संखुवासभा पुगेर फर्किएपछि राउत प्रधानन्यायाधीशमा सिफारिस
जिन्दगीमा यति सम्मान संखुवासभमा प्राप्त गरेँ : प्रधानन्यायाधीश श्रेष्ठ
काठमाडौं । यही भदौ ३० गते आइतबार जिल्ला अदालत संखुवासभाको नवनिर्मित भवनको उद्घाटन कार्यक्रममा सहभागी भएर फर्किएको भोलिपल्टै वरिष्ठम् न्यायाधीश प्रकाशमान सिंह राउत प्रधानन्यायाधीश पदमा सिफारिस भएका छन् । आइतबार संखुवासभामा आयोजित कार्यक्रममा सहभागी हुँदै धार्मिक स्थल समेत घुमेर काठमाडौं फर्किएको भोलिपल्टै वरिष्ठतम् न्यायाधीश राउत सिफारिस भएका हुन् ।
जिल्ला अदालत संखुवासभाको भवन उद्घाटन गर्न प्रधानन्यायाधीश श्रेष्ठ, प्रधानन्यायाधीशमा सिफारिस राउत, न्याय परिषद् सदस्य रामकुमार श्रेष्ठ, न्यायाधीश प्रकाश ढुंगाना र मुख्य रजिष्ट्रार देवेन्द्रराज ढकाल गएका थिए । संखुवासभा भ्रमणका क्रममा प्रधानन्यायाधीश श्रेष्ठसहितको टोलीलाई स्थानीयबासी, समाजसेवी, बुद्धीजीवी, कानुन व्यवसायीलगायतले झाँकी र पन्चेबाजाका साथ केही समय बजार घुमाएका थिए । प्रधानन्यायाधीश श्रेष्ठसहितको टोली पूर्वको प्रशिद्ध मन्दिर संखुवासभाको सिद्धपोखरी पनि दर्शन गर्न पुगेका थिए । जिल्ला अदालत भवनको उद्घाटनका क्रममा प्रधानन्यायधीश श्रेष्ठलाई सम्मान गरिएको थियो । यस्तो किसिमको सम्मान आफ्नो जिन्दगीमा पहिलो चोटी पाएको प्रधानन्यायाधीश श्रेष्ठले काठमाडौं फर्किएपछि सहकर्मी, आफन्त तथा शुभचिन्तकहरुलाई बताएका छन् । प्रधानन्यायाधीश श्रेष्ठलाई भब्य सम्मान गर्नु भएछ नि ? भन्ने जिज्ञासामा स्रेष्तेदार भरतमणी पोखरेलले भने, ‘प्रधानन्यायाधीश श्रेष्ठले त्यस्तो भन्नु भएछ, हामीलाई पनि खुसी लाग्यो । यो चाहिँ सिंगो जिल्ला अदालत संखुवासभा परिवार, बार परिवार,स्थानीयबासी,चैनपुर नगरपालिकालगायत सबैको प्रयासमा सफल भएको हो । ’
प्रधानन्याधीशमा राउतको सिफारिस र कार्य अनुभव
प्रधानन्यायाधीश श्रेष्ठसहितको टोली संखुवासभाबाट फर्किएको भोलिपल्ट सोमबार बसेको संवैधानिक परिषद्को बैठकले राउतलाई प्रधानन्यायधीशमा सिफारिस गरेको छ । यसअघि प्रधानन्यायाधीश सिफारिस गर्नकै लागि गत भदौ २८ गते शुक्रबार बसेको परिषद बैठक निर्णयमा पुग्न सकेको थिएन । सोमबारको बैठक अघिल्लै बैठकको निरन्तरता थियो । बैठकमा परिषदका अध्यक्ष प्रधानमन्त्री केपीशर्मा ओलीले बैठकमा प्रधानन्यायाधीश नियुक्ति सम्बन्धी एजेन्डा प्रस्तुत गरेका थिए ।
न्यायपरिषद्ले प्रधानन्यायाधीश पदका लागि ८ जना न्यायाधीशको नाम सिफारिस गरेको थियो । त्यसमध्ये वरिष्ठतम् न्यायाधीश राउतलाई संवैधानिक परिषद्ले सिफारिस गरेको हो । प्रधानन्यायाधीश विश्वम्भरप्रसाद श्रेष्ठ ६५ वर्षे उमेर हदका कारण असोज १९ गतेबाट अवकाशमा जाँदैछन् । संविधानको धारा २८४ (३) ले प्रधानन्यायाधीश वा संवैधानिक निकायका कुनै प्रमुख वा पदाधिकारीको पद रिक्त हुनुभन्दा एक महिना अगावै न्याय परिषद्ले नियुक्तिका लागि सिफारिस गर्नुपर्ने व्यवस्था छ ।
संसदीय सुनुवाई समितिले अनुमोदन गरेपछि राष्ट्रपतिले राउतलाई प्रधानन्यायाधीश नियुक्त गर्नेछन् । प्रधानन्यायाधीश नियुक्त भएपछि राउतले १८ महिना सर्वोच्च अदालतको नेतृत्व गर्नेछन् । प्रधानन्यायाधीश पदमा सिफारिस भएका राउत २०७१ साउन १७ मा सर्वोच्चमा न्यायाधीश नियुक्त भएका थिए । उदयपुरमा जन्मिएका राउत २०६३ मा नेपाल बार एसोसिएसनका अध्यक्ष थिए ।
Comments
अरु समाचार
-
फिफाको पछिल्लो वरीयतामा नेपाल एक स्थान तल झर्यो
काठमाडौं । फिफाको पछिल्लो वरीयतामा नेपाल एक स्थान तल झरेको छ । फिफाले बिहीबार सार्वजनिक गरेको नयाँ वरियतामा नेपाल १७६औँ...
