‘सालको पातको टपरी हुनि’ निर्माण पक्षले सेलीब्रेशन मनाउँदै,गीत कसरी बन्यो चर्चित ?
काठमाडौँ । लोकदोहोरीलाई हामीले गर्ने मूल्याङ्कन अलि भिन्न छ । गाउँ समाजमा, वस्तीमा लोकदोहोरी भनेपछि हुरुक्क हुन्छन् । तर, शहरलाई यो त्यति मन पर्दैन । शहरलाई हिन्दी र अंग्रेजी गीत प्यारो लाग्छ । हामीले देख्दै आएका छौं । नेपालमा लोकगीत, दोहोरीले बजार लिएको धेरै समय भएको छैन । क्यास्केट प्लेयर, सिआरविटी, पिआरविटी हुँदै अहिले युट्युवसम्म लोकदोहोरी आइसक्यो । प्रविधिले मारेको फड्कोसँगै लोकदोहोरीको क्षेत्रले पनि नयाँ बाटो खोज्यो ।
चलचित्रमा लागेका, टिभी सिरियलमा अभिनय गर्ने पात्रहरू तथा नायक नायिकाहरूले लोक गीतलाई, दोहोरीलाई राम्रो नजरले हेर्दैनन् । हेपाहा दृष्टि रहेको पाइन्छ । नेपालमा अहिलेसम्म कुनै चलचित्रले पनि सबैभन्दा बढी श्रोता दर्शक पाउन सकेको इतिहास छैन । तर, एउटा लोक दोहोरीले भने यतिबेला सबैलाई चकित पारेको छ । १५ मिलियन भन्दाबढि भ्युअर पाएर इतिहास रचेको छ । मौलिक विषयवस्तुमा आधारित गीतले सबैको मन जितेको छ । त्यो गीत हो–सालको पातको टपरी हुनि । गीतको सानो अंश
हे बरै साल को पात को टपरी नहुने सल्लै को
तिम्रो माया कति छ कति हे बरै नलाऊ पछि हल्लै को
आउँदा जादा देउरालीमा फूल चडाउथें मैले
तिम्लाई सम्झी चडाको फूल ओइलिदैन कैले…
चर्चित गायक कुलेन्द्र विश्वकर्मा र गायिका बिष्णु माझिको सुमधुर आवजमा रहेको यस गीतको शब्द नवराज पन्त लेखेका हुन् । यस गीतको संगीत वसन्त थापाले गरेका हुन् । मेला/महोत्सव तथा रोधिघर हरेक ठाउँ यो गीत आकर्षक बन्न पुगेको छ। एपि वान टेलिभिजनबाट प्रासारित हुने चर्चित रियालिटी शो नेपाल आइडलको ग्र्याण्ड फिनालेमा वुगिवुगिका कन्टेस्टेन्टले यो गीतमा दिएको प्रस्तुतिले दर्शकलाई पूर्ण रूपमा मनोरञ्जन दिएको थियो । यो गीतको चर्चा, परिचर्चा, प्रशंसा सर्वत्र रहेको छ । सामाजिक सञ्जालमा पाएको यसको सफलताले यस गीतका गायत तथा निर्माताले सबैलाई धन्यवाद दिएका छन् ।
अभ्यास डिजिटलले बजार ब्यवस्थापन गरेको यो गीतको भिडियो निर्देशन शिव विकले गरेका हुन् । ज्ञानेन्द्र शर्माको छायांकन रहेको गीतमा निशान घिमिरेले सम्पादन गरेका हुन् । यस गीतको भिडियो अभिनयमा सोही गीतका गायक संगीतकार द्वय कुलेन्द्र विश्वकर्मा र वसन्त थापा देखिएका छन् । गायक द्वयलाई नायिका मरिश्का पोखरेलले साथ दिएकी छिन् ।
सालको पात टपरी गीत सर्वाधिक हिट भएपछि यसका गीतका गायक मध्येका एक कुलेन्द्र विश्वकर्मा खुसी देखिएका छन् । यस गीतका कारण आफू थप चर्चामा आएको विश्वकर्माले बताए । उनले भने, ‘मैले यसभन्दा अगाडि धेरै गीत गाएको थिएँ । कति सफल भए कति असफल भए । मलाई लाग्छ नेपाली लोकदोहोरीलाई मैले धेरै उत्कृष्ट गीत दिएको छु उनले भने, सालको पात टपरी हुनी गीतले नेपाली लोक संगीतमा मौलिकपनमाथि एउटा इँटा थपेको छ ।
