प्रधानमन्त्रीको ब्रिफिङ–नेकपा फुटाउँदैछन्, तयार रहनू
काठमाडाैँ । प्रधानमन्त्री केपी शर्मा ओलीले गल्ती भएको भए सच्चिन तयार रहेको भन्दै पार्टीका नेताहरुले आफूलाई हटाउन लागेको बताएका छन्।
आफू निकट सांसदहरुलाई सोमबार साँझ प्रधानमन्त्री निवास बालुवाटार बोलाएर ओलीले ‘अन्य नेताहरुले वार कि पारकै रणनीति अपनाएको हुँदा पार्टी विभाजन हुनसक्ने सभावना रहेको’ बताएका थिए।
‘साथीहरु वार कि पारको तरिकाले लाग्नु भएको छ। मंगलबार सचिवालयको बैठक पनि हुँदैछ। तीन चार दिनमा सबै कुरा टुङ्गो लाग्नसक्छ। पार्टी विभाजन पनि हुनसक्छ। त्यस्तो अवस्थाका लागि समेत तपाईंहरु मानसिकरुपमा तयारी अवस्थामा रहनुहोला,’ प्रधानमन्त्री ओलीलाई उधृत गर्दै सांसद विजय सुब्बाले भने, ‘विपक्षी दल हटाउन लाग्नु स्वभाविक नै हो। मलाई त हटाउन पार्टीका साथीहरु रसबैतर्फबाट घेराबन्दी गरियो। कतै गल्ती भएको रहेछ भने सच्चाउँछु भन्दाभन्दै पनि साथीहरु हटाउनै लाग्नुभएको छ।’
प्रधानमन्त्रीले पार्टी फुट्न नदिन आफूले पुरै प्रयास केन्द्रित गरेको बताएको भेलामा सहभागी सांसद सुब्बाले उल्लेख गरे।
भेलामा प्रधानमन्त्रीले आइपर्ने चुनौतिहरु सामना गर्न आफू तयार रहेको बताएका थिए।
भेलामा उपस्थित करिब २५ जना सांसद अधिकांश ओली पक्षका थिए, जहाँ पूर्व माओवादीका नेता, उद्योग वाणिज्य तथा आपूर्ति मन्त्री लेखराज भट्ट पनि सहभागी थिए। ओलीले राखेको आफु पक्षीय सांसदहरूको भेलामा अर्का अध्यक्ष पुष्पकमल दाहाल प्रचण्ड निकट नेता भट्टलाई देखेर त्यहाँ धेरै आश्चर्य र खुशी देखिन्थे।
भेलामा कैलालीबाट निर्वाचित सांसद भट्ट प्रधानमन्त्री ओलीको पक्षमा खुलेरै बोले।
‘गल्ती कमजोरी सच्चाउनु पर्छ पर्ने तर अहिले नै सरकारको नेतृत्व परिवर्तन गर्नु हुँदैन’, नेकपाको स्थायी समिति सदस्य रहेका भट्टले भने।
प्रधानमन्त्री ओलीले पार्टीको नेतृत्व महाधिवेशनबाटै तोकिएको भन्दै अध्यक्ष पद आफुले नछाड्ने संकेत गरे।
‘अन्य साथीहरुलार्ई चाँडै महाधिवेशन गरौं भन्दा पनि मान्नु भएको छैन,’ अर्का अध्यक्ष प्रचण्ड र वरिष्ठ नेता माधवकुमार नेपालतिर लक्षित गर्दै प्रधानमन्त्रीले भने।
भेलामा प्रधानमन्त्री ओलीले कसैले माग्दैमा राजिनामा नदिने बताए।
‘कसैले माग्दैमा राजिनामा दिन्नँ। पार्टीको अध्यक्ष र प्रधानमन्त्री म हो। (हटाउने) त्यसको पनि प्रक्रिया हुन्छ। त्यो सामना गर्न म तयार छु,’ प्रधानमन्त्री ओलीलाई उधृत गर्दै भेलामा सहभागी सांसद सरिता न्यौपानेले भनिन्, ‘म पार्टी पनि विभाजन गर्दिनँ र संसद पनि विघटन गर्दिनँ, ढुक्क भए हुन्छ।’
आफुले सल्लाह गरेर नै अध्यादेश ल्याएको तर नेताहरुले विरोध गरेपछि फिर्ता लिएको भन्दै ओलीले सांसदहरूलाई भने, ‘फिर्ता लिँदा पनि साथीहरुले विरोध गर्न छाड्नु भएको छैन। उहाँहरुले कहाँसम्म लैजान खोज्नु भएको हो थाहा छैन। पार्टी विभाजनको अवस्थामा पनि पुग्नसक्छ।’
न्यौपानेका अनुसार प्रधानमन्त्री ओलीले सरकारबाट गल्ती कमजोरी भए देखाइदिन सांसदहरुसँग आग्रह गरे।
‘सन्धि सम्झौता गर्दा र विकास निर्माणका काम गर्दा कुनै प्रकारको गल्ती कमजोरी भएको भएको भए तपाईंहरु पनि देखाउनुहोस, सच्चाएर अघि बढ्छु,’ प्रधानमन्त्रीले सांसदहरुसँग भने।
बैठकमा सांसदहरुले पार्टी सचिवालयबाट विवाद नटुङिगए स्थायी समिति होइन, सिधै केन्द्रीय समितिको बैठक बोलाउन आग्रह गरेको न्यौपानेले बताइन्।
भेलामा विजय सुब्बा, नवराज सिलवाल, खेम लोहनी, तिलक महत, कृष्ण राई, गणेश ठगुन्ना, प्रेम आले, सरिता न्यौपानेसहितका सांसदहरुले धारणा राखेका थिए।
Comments
अरु समाचार
-
नेपाल–भूटानबीच जनस्तर र व्यापारिकस्तर सम्बन्ध विकासबारे दुई प्रधानमन्त्रीबीच छलफल
न्युयोर्क (अमेरिका), ७ असोज : नेपाल र भूटानबीच जनस्तर र व्यापारिकस्तरमा सम्बन्ध विकासका लागि दुई प्रधानमन्त्रीबीच छलफल भएको छ ।...
