आफुविरुद्ध मुद्धा हाल्नेलाई प्रचण्डले ‘झारपात’को संज्ञा दिए

समाचार

काठमाडौं । नेपाल कम्युनिस्ट पार्टी (ने क पा) का अध्यक्ष पुष्पकमल दाहाल प्रचण्डले आफु विरुद्ध झारपातहरुले मुद्धा हालेका बताएका छन् । प्रण्डले आफूलाई पटक—पटक हत्यारा भन्दै प्रश्न गरिरहेको भन्दै दुःखेसो समेत पोखेका प्रचण्डले यस्तो बताएका हुन् ।

रिपोर्टर्स नेपालको वार्षिकोत्सव कार्यक्रममा बोल्दै उनले भने ‘यस्तो नरमाइलो हालै म अमेरिका जाँदा पनि व्यहोरे। प्रचण्ड हत्यारा हो पक्राउ गर्नुपरो भन्दै उजुरी हालिएछ,’ उनले अगाडि भने, ‘धन्न अमेरिकी सरकारले नो इन्भेष्टिगेसन भनेको थियो नत्र जे पनि हुने रैछ। अमेरिकी जनताले मलाई सहयोग गरे। तर नेपालीहरुले नै मलाई अपराधी हो हत्यारा हो भन्दै पक्राउ गर्नुपर्छ भन्दै उजुरी हाले।’

उनले आफू यस्ता कुराबाट नडराउनेसमेत बताए। उनले भने ‘मलाई आफ्नो लागि डर होइन चिन्ता हो यस्ता झारपातहरु बेलाबेलामा उम्रिन्छन्। एकपटक उखेलर मात्र हुँदैनु उनले अगाडि भने, ‘बालीमा झारपातहरु उम्रिन्छन्। बेलाबेलामा टिपेर फाल्नुपर्छ।’