दरवारमार्गमा जिञ्जर फुड किचन खुल्दै, सञ्चालक श्रेष्ठ भन्छन्ः सस्तो मूल्यमा क्वालिटीको फुड हामी खुवाउँछौं
ए ग्रेडको क्वालिटीमा हामी खुवाउँछौं
काठमाडौं । आइतबार साढे १२ बजे काठमाडौँको मुटु दरवारमार्गमा पुग्दा सड्कको पूर्वपट्टीको एउटा घरको भुइ तलामा एक युवक मिस्त्रीहरूलाई काम गर्न सिकाउँदै थिए । झट्ट हेर्नेले सुपरभाइजर हो कि भन्ने बुझ्छन् । तर, उनी सुपरभाइजर नभएर एक सफल युवा व्यवसायी हुन् ।
काभ्रेका स्थायी बासिन्दा राजीव श्रेष्ठ आफूले खोल्न लागेको नयाँ रेष्टुरेन्टमा हुन लागेको डेकोरेसनबारे मिस्त्रीलाई निर्देशन दिंदै थिए ।
हामी त्यहाँ पुगेपछि उनले नयाँ खोल्न लागेको रेष्टुरेन्टमा हुने डेकोरेसनबारे जानकारी गराए । माघ तेस्रो साताबाट सञ्चालनमा ल्याउने तयारी गरिएको रेष्टुरेन्टको नाम हो, जिञ्जर फुड किचन ।
दरवारमार्गमा उनको यो पहिलो रेष्टुरेन्ट भने होइन । किङ्स लाउन्ज नामक रेष्टुरेन्ट सञ्चानमा छ । जुन बन्दै गरेको जिञ्जर फुड किचनको माथिल्लो तलामा छ । हामी त्यहीँ पुगेर श्रेष्ठका अहिलेसम्म सञ्चालनमा रहेका व्यवसाय र आगामी योजनाबारे गफिन सुरु ग¥यौं ।
एकान्तकुनाको यातायात कार्यालय अगाडि ड्राइभिङ स्कुल सञ्चालन गरी व्यवसाय सुरु गरेका श्रेष्ठको चौथो व्यवसाय हो । उनका कार, मोटरसाइकल वासिङ सेन्टर र रियल स्टेटसम्बन्धी व्यवसाय सञ्चालित छन् ।
दरवारमार्गमा रहेका रेष्टुरेन्टहरूको भिडमा आफ्नै एउटा सञ्चालनमा रहँदा रहदै अर्को किन सुरु गर्न लाग्नुभयो भन्ने प्रश्नबाट हामीले कुराकानी सुरु ग¥यौं । उनले भने, ‘दरवारमार्गका व्यवसायी र स्टाफलाई एकै ठाँउमा सस्तो मूल्यमा क्वालिटीको फुड खुवाउने लक्ष्यसहित सञ्चालन गर्ने तयारी गरेको छु,’ श्रेष्ठले भने, ‘सबैले महंगो खान सक्दैनन् । १५-२० हजार पारिश्रमिक हुनेले दिनमा ४-५ सय तिरेर खाजा खान सक्दैनन् । सबै जनाले खाना पाउँनु पर्छ, सबैलाई सहज होस भन्ने हाम्रो उद्देश्य हो ।’
मालिक र मजदुरले सँगै बसेर ए ग्रेडको रेष्टुरेन्टमा खाजा खान सक्ने अवस्थाका निर्माण गर्ने उद्देश्य आफ्नो रहेको उनले बताए । ‘यहाँ व्यापारी र उसको कम्पनीमा काम गर्नेले सँगै खान सक्नेछन् । फुड र एमियन्ज ए ग्रेडकै हुन्छ । मात्र मूल्यमा कम्प्रोमाइज गरेका छौं,’ उनले भने ।
दरवारमार्गका अन्य रेष्टुरेन्टमा एक प्लेट मःम खान ४ देखि ५ सय रुपैया तिर्नुपर्छ । तर, श्रेष्ठले सञ्चालनको तयारी गरेको रेष्टुरेन्टमा एक सय ५० रुपैयाँ त्यही क्वालिटीको मःम खान सकिने बताए । दरवारमार्गका कतिपय व्यवसायी र स्टाफले महंगो मूल्यमा खाजा खान नसकेर घरबाटै खाना ल्याएर आउने गरेको देखेपछि सस्तोमा क्वालिटीको खाजा खुवाउने गरि रेष्टुरेन्ट खोल्ने योजना बनाएको उनले बताए ।
