तमोर जलाशययुक्त आयोजना नेपालीकै लगानीमा बनाउन माग
काठमाडौँ । ऊर्जा उत्पादकले प्रस्तावित ७६२ मेगावाटको तमोर जलाशययुक्त आयोजना नेपालीकै लगानीमा बनाउन माग गरेका छन्। निजी क्षेत्रलाई निर्माण गर्न दिए नेपालीकै लगानीमा पनि आयोजना निर्माण सम्भव रहेको उनीहरूको दाबी छ।
५० वर्षको विद्युत् उत्पादनको अनुमतिपत्र दिएमा नेपालको निजी क्षेत्रले पनि आयोजना निर्माण गर्न सक्ने र त्यसले नेपाललाई नै आर्थिक लाभ हुने उनीहरूको भनाइ छ।
स्वतन्त्र ऊर्जा उत्पादकको संस्था (इप्पान)का पदाधिकारीले आयोजना प्रभावित क्षेत्र तेह्रथुमकी सांसदसमेत रहेकी शहरी विकासमन्त्री सीता गुरुङलाई भेटेर त्यस्तो प्रस्ताव दोहोर्याए। इप्पानका अध्यक्ष गणेश कार्की, वरिष्ठ उपाध्यक्ष मोहनकुमार डाँगी तथा पूर्वअध्यक्ष शैलेन्द्र गुरागाईंसहितका पदाधिकारीले मन्त्री गुरुङसँग भेटवार्ता गरेका हुन्। ।
इप्पानका वरिष्ठ उपाध्यक्ष मोहनकुमार डाँगीले सरकारले देशको अर्थतन्त्रमा ठुलो महत्त्व राख्ने सम्भावना बोकेको आयोजना विदेशीलाई दिन लागेको बताए। “जति पनि ठुला आयोजना छन्, त्यसमध्ये यो सबैभन्दा धेरै नाफा हुनसक्ने आयोजना पनि हो,” उनले भने, “लगानीका हिसाबले पनि यो आयोजना ठूलो हो। हामीलाई दिएको अवस्थामा १० वर्षभित्र निर्माण गरेर सञ्चालनमा ल्याउन सक्छौँ।”
उनले लगानी जुटाउने विषयमा समेत आफूहरूसँग प्रस्ट योजना रहेको बताए। “त्यहाँका हरेक घरधुरी गाँस कटाएर भए पनि ५० हजार रुपैयाँ लगानी गर्न तयार छन्। म पनि त्यहीको स्थानीय हुँ,” उनले भने, “नेपालीको लगानीमा आयोजना बन्यो भने त्यसबाट हुने सबै लाभ नेपालीले नै पाउने निश्चित हुन्छ।”
भेटमा मन्त्री गुरुङले नेपालीकै लगानीमा आयोजना निर्माण गर्नेबारे आफूले ‘लबिइङ’ गर्ने बताइन्। तेह्रथुम, ताप्लेजुङ र पाँचथरको सीमा भएर बग्ने तमोर नदीबाट न्यून लगानीमा धेरै विद्युत् उत्पादन गर्न सकिने नेपाल विद्युत् प्राधिकरणको अध्ययनको निष्कर्ष छ। प्राधिकरणले २०७० सालमा अध्ययन गरेको थियो। त्यसअघि सन् १९८५ मा जाइकाले पनि अध्ययन गरेको थियो।
तमोरको पाँचथर–तेह्रथुम खण्डमा बाँध निर्माण गरेर विद्युत् उत्पादन गर्ने अध्ययनको निष्कर्ष छ। यसरी आयोजना बनेको अवस्थामा सुक्खायाममा दिनमा ८ घण्टा सञ्चालन गर्न सकिने र वर्षामा १६ घण्टासम्म लगातार चलाउन सकिने त्यसबेला प्राधिकरणको अध्ययनको निष्कर्ष थियो।
सो अध्ययनका अनुसार आयोजनाको बाँध बनाउँदा तेह्रथुमको ओख्रे र पाँचथरको स्याबरुम्बाको सीमामा रहेको लम्बुदोभानबाट डेढ किलोमिटर ताल बन्नेछ। २०५ मिटरको ड्याम बनाए ७६२ मेगावाट तथा ३०० मिटरको बनाउँदा दुई हजार ५६५ मेगावाट बिजुली उत्पादन हुन्छ।
