नक्कली भुटानी शरणार्थी प्रकरणका प्रमुख दोषी प्रचण्ड हुन: पूर्वमहान्यायाधिवक्ता बडाल
टेकनाथ रिजालको बयानको आधारमा रायमाझीलाई दोषी बनाउने हो भने प्रमुख दोषी प्रचण्ड देखिन्छ
काठमाडौं । नक्कली भुटानी शरणार्थी बनाएर अमेरिका पठाउने प्रकरणमा सरकारी वकिलले अभियुक्त बनाएका सांसद तथा नेकपा (एमाले)का निलम्बित सचिव टोपबहादुर रायमाझीलाई पुर्पक्ष गर्नुपर्ने कुनै आधार नभएको उनका पक्षका वकिलहरुले दाबी गरेका छन् ।
शुक्रबार जिल्ला अदालतका न्यायाधीश प्रेमप्रसाद न्यौपानेको इजलासमा रायमाझीको पक्षाबाट बहस गर्दै पूर्वमहान्यायाधिवक्ता रमेश बडालले नक्कली शरणार्थी प्रकरणमा पक्राउ परेका भुटानी मानवअधिकारवादी नेता टेकनाथ रिजालको बयानको आधारमा रायमाझीलाई कसुरदार बनाउन निमिल्ने तर्क गरे । यदि रिजालको बयानलाई आधार मानेर रायमाझीलाई दोषी बनाउने हो भने प्रमुख दोषी प्रधानमन्त्री पुष्पकमल दाहाल ‘प्रचण्ड’ हुने उनको जिकिर छ । बडालले भने, ‘यदि त्यही आधारमा मेरो पक्षलाई दोषी बनाउने हो भने प्रमुख दोषी वर्तमान प्रधानमन्त्री प्रचण्ड देखिनुहुन्छ ।’
बडालले प्रधानमन्त्री प्रचण्डको प्रसङ्ग निकालेपछि न्यायाधीश प्रेमप्रसाद न्यौपानेले हाँस्दै भने, ‘त्यतातिर नजाऔं ।’
न्यायधीस न्यौपानेको ‘त्यतातिर नजाऔं’ भनेपछि बडालले तर्क गरे, ‘श्रीमान्, त्यतातिर जान नमिल्ने भएपछि त मेरो पक्षलाई दोषी बनाउन नै मिल्दैन नी ।’
रिजालले सरकारी वकिललाई दिएको बयानमा पूर्वमन्त्री टोपबहादुर रायमाझीले नक्कली शरणार्थी बनाउने गिरोहसहित आफूलाई प्रधानमन्त्री पुष्पकमल दाहाल ‘प्रचण्ड’ सँग उनको निवासमै लगेर भेट गराएको बताएका छन् । सो भेटघाटमा प्रचण्डले टोपबहादुरमार्फत सबै काम हुने बताएको र त्यसपछि काम पनि खुरुखुरु भएको तथा आफ्नो रोकिएको सुविधा पनि सुचारु भएको उनको बयान थियो ।
रिजालले इजलासमा भनेका थिए, ‘टोपबहादुर रायमाझीको घरमा शरणार्थीको विषयमा कुराकानी हुँदा कुरा क्लिएर नभएपछि प्रचण्डसँग भेट गराइदिन भनी प्रचण्ड निवासमा लगेका थिए । प्रचण्ड निवासमा म, टोपबहादुर रायमाझी, सानु भण्डारी र केशरप्रसाद दुलाल गएका थियौँ । मैले प्रचण्डसँग भुटानी शरणार्थीको व्यवस्थापन सम्बन्धमा कुराकानी गर्न आएको भनी कुरा गर्दा प्रचण्डले म आज एकदमै व्यस्त छु, टोपबहादुर रायमाझीसँग सबै कुरा गर्नुहोला, सम्बोधन हुनसक्ने भए निजले समाधान गर्नुहुन्छ भनी भन्नुभयो ।’
बडालले टेकनाथले पोलेकै भरमा टोपबहादुरलाई दोषी ठह¥याउने हो भने प्रमुख दोषी प्रचण्ड हुने जिकिर गरेका थिए ।
बडालले तर रिजालको बयानलाई आधार बनाउन नमिल्ने बताए । बडाल रिजालद्वारा लिखित दुईवटा पुस्तक पनि बोकेर आएका थिए । ती पुस्तकमा रिजालले भुटानको जेलमा चरम यातनाका कारण आफ्नो मानसिक अवस्था ठीक नरहेको र आफ्नो दिमागलाई अरुले नै नियन्त्रण गरेको उल्लेख गरेका छन् ।