गायक विश्वकर्माले यस गीतलाई लिएर दर्शक श्रोताबाट प्रतिक्रिया आइरहेको बताए । न्युज–नेपालसँग कुरा गर्दे उनले भने, विभिन्न माध्यमबाट प्रतिक्रिया आएको छ । यसले गर्दा मेरो मूल्याङ्कन पनि भएको मैले ठानेको छु । मलाई अझै लोकदाहोरीमा लाग्नका लागि थप ऊर्जा मिलेको छ । दर्शक श्रोताका मायाले गर्दा हामीले पुस ११ गते बुधबार दर्शक श्रोतासँग खुसी साट्न लागेका छौं ।
१५ मिलियन सेलीब्रेशन
लोकदोहोरीकै इतिहासमा पहिलोपटक १५ मिलियन भ्यु पाएको र वसन्त थापाको युट्युब च्यानल भेरिफाइड भएको उपलक्ष्यमा गीतको निर्माण पक्षले २०७५ पौष ११ गते अनामनगरस्थित युनियन हाउस विशेष कार्यक्रमको आयोजना गरेको छ। बाँकी हेर्नुहोस् सूचना
भिडियो हेर्नुहोस्
Comments
अरु समाचार
-
नेपालीको औसत आयु ७१ दशमलव तीन वर्ष
काठमाडाैँ । राष्ट्रिय जनगणना २०७८ सँग सम्बन्धित ‘जनसङ्ख्या साक्षरता’ र ‘जनसाङ्खिक सूचक’ पुस्तक सार्वजनिक गर्दै तथ्याङ्क कार्यालयले उक्त तथ्य सार्वजनिक...
-
आज बागमती प्रदेशमा सार्वजनिक बिदा
काठमाडौं । बागमती प्रदेश सरकारले आज (सोमबार) प्रदेशभर सार्वजनिक बिदा दिएको छ । बागमती सरकारले नेपाली भाषाको अतिरिक्त तामाङ भाषा...
-
पद्मकन्यामा ‘डाइवेटिज टक’
काठमाडाैँ । पद्मकन्या बहुमुखी क्याम्पसमा डाइवेटिज टक कार्यक्रम गरिएको छ। कार्यक्रममा स्वास्थ्यविज्ञहरुले डायवेटिज के कारणले हुन्छ र त्यसबाट कसरी जोगिन...
-
एक दिने भ्रमण सकेर फर्किइन् जापानी विदेशमन्त्री
काठमाडाैँ । नेपालको एकदिने औपचारिक भ्रमण सम्पन्न गरेर जापानका विदेशमन्त्री खामिखावा योको आइतबार राति स्वदेश फिर्ता भएकी छन् । जापानको...
-
वर्षाका कारण धेरै ठाउँको डढेलो निभ्यो, केही ठाउँकाे भने कायमै
काठमाण्डौ । लामो समयपछि परेको पानीले देशका केही ठाउँमा डढेलो निभाएको छ । हिजो परेको पानीसँगै कोशी, गण्डकी र बाग्मती...
-
आईपीएल: आज मुम्बई र हैदरावादबीच प्रतिस्पर्धा हुँदै
चेन्नई । इन्डियन प्रिमियर लिग (आईपीएल) अन्तर्गत आज मुम्बई इन्डियन्स र सनराइजर्स हैदरावादबिच प्रतिस्पर्धा हुँदैछ। यो खेला साँझ ७:४५ बजे...
-
नेपालमा पहिलो पटक टेबल टेनिसको ओलम्पक छनोट हुँदै
काठमाडौं । आगामी जुलाईमा हुने पेरिस ओलम्पिक खेलका लागि टेबल टेनिसको दक्षिण एसियाली छनोट नेपालमा हुनेभएको छ । नेपालले पहिलो...
-
पूर्वीयदर्शनमा आधारित अध्ययन केन्द्र आवश्यक: सञ्चारमन्त्री शर्मा
काठमाडौं । सञ्चार तथा सूचना प्रविधिमन्त्री रेखा शर्माले नेपालमा पूर्वीयदर्शनमा आधारित अध्ययन केन्द्र स्थापना गर्नुपर्ने बताउनुभएको छ । वरिष्ठ पत्रकार...
-
नेप्से परिसूचक ओरालो यात्रामा
काठमाडौं । धितोपत्र बजारमा शेयर कारोबार मापक नेप्से परिसूचक आज पनि ओरालो लागेको छ । नेपाल स्टक एक्सचेञ्जका अनुसार नेप्से...