क्वालिटीको खाजा सस्तो मूल्यमा बेच्न दरवारमार्गजस्तो ठाँउमा कसरी सम्भव हुन्छ भन्ने हाम्रो जिज्ञासामा श्रेष्ठले भने, ‘रेन्ट र डेकोरेसनका हिसावले गाह्रो त हुन्छ नै, तर, बढी मूल्य राखेर थोरै बेच्नु भन्दा कम मूल्यमा धेरै बेच्नुपर्छ भन्ने हाम्रो योजना हो ।’
नेवारी खाजा योःमरिसहितका फास्ट फुडलाई प्रमोसन गर्ने योजना उनले सुनाए । रेस्टुरेन्ट खोलेपछिको पहिलो महिनाको नाफा च्यारेटीमा लगाउने योजना उनको छ ।
विगतका व्यवसायमा सफलता
श्रेष्ठले हाउजिङ कारोबारमा सानो सानो लगानी गरेका छन् । ठूलो कम्पनी खोलेर ठूलो लगानी गर्ने योजना रहेको उनले सुनाए । नेपालमा भुकम्पपछि मानिसहरुमा आफ्नै सानो चिटिक्कको र सुरक्षित घर खोज्ने प्रचलनको विकास भएको छ । उनी यसलाई मध्यनजर गर्दै हाउजिङ व्यवसाय थाल्ने ध्याउन्नमा छन् ।अहिलेसम्मका सबै वयवसायबाट आफू सन्तुष्ट रहेको उनी बताउँछन् ।
व्यवसायमा सफल बन्न नयाँ सोच आवश्यक
व्यवसायमा सफलताका लागि नयाँ नयाँ सोच आवश्यक पर्ने उनले बताए । एउटै व्यवसायमा लागिरहयो भने मानिस कहिल्यै अगाडि नबढने तर्क राख्ने श्रेष्ठ हरेक प्रकारका योजना र टेष्ट अगाडि बढ्न मानिसले बनाउनु पर्ने बताउँछन् । एउटै काम मात्रै गर्यो भने मोनोटोनस भएर सफलता हात नलाग्ने उनको भनाइ छ । अहिलेसम्म चलेका व्यवसाय चलिरहेका र चलाइ रहने योजना उनको छ ।
विजनेसले सन्तुष्टि दिने होइन आफै सन्तुष्ट हुने हो । सन्तुष्टि र खुसी आफूले खोजेर मात्रै पाइने उनी बताउँछन् । खुसी नभइ विजनेश गर्ने कुरै नहुने उनको धारणा छ ।
नेपालमा विजनेश गर्दा राजनीतिले विरक्त बनाइरहेको छ । विरक्त लागेर काम नगर्दा झन विरक्त भइने उनको धारणा छ । विरक्त मानेर काम नगरेमा झन पछि परिने उनले बताए ।
चार/पाँच वर्ष अगाडि विदेश जाने योजना बुनेका परिवारसँग बसेर केही गरौ चाहनाले व्यवसाय सुरु गरेका हुन् । अहिले करिब २ सय जनालाई रोजगारी दिएका श्रेष्ठ काममा स्याटिस्फ्याक्सन रहेको बताउँछन् । नियत ठिक राखेर गरिने जुनसुकै काममा सफलता हुने उनी बताउँछन् । व्यवसायमा हाम फाल्नु अगाडि त्यससम्बन्धी बुझ्नु पर्ने उनले बताए । व्यवसायबारे खोज अनुसन्धान गरेर नयाँ के दिन सकिन्छ भन्ने बुझ्ने र प्यासनका रुपमा काम गर्यो भने सफल भइने उनले बताए ।
म्यानेजमेन्टका विद्यार्थी श्रेष्ठले स्नातक पास गरेका छन् । व्यवसाय कसरी विस्तार गर्न सकिन्छ र मुनाफा कमाउन सकिन्छ भन्ने उनलाई पढाईले पनि केही सहयोग गरेको छ । रेष्टुरेन्ट व्यवसायलाई आम पब्लिकको हेर्ने नजर फरक भएपनि विस्तारै मान्छेको ध्यान परिवर्तन गर्न सकिने उनको भनाइ छ । दरवारमार्गमा पार्किङको व्यवस्था राम्रो बन्यो भने व्यवसायलाई अझ विस्तार गर्न सकिन्थ्यो भन्ने श्रेष्ठलाई लागिरहेको छ ।
Comments
अरु समाचार
-
तोलामा रु दुई हजार सात सयले घट्यो सुनको मूल्य
काठमाडौँ । स्थानीय बजारमा पहेँलो धातुको मूल्यमा आज गिरावट भएको छ । नेपाल सुनचाँदी व्यवसायी महासङ्घका अनुसार छापावाला सुन तोलामा...