त्यही कारण रिजालले बयानलाई तथ्य मान्न नहुने बडालको जिकिर थियो । यदि त्यही बयानलाई तथ्य मान्ने हो भने प्रमुख दोषी प्रचण्ड हुने उनको दाबी छ । बडालले प्रहरीको प्रतिवेदनमा राजनीतिक गन्ध आएको समेत दाबी गरे ।
उनले यो प्रकरणको अनुसन्धान गर्ने प्रहरीको पनि दिमाग कन्ट्रोल गरिएको दाबी गरे । ‘प्रहरी आफैंले तयार गरेर डायरी दिएको हो । केशव दुलालको बयान शंकास्पद छ’, उनले भने, ‘एउटा पोलिटिकल आइडोलोजी भएकाहरुलाई (एमालेका) मात्रै पोलिएको छ । त्यहाँबाट पनि यो बदनियतपूर्ण हो भन्ने थाहा हुन्छ ।’
प्रहरीले केशव दुलालसँग लिएको थप बयानमा ‘थप केही भन्नुछ ?’ भन्ने प्रश्न थपेर एमाले नेतासँग जोडिएका नेताहरुलाई बदनियतपूर्ण तरिकाले पोलेको उनको जिकिर छ ।
Comments
अरु समाचार
-
प्रस्तावित प्रधान न्यायाधीश र दुई राजदूतमाथि उजुरी आह्वान
काठमाडौं । संसदीय सुनुवाइ समितिले प्रस्तावित प्रधान न्यायाधीश र दुई राजदूतमाथि सुनुवाइका लागि उजुरी आह्वान गरेको छ । समितिको आज...
-
आज चारवटा संसदीय समितिको बैठक बस्दै
काठमाडौं । आज चारवटा संसदीय समितिको बैठक बस्दैछ। जस अनुसार बिहान ११ बजे शिक्षा, स्वास्थ्य तथा सूचना प्रविधि समितिको बैठक...
-
संयुक्त राष्ट्रसंघको महासभामा सहभागी हुन प्रधानमन्त्री ओली न्यूयोर्क प्रस्थान
काठमाडौं। प्रधानमन्त्री केपी शर्मा ओली संयुक्त राज्य अमेरिकाको न्यूयोर्क प्रस्थान गरेका छन् । शुक्रबार बिहान प्रधानमन्त्री ओली संयुक्त राष्ट्रसंघको महासभामा...
-
विदेशी मुद्रा विनिमय दर कति ? युरो र पाउण्डको मूल्य बढ्यो
काठमाडौँ : बिहीबारको तुलनामा आज शुक्रबार अमेरिकी डलरको मूल्यमा गिरावट आएको छ भने युरो र पाउण्ड स्ट्रलिङको मूल्य बढेको छ...
-
राष्ट्रसंघ महासभाको अधिवेशनमा भाग लिन प्रधानमन्त्री न्यूयोर्क जाँदै
काठमाडौँ । प्रधानमन्त्री केपी शर्मा ओली संयुक्त राज्य अमेरिकाको न्यूयोर्कस्थित संयुक्त राष्ट्रसङ्घको मुख्यालयमा भइरहेको संयुक्त राष्ट्रसङ्घ महासभाको ७९औँ अधिवेशनमा भाग...
-
‘‘संविधानको पूर्ण कार्यान्वयन भए जनताको निराशा हटनेछ’’: मन्त्री गुरुङ
काठमाडौं । संविधान कार्यान्वयनका नौ वर्षलाई हेर्दा निराश हुनुपर्ने अवस्था छैन । विश्वका अन्य देशमा नयाँ संविधान बनिसकेपछिको अभ्याससँग तुलना...
-
संवैधानिक स्वतन्त्रताको उपभोग गरेर भविष्य सुरक्षित गर्नुपर्नेमा प्रधानमन्त्रीको जोड
काठमाडौं। प्रधानमन्त्री केपी शर्मा ओलीले संविधानले दिएको स्वतन्त्रताको उपभोग गरेर भविष्य सुरक्षित गर्नुपर्ने बताएका छन् । संविधान दिवसका अवसरमा आज...
-
संविधानको मर्मअनुरुप काम गर्नुपर्छः मुख्यमन्त्री कार्की
काठमाडौं । कोशी प्रदेशका मुख्यमन्त्री हिक्मतकुमार कार्कीले संविधानको मर्मअनुरुप कार्यसम्पादन गर्नुपर्नेमा जोड दिएका छन् । साथै उनले मुलुकलाई सामाजिक न्यायसहित...
-
जम्मू–कश्मीर विधानसभा चुनावमा ५९.१९ प्रतिशत मतदान
दिल्ली । जम्मू–कश्मीरमा बुधबार भएको विधानसभा चुनावको पहिलो चरणमा साँझ पाँच बजेसम्म ५९ दशमलव १९ प्रतिशत मतदान भएको छ ।...