनुभवको एरियल न्यारेटिभ हो। अन्नपूर्ण पोस्टका पूर्व सम्पादक एवम् पत्रकार राजाराम गौतमले सम्पादन गरेको पुस्तकको आवरण प्रकाशन संस्था बुक-हिलले शनिबार सार्वजनिक गरेको छ। पुस्तक मंसिरको तेस्रो साता बजारमा आउने बुक-हिलले जनाएको छ।
Comments
अरु समाचार
-
जुवातास खेलाउने अभियुक्तलाई सामान्य धरौटीमा छुटाउने खेल, अभियुक्तले किर्ते नागरिकता समेत लिएको खुलासा
काठमाडौं । नेपाल प्रहरीको उपत्यका अपराध अनुसन्धान कार्यालय टेकुको गत असोज ४ गते काठमाडौं महानगरपालिका वडा नं ६ बौद्वको फुलवारी...
-
त्रिविविद्वारा एआई प्रयोगमा प्रतिबन्ध
काठमाडौं । त्रिभुवन विश्वविद्यालय (त्रिविवि)ले विश्वविद्यालयद्वारा सञ्चालित जुनसुकै तहको परीक्षामा ‘आर्टिफिसियल इन्टेलिजेन्स’ (एआई)को प्रयोग गरेको पाइएमा परीक्षा रद्द हुने जनाएको...
-
असोज ९ गते न्यायपरिषदको बैठक बस्दै, सर्वोच्चमा चार न्यायाधीश सिफारिस गर्ने तयारी
काठमाडौं। सर्वोच्च अदालतमा रिक्त रहेका चार न्यायाधीश सिफारिस गर्न न्याय परिषदको बैठक २०८१ असोज ९ गते भोली बस्दैछ। प्रधानन्यायाधीश...
-
मुखमा मास्क र कालो टेप लगाएर दुर्गा प्रसाइँ पक्राउविरुद्ध प्रदर्शन
काठमाडौं । बी एन्ड सी मेडिकल कलेजका सञ्चालक दुर्गा प्रसाईंलाई पक्राउ गरिएको विरोधमा दैनिक विरोध प्रदर्शन हुन थालेको छ ।...
-
न्युजिल्यान्डका वैज्ञानिकहरूले पत्ता लगाए घोस्ट ‘स्पुकफिस’
काठमाडौं । न्युजिल्यान्डका वैज्ञानिकहरूले मङ्गलबार ‘घोस्ट सार्क’ को नयाँ प्रजाति पत्ता लगाएका छन् । यो माछाको एक प्रकार हो र...
-
आगलागीबाट ३५ लाख बराबरको क्षति
काठमाडौं । यहाँको मेलौली नगरपालिका–६ लामालेक बजारमा आगलागी हुँदा रु ३५ लाख बराबरको क्षति भएको छ । लामालेक बजारमा रामदत्त...
-
चाडपर्वलाई सुरक्षित बनाउन प्रहरी प्रधान कार्यालयले निर्देशन
काठमाडौं । चाडपर्वलाई सुरक्षित बनाउन प्रहरी प्रधान कार्यालयले निर्देशन दिएको छ । निमित्त प्रहरी महानिरीक्षक (प्रहरी अतिरिक्त महानिरीक्षक) टेकप्रसाद राईले...
-
विपन्न तथा ज्येष्ठ नागरिकलाई उपचारमा २० प्रतिशत छुट
काठमाडौं । बाजुरा जिल्लाको पूर्वी उत्तरी भेगको बूढीनन्दा नगरपालिकामा रहेको कोल्टी आधारभूत अस्पतालले नगरपालिका क्षेत्रभित्रका नागरिकको उपचारमा २० प्रतिशत छुट...
-
गर्मीका कारण कञ्चनरुप नगरपालिका विद्यालयमा बिदा
काठमाडौं । तराई–मधेसमा अत्यधिक गर्मी बढेसँगै सप्तरीको कञ्चनरुप नगरपालिका अन्तर्गतका विद्यालयमा बिदा दिइएको छ । नगरपालिकाले सूचना जारी गर्दै आजदेखि...