बाध्यताको एकताले बाबुरामको नाममा टिपेक्स लगाइयो
काठमाडौं । सरकारले पार्टी फुटाउन सहज हुने गरी अध्यादेश ल्याएपछि रातारात एकता घोषणा गरेका समाजवादी र राजपा उस्तै चटारोमा आइतबार निर्वाचन आयोग पुगे। कानुनी बाध्यताले नवगठित जनता समाजवादी पार्टी (जसपा) दल दर्ताका लागि आयोगमा पुगेको हो।
राजनीतिक दलसम्बन्धी ऐनमा एकीकरण वा गाभिने घोषणा गरेको ४५ दिनभित्र सम्झौको प्रतिलिपिसहित आयोगमा निवेदन दिनुपर्छ । गत बैशाख १० गते मध्यरातमा एकता घोषणा गरेको जसपालाई हिजोसम्मको समय थियो। तर हिजो शनिबार परेकाले जसपाले आज निवेदन दिन पाएको हो।
एकतामा जसरी चटारो देखियो, निर्वाचन आयोगमा पुग्दा पनि जसपाका नेताहरु उस्तै चटारोमा देखिए। एकीकरण घोषणाको डेढ महिनासम्म पदीय भागबण्डा मिलाउन नसकेका यी दुई दलका नेताहरुले अन्तिम समयमा पनि पूर्ण सहमति जुटाउन सकेनन्। निर्वाचन आयोगमा बुझाएको पदाधिकारीको नामावलीमा गरिएको केरमेटले पनि त्यसलाई पुष्टि गर्छ ।
निर्वाचन आयोग पुग्नुअघि दिनभर छलफल गरेका शीर्ष नेताहरुले सुरुमा तीन अध्यक्षसहितको पार्टी दर्ता गर्ने सहमति जुटाएका थिए। जसअनुसार महन्थ ठाकुरको नेतृत्वमा उपेन्द्र यादवसमेत केन्द्रीय कमिटी अध्यक्ष र डा. बाबुराम भट्टराई संघीय परिषद अध्यक्ष बनाउने समझदारी बनेको थियो । यस्तैगरी राजपा नेता राजेन्द्र महतोलाई संसदीय दलको नेता बनाएर जाने तयारी थियो।
यसरी पछाडि धकेलिए भट्टराई
दिनभरको छलफलमा तीन अध्यक्ष राख्ने सहमति भएपनि अन्तिम समयमा राजपा पछि हट्यो। कारण थियो, बन्न लागेका तीन अध्यक्षमध्ये दुई अध्यक्ष सपाबाट। ‘समान हैसियतमा एकीकरणको सहमति भएको भन्दै राजपाले सपाबाट दुई अध्यक्ष नमान्ने बताएपछि संघीय परिषदको अध्यक्षमा राखिएका डा. भट्टराईको नाम काटेर वरिष्ठ नेतामा धकेलियो’, स्रोतले भन्यो, ‘निर्वाचन आयोगमा दर्ता गर्न लगिएको निवेदनमा भट्टराईको नाममाथि टिपेक्स लगाएर बुझाइयो।’
दल एकीकरणका लागि दिइएकाे कम्प्युटर प्रिन्ट निवेदनमा दाेस्राे नम्बरमा राखिएकाे भट्टराईकाे नाममा टिपेक्स लगाई चाैथाे नम्बरमा कलमले लेखेर बुझाइएकाे छ। त्यतिमात्रै होइन, संघीय परिषद् अध्यक्षको सूचीबाट हटाएर पनि वरिष्ठ नेताको सूचीमा तानिए पनि भट्टराईलाई वरीयताक्रममा पनि अशोक राईभन्दा पछाडि चौथो नम्बरमा राखिएको छ। ‘राईले राजनीतिमा आफू वरिष्ठ भन्दै भट्टराई भन्दा पछाडि बस्न नमानेपछि राईलाई तेस्रो र भट्टराईलाई चौथो वरीयतामा राखिएको हो’, स्रोतले भन्यो, ‘पूर्ण सहमति बन्नै भ्याएन।’
राजपाका एक नेतालेसमेत हतारमा निर्वाचन आयोग पुगेको स्वीकारेका छन् । ‘जसरी पनि आज हामीलाई दल दर्ताको निवेदन दिनैपर्ने समयको बाध्यता थियो, ती नेताले भने, ‘हतार-हतारमा निर्णय लिँदा नेताहरुको नाम तलमाथि परेको छ, एकदुई दिनमा बैठक बसेर सच्याउँछौं।’ उनका अनुसार भट्टराई संघीय परिषदको अध्यक्ष नै रहनेछन् भने राजेन्द्र महतोलाई संसदीय दलको नेता बनाइनेछ, यसमा कुनै असहमति छैन।’ तर नेतै-नेताले भरिएको नवगठित जसपाभित्रको पदीय भागबण्डा तत्काल मिल्ने संकेत नदेखिने स्रोत बताउँछ। डा. भट्टराईका सहयोगी विश्वदीप पाण्डे बाहिर आएका हल्लामा सत्यता नभएको बताएका छन्।
