नेपालगञ्जमा मुख्य नालामा पुल विस्तार गरिँदै
काठमाडौं । नेपालगञ्जमा प्रत्येक वर्ष वर्षातको समयमा हुने डुबानको समस्या अन्त्यका लागि मुख्य नालामा रहेका साँघुरा पुल विस्तार गर्न थालिएको छ ।
यहाँको चार लेन सडकअन्तर्गत विपी चोक नजिकैका मुख्य नालामा रहेका पुलको बीच भाग विस्तार गरी पानीको बहाव सहजरुपमा बग्ने बनाउन थालिएको नेपालगञ्ज उपमहानगरपालिकाका प्रमुख प्रशान्त विष्टले जानकारी दिनुभयो ।
उहाँका अनुसार नालामा रहेका पुल साँघुरा भएकाले पानीको बहावको निकासमा समस्या हुँदै आएको थियो । सहजरुपमा पानीको निकास नहुँदा बर्सातमा बजार क्षेत्रका घरबारी टोल, न्यूरोड, सेतुबिक चोकलगायत क्षेत्र डुबानग्रस्त हुने गरेका प्रमुख विष्टले बताउनुभयो ।
‘पुलको अधिकांश स्थानमा १० मिटरको चौडाइ रहे पनि कतिपय ठाउँका बीचभागमा तीन मिटर मात्र छन्’, सडक डिभिजन कार्यालय नेपालगञ्जका प्रमुख नीरज शाक्यले भन्नुभयो, ‘साँघुरा नालाका कारण पानी थुुनिएर बर्सेनि नगर क्षेत्र डुबानमा पर्ने गरेको थियो ।’ डुबानको समस्या अन्त्यका लागि अहिले मुख्य नाला फराकिलो बनाउन थालिएको उहाँको भनाइ थियो ।
मुख्य नालाअन्तर्गतका पुल चौडाइ गर्नका लागि आगामी मङ्सिर १५ गतेसम्म सम्पन्न गर्ने गरी कार्की सच्ची जेभी कन्स्ट्रक्सन नेपालगञ्जसँग गत असार २७ गते रू ३२ लाख पाँच हजार चार सयमा ठेक्का सम्झौता भएको थियो । निर्माण कम्पनीले नाला विस्तारको काम सुरु गरिसकेको शाक्यले जानकारी दिनुभयो ।
नालाबाट पानी बग्ने मुहानलाई चौडा बनाएपछि वर्षामा सहर डुब्ने समस्याको अन्त्य हुने प्रतिनिधिसभा सदस्य लक्ष्मी तिवारीले बताउनुभयो । उपमहानगरपालिका, सडक डिभिजन कार्यालयलगायतको पहलमा नाला विस्तारको काम सम्पन्न भएपछि वर्षौंदेखिको डुबानको समस्या अन्त्य हुने उहाँको भनाइ थियो ।
नालाको निकास फराकिलो भएपछि सेतुबिक चोक आसपास क्षेत्रमा डुबानको समस्या कम हुने स्थानीय होटल व्यवसायी गोपाल गिरीले बताउनुभयो । उहाँले विगतमा ठूलो पानी पर्नासाथ डुबान भएर सास्ती बेहोर्दै आएको उल्लेख गर्नुभयो ।
नगरभित्रका करिब ८० प्रतिशत सडक तथा नाला निर्माण भइसकेका नगरप्रमुख विष्टले जानकारी दिनुभयो । वर्षामा पर्याप्त पानीको निकास थुनिँदा सहर डुबानमा पर्ने गरेको जनाउँदै उहाँले अब दीर्घकालीनरुपमा समस्याको समाधान हुने बताउनुभयो ।
साँघुरो निकासलाई फराकिलो बनाउने कार्य सकारात्मक भए पनि बर्सातको समयमा भएको पुल भत्काएर निर्माण गर्नु प्रभावकारी नदेखिएको स्थानीय मीन मल्लले बताउनुभयो । उहाँले बर्सातमा काम गर्दा थप दुर्घटना निम्त्याउन सक्नेतर्फ सजक हुन अनुरोध गर्नुभयो ।
Comments
अरु समाचार
-
मुटुरोग विशेषज्ञको अन्तर्राष्ट्रिय सम्मेलन चितवनमा
चितवन । मुटुरोग विशेषज्ञको अन्तर्राष्ट्रिय सम्मेलन चितवनमा जारी छ । राष्ट्रिय मुटु तथा फोक्सो समाज (नेशनल हर्ट एण्ड लङ्गस सोसाइटी...
-
अमेरिकी डलर, यूरो र पाउन्डको मूल्य घट्यो
अमेरिकी डलर, यूरो र पाउन्डको मूल्य घट्यो काठमाडौँ । शुक्रबारको तुलनामा शनिबार अमेरिकी डलरका साथै यूरो र पाउन्ड स्ट्रलिङको मूल्यमा...
-
बागमती, गण्डकी र कर्णाली प्रदेशमा भारी वर्षाको सम्भावना
काठमाडौँ । हाल देशभर मनसुनी वायुको प्रभाव कायमै छ । मनसुनको न्यून चापीय रेखा पश्चिममा सरदर स्थानको उत्तरतिर र पूर्वमा...
-
आउँदो बिहीवारसम्म मौसम बदली र पानी पर्ने सम्भावना
काठमाण्डौ । आउँदो बिहीवारसम्म नै मौसम बदली र पानी पर्ने सम्भावना रहेकाले मौसमविद्ले मुख्यगरी धानखेती गरेका किसानलाई सतर्कता र सावधानी...
-
प्रस्तावित प्रधान न्यायाधीश र दुई राजदूतमाथि उजुरी आह्वान
काठमाडौं । संसदीय सुनुवाइ समितिले प्रस्तावित प्रधान न्यायाधीश र दुई राजदूतमाथि सुनुवाइका लागि उजुरी आह्वान गरेको छ । समितिको आज...
-
सहकारीको रकम हिनामिना छानबिन समितिको प्रतिवेदन सार्वजनिक (पूर्णपाठ सहित)
काठमाडौं । सहकारी संस्थाहरुको रकम हिनामिनाबारे सरकारले गठन गरेको संसदीय छानबिन समितिको प्रतिवेदन सार्वजनिक भएको छ । प्रतिनिधि सभाले छानबिन...
-
राष्ट्रपतिसमक्ष वित्त आयोगको प्रतिवेदन पेस
काठमाडौं । राष्ट्रपति रामचन्द्र पौडेल समक्ष राष्ट्रिय प्राकृतिक स्रोत तथा वित्त आयोगको वार्षिक प्रतिवेदन पेस गरिएको छ । राष्ट्रपति भवन...
-
रुपा चक्रपथ दोस्रो खण्डको शिलान्यास
काठामाडौं । रुपा गाउँपालिकामा निर्माणाधीन चक्रपथको दोस्रो खण्डको शिलान्यास गरिएको छ । गण्डकी प्रदेशका पूर्व मुख्यमन्त्री खगराज अधिकारी र गण्डकी...
-
कार्यवाहक प्रधानमन्त्रीको जिम्मेवारी उपप्रधानमन्त्री सिंहलाई
काठमाडौं । राष्ट्रपति रामचन्द्र पौडेलले प्रधानमन्त्रीको अनुपस्थितिमा प्रधानमन्त्रीले गर्ने दैनिक प्रशासनिक काम उपप्रधानमन्त्री एवं सहरी विकासमन्त्री प्रकाशमान सिंहले सम्हाल्ने गरी...