ताजा समाचार

२ हजार ८ सय ७ जना सुरक्षाकर्मीलाई सहिद घोषणा गरियाे

समाचार
-
       

काठमाडौं ।

द्वन्द्वकालमा ज्यान गुमाएका सुरक्षाकर्मीलाई सहिद घोषणा गरिएको छ । सरकार र तत्कालिन विद्रोही माओवादीबीच भएको सशस्त्र द्वन्द्वका क्रममा ज्यान गुमाएका २ हजार ८ सय ७ जना सुरक्षाकर्मीलाई सहिद घोषणा गरेको हो ।

सशस्त्र प्रहरी बलको अठारौं स्थापना दिवसको अवसरमा आज बलको मुख्यालय हलचोकमा आयोजित कार्यक्रममा प्रधानमन्त्री केपी ओलीले १ हजार १८ जना सेना, १ हजार ४ सय ४८ जना नेपाल प्रहरी, ३ सय १८ जना सशस्त्र प्रहरी र २३ जना राष्ट्रिय अनुसन्धान विभागका गरी २ हजार ८ सय ७ जना सुरक्षाकर्मीलाई सहिद घोषणा गरिएको जानकारी दिए ।

कार्यक्रममा प्रम ओलीले यसबाट उनीहरुको योगदानको सम्मान भएको बताए । अहिले आएर युद्धको घाउ कोट्याएर अशान्ति र हिंसा भड्काउन खोजिएको भन्दै उनले अहिले घाउमा मलम लगाउने बला भएकोमा जोड दिए ।

हिजो सोमबार बसेको मन्त्रिपरिषद् बैठकले उक्त निर्णय गरेको थियाे ।

Comments

प्रकाशित मिति : 2019-01-29

अरु समाचार

© NewsNepal 2018 - All Right Reserved.
newsnepal.com 2017.hlon.org