‘दुईतिहाइको सरकारले दुई कौडीको काम गरेन’
काठमाडाैँ । राजपा नेपालका सांसद राजेन्द्र महतोले दुई तिहाईको सरकारले जनतालाई कोरोनाबाट जोगाउन दुई कौडीको काम समेत नगरेको टिप्पणी गरेका छन्।
उनले शक्तिकाली सरकारले जनतालाई बचाउन नखोजेको बताए। उनले १०१ जनामा कोरोना पनि जाँच नभएका कारण भएको उल्लेख गरे।
‘एकै परिवारका १७ जनालाई देखिएको छ’, महतोले भने, ‘दलका नेताले भन्दियो १०१ न हो संक्रमित। कति गर्यो जाँच? विदेशबाट आएका जतिको जाँच गर्यो? छैन। एउटा परिवारबाट १७ निस्कन्छ। कछुवाको गतिमा कोरोना टेस्ट गर्ने अनि छैन भनेर पीठ थपथपाउने। यो धन्दा ठिक भएन। व्यापक परीक्षण गराउनुपर्छ।’
उनले सरकार कोरोनाको विषयमा ध्यान नदिएर पार्टी फूटाउने धन्दामा लागेको बताए। ‘जनता महामारीबाट मरिरहेको छ। पीडित छ। खान पाएको छैन। उपचार पाएको छैन। स्वास्थ्य सामाग्री पाएको छैन। यहाँ त अर्कै धन्दा भैराखेको छ। सरकार अर्को धन्दामा पो लागेको रहेछ। पार्टी फोड्ने? सांसद जोड्ने धन्दामा जनताको पीडा कम हुन्छ? अपहरण गर्ने? सांसद अपहरण गर्ने? के हो यो?’
उनले सरकारले अपहरणकारीलाई कारवाही गर्न निवेदन दिदाँ नलिएर हुकुमी शासन लागू गरेको बताए। ‘यहि धन्दा गर्ने हो’, महतोले भने, ‘कुर्सी जोगाउने, कुर्सी पाउने यहि धन्दामा लाग्यो। जनतासँग सरोकार नराख्ने। जनताको जीवनसँग सरोकार नराख्ने।’
उनले पार्टी फुटाउनका लागि सरकारले सरप्राइज दिएको उल्लेख गर्दै पार्टी एकता गरेर सरप्राइज दिएको बताए। ‘समाजवादी पार्टी फुटाएर आफ्नोमा मिलाउने रे अनि कुर्सी जोगाउने रे, के हो यो सरप्राइज? रातारात सरप्राइज, अध्यादेश सरप्राइज’, महतोले भने, ‘जनतालाई ठूलो प्याकेज आउँछ सोचेको थियो। कोरोना विरुद्ध लड्न। तर खोदा पहाड, निक्ला चुहा। यहाँ त पार्टी तोड्ने फोड्ने यस्ता यस्ता काम… सरप्राइज नेपाली जनतालाई चाहिएको छैन। दुई तिहाईको सरकार दुई कौडीको काम नगर्ने।’
उनले समाजवादी पार्टी र राजपा नेपालको एकताले अब बहुराष्ट्रिय राज्य स्थापना गर्ने बताए। महतोले कोरोना मजाक नभएर महामारी भएकाले परीक्षणको दायरा बढाउन माग गरे। साथै विदेशमा रहेका नेपालीलाई ल्याएर क्वारेन्टिनमा राख्न माग गरे।
‘हामी कहाँ माग्ने प्रधानमन्त्री केपी ओलीलाई भन्ने हो। सीमा क्षेत्रमा बसिरहेको जनता कसले ल्याउने सी जिनपिङलाई भन्ने? ट्रम्पलाई भन्ने? जनताको सरोकारको विषय सरकारले सोचिदिनुपर्यो। सरकार लायक नलायक जे भएपनि यहि सरकारलाई भन्ने हो।’ महतोले सांसद विकास कोषको पैसा समेत कोरोनामा लगाउन माग गरे।
Comments
अरु समाचार
-
पर्यटनका क्षेत्रका लागि जनशक्ति उत्पादन गर्दै पर्यटन बोर्ड
काठमाडौँ, ७ असोजः पर्यटन क्षेत्रका लागि जनशक्ति उत्पादन गर्ने र उनीहरुलाई यस क्षेत्रमा आकर्षित गर्ने उद्देश्यले नेपाल पर्यटन बोर्डले क्षमता...
-
घुन्सामा हेलिकप्टर दुर्घटनाको १८ वर्ष : वातावरण संरक्षणका कार्यक्रम गरी स्मरण
फुङ्लिङ : ताप्लेजुङको फक्ताङ्लुङ गाउँपालिकास्थित घुन्सामा हेलिकप्टर दुर्घटना भएको १८ वर्ष पूरा भएको छ । जहाँ मुलुकका विभिन्न क्षेत्रका २४ विशिष्ट...
-
नेप्से परिसूचक उच्च अङ्कले गिरावट
काठमाडौं । नेपाल स्टक एक्सचेञ्ज (नेप्से) परिसूचकमा उच्च अङ्कको गिरावट देखिएको छ । आज नेप्से परिसूचक ५९ दशमलव ०२ अङ्कले...
-
बाँकेमा पिर्काले हानेर आफ्नै बुवाको हत्या
काठमाडौं। बाँकेको कोहलपुरमा पिर्काले हानेर छोराले आफ्नै बुवाको हत्या गरेका छन्। कोहलपुर नगरपालिका ८ पिपरीका ७० वर्षका नैन सिंह क्षेत्रीलाई...
-
अत्यधिक गर्मी बढेपछि महोत्तरीका विद्यालय बन्द
काठमाडौं । पछिल्लो साता घामको राप निकै बढेर गर्मी बढेपछि महोत्तरीमा फेरि विद्यालय बिदा दिन थालिएको छ । जिल्लाको सुदूर...
-
संसदीय समितिको टोलीद्वारा नेपाल ट्रष्टको जग्गा र शैक्षिक संस्था निरीक्षण
काठमाडौं । प्रतिनिधिसभाअन्तर्गतको शिक्षा, स्वास्थ्य तथा सूचना प्रविधि समितिका सभापति अम्मरबहादुर थापा नेतृत्वको टोलीले आज भक्तपुर नगरपालिका–१ सल्लाघारीस्थित नेपाल ट्रष्टको...
-
इजरायलमा रहेका नागरिकलाई सकेसम्म छिटो इजरायल छाड्न चीनको आग्रह
काठमाडौं । इजरायल र लेबनानको इरान समर्थित लडाकू समूह हेजबुल्लाह बिचको तनाव बढ्दै जाँदा चीनले इजरायलमा रहेका आफ्ना नागरिकलाई जति...
-
श्रीलङ्कामा वामपन्थी नेता दिसानायकाले राष्ट्रपतिका रूपमा सपथ ग्रहण
काठमाडौं । श्रीलङ्कामा पहिलो वामपन्थी राष्ट्रपति अनुरा कुमारा दिसानायकाले सोमबार पद तथा गोपनीयताको शपथ ग्रहण गरेका छन् । श्रीलङ्काको निर्वाचन...
-
प्रतितोला रु चार सयले बढ्दा सुनको मूल्यमा कीर्तिमान
काठमाडौं । सुनको मूल्यमा हरेक दिन नयाँ कीर्तिमान कायम भएको छ । लगातार उकालो लागेको सुनको मूल्य आज तोलामा रु...