उनले पदका लागि भन्दा राजनीतिक जग बसाउन यस्तो निर्णय लिनुपरेको बताएका छन्। ‘सबै कुरा सहमतिमा भएको छ। धेरै वैचारिक र संगठनात्मक कुराहरुमा छलफल बाँकी रहेको र निर्वाचन आयोगमा आजै पुग्नुपर्ने बाध्यता भएकोले आज २ पार्टीबाट १/१ जना अध्यक्षको नाममा संयुक्त पार्टी दर्ता गरौं, म अहिले सदस्य नै हुन्छु र बाँकी कुरा पार्टीको पहिलो बैठकबाट निर्णय गरौं भनेर बाबुराम भट्टराईले पार्टी एकताको बैठकमा सहजीकरण गर्नुभएको हो’, पाण्डेले भनेका छन्, ‘ कोही साथीहरु पनि बाहिर चलेका हल्लाबाट भ्रमित हुन जरुरी छै । बाँकी कुरामा अब छिट्टै बस्ने केन्द्रीय समितिको बैठकले सबैलाई चित्तबुझ्दो निर्णय गर्नेछ।’
Comments
अरु समाचार
-
नेपाल–भूटानबीच जनस्तर र व्यापारिकस्तर सम्बन्ध विकासबारे दुई प्रधानमन्त्रीबीच छलफल
न्युयोर्क (अमेरिका), ७ असोज : नेपाल र भूटानबीच जनस्तर र व्यापारिकस्तरमा सम्बन्ध विकासका लागि दुई प्रधानमन्त्रीबीच छलफल भएको छ ।...
-
प्रधानमन्त्री ओली र कुवेतका राजकुमार एवं प्रधानमन्त्री सबाहबीच भेटवार्ता
न्युयोर्क (अमेरिका), ७ असोजः संयुक्त राष्ट्रसङ्घको ७९औँ महासभामा भाग लिन नेपाली प्रतिधिमण्डलको नेतृत्व गर्दै संयुक्त राज्य अमेरिकाको न्युयोर्कमा रहनुभएका प्रधानमन्त्री...
-
प्रधानमन्त्री ओली र भारतका प्रधानमन्त्रीबीच न्युयोर्कमा भेटवार्ता
न्युयोर्क (अमेरिका), ७ असोज : संयुक्त राष्ट्रसङ्घको ७९औँ महासभामा भाग लिन नेपाली प्रतिधिमण्डलको नेतृत्व गर्दै संयुक्त राज्य अमेरिकाको न्युयोर्कमा रहनुभएका...
-
अर्थमन्त्री पौडेल र आइएमएफ उपनिर्देशकबीच शिष्टाचार भेट
काठमाडौं। उपप्रधानमन्त्री एवं अर्थमन्त्री विष्णुप्रसाद पौडेल र अन्तर्राष्ट्रिय मुद्रा कोष (आएएमएफ)को एसिया प्रशान्त क्षेत्र उपनिर्देशक रुपा दत्त गुप्ताबीच शिष्टाचार भेट...
-
प्रधानमन्त्री ओली र मोदीबीच आज भेट वार्ता हुँदै
काठमाडौं । संयुक्त राष्ट्रसंघको ७९ औं महासभामा भाग लिन संयुक्त राज्य अमेरिकामा रहेका प्रधानमन्त्री केपी शर्मा ओलीले आज विभिन्न राष्ट्रका...
-
प्रधानमन्त्री ओली र राष्ट्रसंघका महासचिव गुटेरेसबीच भेटवार्ता
न्युयोर्क । प्रधानमन्त्री केपी शर्मा ओली र संयुक्त राष्ट्रसङ्घका महासचिव एन्टेनियो गुटेरेसबिच भेटवार्ता भएको छ। संयुक्त राष्ट्रसङ्घको ७९औँ महासभामा सहभागी...
-
प्रस्तावित प्रधान न्यायाधीश र दुई राजदूतमाथि उजुरी आह्वान
काठमाडौं । संसदीय सुनुवाइ समितिले प्रस्तावित प्रधान न्यायाधीश र दुई राजदूतमाथि सुनुवाइका लागि उजुरी आह्वान गरेको छ । समितिको आज...
-
आज चारवटा संसदीय समितिको बैठक बस्दै
काठमाडौं । आज चारवटा संसदीय समितिको बैठक बस्दैछ। जस अनुसार बिहान ११ बजे शिक्षा, स्वास्थ्य तथा सूचना प्रविधि समितिको बैठक...
-
संयुक्त राष्ट्रसंघको महासभामा सहभागी हुन प्रधानमन्त्री ओली न्यूयोर्क प्रस्थान
काठमाडौं। प्रधानमन्त्री केपी शर्मा ओली संयुक्त राज्य अमेरिकाको न्यूयोर्क प्रस्थान गरेका छन् । शुक्रबार बिहान प्रधानमन्त्री ओली संयुक्त राष्ट्रसंघको महासभामा...