-
चाडपर्व लक्षित सुपथ मूल्य पसल आजदेखि सञ्चालनमा
काठमाडौं । सरकारले आम उपभोक्तालाई सहुलियत दरमा दैनिक उपभोग्य वस्तु उपलब्ध गराउने उद्देश्यले आजदेखि चाडपर्व लक्षित सुपथ मूल्य पसल सञ्चालनमा...
-
थाई-नेप्लिज एशोसिएशन थाइल्याण्ड सेन्टरको सातौं कार्यकालको दोस्रो त्रैमासिक बैठक सम्पन्न
बैंकक । थाई-नेप्लिज एशोसिएशन थाइल्याण्ड सेन्टरको सातौं कार्यकालको दोस्रो त्रैमासिक बैठक सम्पन्न भएको छ । बैठक हुवाहिन शाखामा भखरै सम्पन्न...
-
भक्तपुरमा वीर अस्पताल निर्माण गर्ने विषयमा छलफल
काठमाडौं । भक्तपुरको दुवाकोटमा अत्याधुनिक वीर अस्पताल निर्माण प्रक्रिया अघि बढाउन अर्थ र स्वास्थ्य मन्त्रालयका उच्च पदस्थ अधिकारीबीच छलफल भएको...
-
सर्वसाधारणका लागि खुला गरिएपछि धरहरा चढ्नेको भीड
काठमाडौं । आजदेखि सर्वसाधारणका लागि धरहरा खुला गरिएसँगै चढ्न आउनेको भीड लागेको छ । शुल्क निर्धारण नभएसम्मका लागि संविधान दिवसको...
-
दरबारमार्गमा हुने कन्सर्टमा पाँच हजार सुरक्षाकर्मी परिचालन
काठमाडौं । संविधान दिवसका अवसरमा आज काठमाडौँको दरबारमार्गमा आयोजना हुने ‘नेसनल डे कन्सर्ट’ कार्यक्रममा पाँच हजार बढी सुरक्षाकर्मी परिचालन हुने...
-
एमालेको अधिवेशनमा प्यानल बनाउन नपाइने, ११औँ महाधिवेशनसम्ममा १० लाख सदस्यता पुर्याउने
काठमाडौं । नेपाल कम्युनिष्ट पार्टी (एमाले)ले पार्टीको अधिवेशनको निर्वाचनमा प्यानल बनाउन नपाइने व्यवस्था लागू गरेको छ । पार्टी महासचिव शङ्कर...
-
‘‘संविधानको पूर्ण कार्यान्वयन भए जनताको निराशा हटनेछ’’: मन्त्री गुरुङ
काठमाडौं । संविधान कार्यान्वयनका नौ वर्षलाई हेर्दा निराश हुनुपर्ने अवस्था छैन । विश्वका अन्य देशमा नयाँ संविधान बनिसकेपछिको अभ्याससँग तुलना...
-
संवैधानिक स्वतन्त्रताको उपभोग गरेर भविष्य सुरक्षित गर्नुपर्नेमा प्रधानमन्त्रीको जोड
काठमाडौं। प्रधानमन्त्री केपी शर्मा ओलीले संविधानले दिएको स्वतन्त्रताको उपभोग गरेर भविष्य सुरक्षित गर्नुपर्ने बताएका छन् । संविधान दिवसका अवसरमा आज...