-
प्रधानमन्त्री ओली र कुवेतका राजकुमार एवं प्रधानमन्त्री सबाहबीच भेटवार्ता
न्युयोर्क (अमेरिका), ७ असोजः संयुक्त राष्ट्रसङ्घको ७९औँ महासभामा भाग लिन नेपाली प्रतिधिमण्डलको नेतृत्व गर्दै संयुक्त राज्य अमेरिकाको न्युयोर्कमा रहनुभएका प्रधानमन्त्री...
-
प्रधानमन्त्री ओली र भारतका प्रधानमन्त्रीबीच न्युयोर्कमा भेटवार्ता
न्युयोर्क (अमेरिका), ७ असोज : संयुक्त राष्ट्रसङ्घको ७९औँ महासभामा भाग लिन नेपाली प्रतिधिमण्डलको नेतृत्व गर्दै संयुक्त राज्य अमेरिकाको न्युयोर्कमा रहनुभएका...
-
अर्थमन्त्री पौडेल र आइएमएफ उपनिर्देशकबीच शिष्टाचार भेट
काठमाडौं। उपप्रधानमन्त्री एवं अर्थमन्त्री विष्णुप्रसाद पौडेल र अन्तर्राष्ट्रिय मुद्रा कोष (आएएमएफ)को एसिया प्रशान्त क्षेत्र उपनिर्देशक रुपा दत्त गुप्ताबीच शिष्टाचार भेट...
-
प्रधानमन्त्री ओली र मोदीबीच आज भेट वार्ता हुँदै
काठमाडौं । संयुक्त राष्ट्रसंघको ७९ औं महासभामा भाग लिन संयुक्त राज्य अमेरिकामा रहेका प्रधानमन्त्री केपी शर्मा ओलीले आज विभिन्न राष्ट्रका...
-
प्रधानमन्त्री ओली र राष्ट्रसंघका महासचिव गुटेरेसबीच भेटवार्ता
न्युयोर्क । प्रधानमन्त्री केपी शर्मा ओली र संयुक्त राष्ट्रसङ्घका महासचिव एन्टेनियो गुटेरेसबिच भेटवार्ता भएको छ। संयुक्त राष्ट्रसङ्घको ७९औँ महासभामा सहभागी...
-
प्रस्तावित प्रधान न्यायाधीश र दुई राजदूतमाथि उजुरी आह्वान
काठमाडौं । संसदीय सुनुवाइ समितिले प्रस्तावित प्रधान न्यायाधीश र दुई राजदूतमाथि सुनुवाइका लागि उजुरी आह्वान गरेको छ । समितिको आज...
-
आज चारवटा संसदीय समितिको बैठक बस्दै
काठमाडौं । आज चारवटा संसदीय समितिको बैठक बस्दैछ। जस अनुसार बिहान ११ बजे शिक्षा, स्वास्थ्य तथा सूचना प्रविधि समितिको बैठक...
-
संयुक्त राष्ट्रसंघको महासभामा सहभागी हुन प्रधानमन्त्री ओली न्यूयोर्क प्रस्थान
काठमाडौं। प्रधानमन्त्री केपी शर्मा ओली संयुक्त राज्य अमेरिकाको न्यूयोर्क प्रस्थान गरेका छन् । शुक्रबार बिहान प्रधानमन्त्री ओली संयुक्त राष्ट्रसंघको महासभामा...