रुपैढियाबाट किन नेपाल छिरे बर्दीधारी भारतीय प्रहरी ?

समाचार

भारतीय सुरक्षाकर्मीहरु बर्दी सहित नेपाल आएर विभिन्न गतिविधि गरेको खवरहरु बेला बेला सार्वजनिक हुने गरेका छन् । यसैबीच फेरी खाकी बर्दीमै भारतीय प्रहरीह दाङ आइपुगेका छन् ।

रुपैढिया नाका हुँदा दाङ आएको दुई भारतीय प्रहरीलाई पक्राउ समेत गरिएको थियो तर उनीहरुलाई पक्राउ गरे लगत्तै छोडिएको छ ।

पक्राउ परेका मुजफ्फरपुर थाना तिलाहर उत्तरप्रदेशमा कार्यरत एसआई भिके मौर्य र हेडकन्सटेबल महोम्मद अनिसलाई शुक्रबार छोडिएको हो। उनीहरुलाई तुलसीपुर प्रहरीले पक्राउ गरेको थियो।

मानव बेचबिखन सम्बन्धी मुद्दामा छानबिन गर्न आएको बताए पनि यहाँको प्रहरीसँग समन्वय र जानकारीबिनै आइपुग्नु आश्चर्यको विषय भएको प्रमुख जिल्ला अधिकारी गोविन्द रिजाल बताउँछन्।

बाँकेको सीमा क्षेत्रबाट दाङ पुग्न करिब १ सय ५० किलोमिटरको यात्रा गर्नुपर्छ। थुप्रै ठाउँमा गाडी चेकजाँच पनि हुन्छ। अझ दाङ र बाँकेको सीमा क्षेत्रमा पर्ने बाँके राष्ट्रिय निकुञ्जमा गाडी प्रवेश हुँदा गाडीको खानतलासी गरिन्छ। त्यस्तो अवस्थामा बर्दीमै रहेका भारतीय प्रहरी दाङ आइपुगेपछि सबैले यो विषयलाई चासोपूर्वक लिएका छन्।

उनीहरु गाडीसहित बाँकेको रुपैडिया नाका हुँदै दाङको तुलसीपुर आइपुगेका थिए ।