यस्तै, २०५ मिटर बाँध लगाउँदा १२६ घरपरिवार मात्रै विस्थापित हुने र डुबानमा पर्ने जग्गामध्ये ५ प्रतिशत मात्रै खेतीयोग्य रहेको अध्ययनले देखाएको थियो।
सरकारले भने उक्त आयोजना बनाउन चार वर्षअघि नै चिनियाँ कम्पनी पावर कन्स्ट्रक्सनसँग सम्झौता गरिसकेको छ। तर सो कम्पनीले काममा गति दिएको छैन। २०२० जनवरीमा भएको सम्झौतामा दुई वर्षभित्र आयोजनाको विस्तृत सम्भाव्यता अध्ययन सम्पन्न गर्ने उल्लेख छ। कम्पनीले चार वर्षमा पनि अध्ययन प्रतिवेदन भने बुझाएको छैन।
Comments
अरु समाचार
-
आउँदो बिहीवारसम्म मौसम बदली र पानी पर्ने सम्भावना
काठमाण्डौ । आउँदो बिहीवारसम्म नै मौसम बदली र पानी पर्ने सम्भावना रहेकाले मौसमविद्ले मुख्यगरी धानखेती गरेका किसानलाई सतर्कता र सावधानी...
-
प्रस्तावित प्रधान न्यायाधीश र दुई राजदूतमाथि उजुरी आह्वान
काठमाडौं । संसदीय सुनुवाइ समितिले प्रस्तावित प्रधान न्यायाधीश र दुई राजदूतमाथि सुनुवाइका लागि उजुरी आह्वान गरेको छ । समितिको आज...
-
सहकारीको रकम हिनामिना छानबिन समितिको प्रतिवेदन सार्वजनिक (पूर्णपाठ सहित)
काठमाडौं । सहकारी संस्थाहरुको रकम हिनामिनाबारे सरकारले गठन गरेको संसदीय छानबिन समितिको प्रतिवेदन सार्वजनिक भएको छ । प्रतिनिधि सभाले छानबिन...
-
राष्ट्रपतिसमक्ष वित्त आयोगको प्रतिवेदन पेस
काठमाडौं । राष्ट्रपति रामचन्द्र पौडेल समक्ष राष्ट्रिय प्राकृतिक स्रोत तथा वित्त आयोगको वार्षिक प्रतिवेदन पेस गरिएको छ । राष्ट्रपति भवन...
-
रुपा चक्रपथ दोस्रो खण्डको शिलान्यास
काठामाडौं । रुपा गाउँपालिकामा निर्माणाधीन चक्रपथको दोस्रो खण्डको शिलान्यास गरिएको छ । गण्डकी प्रदेशका पूर्व मुख्यमन्त्री खगराज अधिकारी र गण्डकी...
-
कार्यवाहक प्रधानमन्त्रीको जिम्मेवारी उपप्रधानमन्त्री सिंहलाई
काठमाडौं । राष्ट्रपति रामचन्द्र पौडेलले प्रधानमन्त्रीको अनुपस्थितिमा प्रधानमन्त्रीले गर्ने दैनिक प्रशासनिक काम उपप्रधानमन्त्री एवं सहरी विकासमन्त्री प्रकाशमान सिंहले सम्हाल्ने गरी...
-
मध्यपूर्वमा बढ्यो युद्धको खतरा, इजरायलद्वारा लेबनानमाथि सयभन्दा बढी रकेट आक्रमण
काठमाडौं । मध्यपूर्वमा युद्धको खतरा बढेर गएको छ । लेबनानमा मङ्गलवार र बुधवार भएको वाकीटकी र पेजर विस्फोट पछि बिहीवार...
-
आज चारवटा संसदीय समितिको बैठक बस्दै
काठमाडौं । आज चारवटा संसदीय समितिको बैठक बस्दैछ। जस अनुसार बिहान ११ बजे शिक्षा, स्वास्थ्य तथा सूचना प्रविधि समितिको बैठक...
-
सुरु भयो पदयात्राको याम
काठमाडौं । शरद ऋतुसँगै पदयात्रा पर्यटनको मुख्य याम सुरु भएको छ । असोज–कात्तिक र चैत–वैशाखको याम पदयात्राका लागि अत्यन्त राम्रो...