प्रधानमन्त्री दाहाल फर्किएपछि मन्त्रिपरिषद् विस्तार गरिने
काठमाडौं, २ माघ । प्रधानमन्त्री पुष्पकमल दाहाल प्रचण्डले युएईको चारदिने भ्रमणबाट फर्केपछि मन्त्रिपरिषद् विस्तार गर्ने भएका छन् । चौथो ठूलो दल राप्रपालाई थप तीन मन्त्रालयसहित तथा फोरम लोकतान्त्रिक र साना दुई दललाई समेटेर मन्त्रिपरिषद् विस्तार गर्ने तयारीमा प्रधानमन्त्री रहेको उनका प्रमुख राजनीतिक सल्लाहकार चक्रपाणि खनाल बलदेवले बताए । ‘अबुधाबी भ्रमण सकेर प्रधानमन्त्री फर्केलगत्तै मन्त्रिपरिषद् विस्तार हुन्छ,’ खनालले नयाँ पत्रिकासँग भने । प्रधानमन्त्री प्रचण्ड युएईका युवराज सेख मोहम्मद बिन जायेद अल नह्यानको निमन्त्रणामा वल्र्ड फ्युचर इनर्जी समिटमा भाग लिन शनिबार युएई प्रस्थान गरेका छन् । राप्रपा र फोरम लोकतान्त्रिकका अध्यक्षलाई नै सरकारमा सहभागी गराउने गरी प्रधानमन्त्रीले सरकार विस्तारको तयारी गरेको खनालले बताए । प्रधानमन्त्रीले राप्रपालाई अहिलेका दुई मन्त्रालय कायम राख्दै उपप्रधानमन्त्रीसहित थप तीनवटा मन्त्रालय दिने भएका छन् । फोरम लोकतान्त्रिकलाई पनि उपप्रधानमन्त्रीसहित दुई र साना दुई दललाई एक–एक मन्त्रालय दिने प्रधानमन्त्रीको तयारी छ । तर, कुन–कुन मन्त्रालय कसलाई दिने भन्ने टुंगो भने लागिसकेको छैन । प्रमुख सत्तासाझेदार दल कांग्रेससँग मन्त्रालयका विषयमा टुंगो लागेको भए प्रधानमन्त्रीले आबुधाबी भ्रमणअघि नै राप्रपा अध्यक्ष कमल थापा, फोरम लोकतान्त्रिक अध्यक्ष गच्छदारसहित दुई साना दलका नेतालाई मन्त्रिपरिषद्मा सहभागी गराउने योजना बनाएका थिए । तर, कांग्रेसको भागमा रहेको परराष्ट्र मन्त्रालय राप्रपालाई दिने विषयमा कुरा नटुंगिएकाले शनिबारअघि सरकार विस्तार हुन नसकेको हो ।
दुई साना दललाई पनि लैजाने
मन्त्रिपरिषद् विस्तार गर्दा साना दुई दललाई पनि समेट्ने तयारी प्रधानमन्त्रीको छ । ‘राप्रपा र फोरम लोकतान्त्रिकलाई सरकारमा ल्याउँदा साना दलबाट पनि दुईजनालाई मन्त्री बनाउने प्रधानमन्त्रीको तयारी छ,’ प्रधानमन्त्रीका प्रमुख राजनीतिक सल्लाहकार खनालले भने । साना दलभित्रबाट अखण्ड नेपाल पार्टीका नेता कुमार खड्कालाई मन्त्री बनाउने प्रधानमन्त्रीको तयारी रहेको सचिवालयका सदस्यले बताए । समाजवादी पार्टीका नेता प्रेमबहादुर सिंहलाई पनि मन्त्री बनाउने छलफल भएको, तर त्यसबारे प्रधानमन्त्रीले टुंगो गरिनसकेको ती सदस्यले बताए ।
लोकतान्त्रिक फोरमभित्र विवाद
प्रधानमन्त्रीले सरकारमा लाने तयारी गरेपछि फोरम लोकतान्त्रिकभित्र विवाद बढेको छ । पार्टी अध्यक्ष गच्छदार आफैँ सरकारमा जान इच्छुक देखिएपछि अन्य नेताले त्यसको विरोध गरेका छन् । उनीहरू अहिले पार्टी सरकारमा सहभागी हुन नहुने अडानमा छन् । पहिले सरकारमा जान खोज्दा लैजान नचाहेको, तर अहिले अप्ठेरोमा परेपछि मात्र प्रधानमन्त्रीले फोरम लोकतान्त्रिकलाई खोजेको भन्दै नेताहरूले सरकारमा जान नहुने अडान राखेका हुन् । फोरम लोकतान्त्रिकका नेता रामजनम चौधरीले पार्टी अहिले सरकारमा नजाने बताए । ‘पहिले हामीले सरकारमा जान चाहेका थियौँ, त्यसवेला लैजानुभएन । अहिले कांग्रेससँगको सहमतिका आधारमा प्रचण्डले सरकार छाड्ने वेला भएको छ । त्यसैले यतिवेला सहभागी गराउन खोज्नुको कुनै अर्थ छैन,’ चौधरीले भने, ‘अब बाहिरै बसेर सरकारलाई सहयोग गर्छौं ।’ गत साउनमा प्रधानमन्त्री निर्वाचनका वेला प्रचण्डलाई मतदान गरेको लोकतान्त्रिकलाई सरकारमा सहभागी गराउन भने कांग्रेस–माओवादीले अनिच्छा देखाएका थिए । फोरम लोकतान्त्रिकलाई सरकारमा सहभागी नगराउन मधेसकेन्द्रित दलले दबाब दिएका थिए । तर, अहिले संविधान संशोधन प्रस्तावमा दुईतिहाइ बहुमत पुर्याउन सबैलाई समेट्ने तयारीमा सरकार लागेको हो । अहिले मधेसी मोर्चाले पनि सरकारमा गच्छदारको पार्टीलाई ल्याउन ग्रिन सिग्नल दिएको छ । तर, पार्टीभित्रै विरोध देखिएपछि अध्यक्ष गच्छदार अप्ठ्यारोमा परेका छन् ।
Comments
अरु समाचार
-
उपल्लो मुस्ताङको पर्यटन विकासमा अर्धनिषेधित क्षेत्रको तगारो, करोडौँ लगानीका होटल सुनसान
म्याग्दी, ४ असोजः मुस्ताङको लोमान्थाङ गाउँपालिका–५ मा रहेको न्युतारा होटलका सञ्चालक निमा विष्ट व्यवसाय छाडेर विदेश पलायन हुनुभएको छ ।...
-
केही स्थानमा स्थानमा मेघगर्जन र चट्याङसहित हल्कादेखि मध्यम वर्षाको सम्भावना
काठमाडौँ, ४ असोजः हाल देशभर मनसुनी वायुको प्रभाव रहेको जनाउँदै जल तथा मौसम विज्ञान विभागले मनसुनको न्यून चापीय रेखाको पश्चिमतिर...
-
विदेशी मुद्रा विनिमय दर कति ? युरो र पाउण्डको मूल्य बढ्यो
काठमाडौँ : बिहीबारको तुलनामा आज शुक्रबार अमेरिकी डलरको मूल्यमा गिरावट आएको छ भने युरो र पाउण्ड स्ट्रलिङको मूल्य बढेको छ...
-
राष्ट्रसंघ महासभाको अधिवेशनमा भाग लिन प्रधानमन्त्री न्यूयोर्क जाँदै
काठमाडौँ । प्रधानमन्त्री केपी शर्मा ओली संयुक्त राज्य अमेरिकाको न्यूयोर्कस्थित संयुक्त राष्ट्रसङ्घको मुख्यालयमा भइरहेको संयुक्त राष्ट्रसङ्घ महासभाको ७९औँ अधिवेशनमा भाग...
-
फिफाको पछिल्लो वरीयतामा नेपाल एक स्थान तल झर्यो
काठमाडौं । फिफाको पछिल्लो वरीयतामा नेपाल एक स्थान तल झरेको छ । फिफाले बिहीबार सार्वजनिक गरेको नयाँ वरियतामा नेपाल १७६औँ...
-
चाडपर्व लक्षित सुपथ मूल्य पसल आजदेखि सञ्चालनमा
काठमाडौं । सरकारले आम उपभोक्तालाई सहुलियत दरमा दैनिक उपभोग्य वस्तु उपलब्ध गराउने उद्देश्यले आजदेखि चाडपर्व लक्षित सुपथ मूल्य पसल सञ्चालनमा...
-
थाई-नेप्लिज एशोसिएशन थाइल्याण्ड सेन्टरको सातौं कार्यकालको दोस्रो त्रैमासिक बैठक सम्पन्न
बैंकक । थाई-नेप्लिज एशोसिएशन थाइल्याण्ड सेन्टरको सातौं कार्यकालको दोस्रो त्रैमासिक बैठक सम्पन्न भएको छ । बैठक हुवाहिन शाखामा भखरै सम्पन्न...
-
भक्तपुरमा वीर अस्पताल निर्माण गर्ने विषयमा छलफल
काठमाडौं । भक्तपुरको दुवाकोटमा अत्याधुनिक वीर अस्पताल निर्माण प्रक्रिया अघि बढाउन अर्थ र स्वास्थ्य मन्त्रालयका उच्च पदस्थ अधिकारीबीच छलफल भएको...
-
दरबारमार्गमा हुने कन्सर्टमा पाँच हजार सुरक्षाकर्मी परिचालन
काठमाडौं । संविधान दिवसका अवसरमा आज काठमाडौँको दरबारमार्गमा आयोजना हुने ‘नेसनल डे कन्सर्ट’ कार्यक्रममा पाँच हजार बढी सुरक्षाकर्मी परिचालन हुने...