-
लगानीमैत्री वातावरण बनाउन राजनीतिक सहमतिमा आधारमा अध्यादेश ल्याइएको होः अर्थमन्त्री पुन
काठमाडाैँ । अर्थमन्त्री वर्षमान पुनले सरकारले राजनीतिक सहमतिमा आधारमा लगानी अनुकूल वातावरण बनाउन अध्यादेश ल्याएको बताएका छन् । लगानी बोर्डद्वारा...
-
‘सूर्य नेपाल काठमाडौं ओपन’ मंगलबारदेखि सुरु हुँदै, राम्रो स्कोर निस्किने अपेक्षा
काठमाडौं । सूर्य नेपाल गल्फ टुर २०२३\२४ अन्तर्गतको सातौं प्रतियोगिता सूर्य नेपाल काठमाडौं ओपन मंगलवारदेखि सुरु हुने भएको छ। रोयल...
-
नौ महिनामा पाँच अर्ब राजस्व सङ्कलन
काठमाडौं । कैलाली भन्सार कार्यालय धनगढीले नौ महिनामा रु पाँच अर्ब ७३ करोड ४३ लाख राजस्व सङ्कलन गरेको छ ।...
-
इजरायलमा पाँच महिनासम्म मर्मतमा राखिएको निगमको जहाज सोमबार काठमाडौँमा अवतरण हुँदै
काठमाडौं । राष्ट्रिय ध्वजावाहक नेपाल वायुसेवा निगम (नेपाल एयरलाइन्स) को न्यारो बडी जहाज इजरायलमा मर्मतपछि सोमबार काठमाडौँ आइपुग्ने भएको छ।...
-
लगानी सम्मेलन राष्ट्रिय उत्सव हो, सबैको सहभागिता र भूमिका रहनुपर्छः प्रमुख कार्यकारी अधिकृत भट्ट
काठमाडौँ । सरकारले आयोजना गर्न लागेको तेस्रो लगानी सम्मेलनको तयारीका लागि अब एक हप्ता मात्रै बाँकी छ। आउँदो आइतबार...
-
तोलामा रु सात सयले बढ्यो सुनको मूल्य
काठमाडौं । स्थानीय बजारमा पहेँलो धातुका मूल्य आज पनि उकालो लागेको छ । नेपाल सुनचाँदी व्यवसायी महासङ्घका अनुसार, छापावाला सुन...
-
अर्थमन्त्री पुनको अमेरिका भ्रमणः माथिल्लो अरुणको वित्तिय व्यवस्थापन विश्व बैंकले गर्ने करिब निश्चित
काठमाडाैँ । संखुवासभामा निर्माण हुने १ हजार ६३ मेगावाटको माथिल्लो अरुण अर्धजलाशययुक्त जलविद्युत् आयोजनामा वित्तीय व्यवस्थापन विषयमा सैद्धान्तिक सहमति जुटेको...
-
नेपालका लागि ग्रिन हाइड्रोजन ‘गेम चेन्जर’ हुन सक्छः कुलमान घिसिङ
काठमाडाैँ । नेपाल विद्युत प्राधिकरणका कार्यकारी निर्देशक कुलमान घिसिङले नेपालका लागि ग्रिन हाइड्रोजन 'गेम चेन्जर' हुन सक्ने बताएका छन्। बुधबार...