पर्यटन व्यावसायी सुनारले ल्याए ‘हिमालको गोठालो’
गोरखाः पर्यटन व्यावसायी सुनारबहादुर गुरुङको आत्मकथा ‘हिमालको गोठालो’ प्रकाशित भएको छ ।
नेपालका पहिलो अन्तरराष्ट्रिय पथप्रदर्शक तथा त्रिनेत्र एडभेञ्चर प्रालिका कार्यकारी निर्देशक गुरुङको इतिहास समेटिएको पुस्तक सुनार ट्रस्ट नेपालले प्रकाशन गरेको हो ।
गोरखाको दुर्गम उत्तरी गाविस लाप्राक–५ का बासिन्दा गुरुङले पुस्तकमा आफ्नो गोठाले जीवन, भरिया जीवन र अन्तरराष्ट्रिय पथप्रदर्शक बन्दासम्मको भोगाई समेटेका छन् ।
पुस्तकमा १ सय ११ खण्ड रहेको छ । गत पुुस १५ गते काठमाडौँको टुँडिखेलमा तमु ल्होसारका अवसरमा आयोजित कार्यक्रममा प्रधानमन्त्री पुष्पकमल दाहाल प्रचण्डले पुस्तकको विमोचन गरेका थिए ।
गोरखामा मङ्गलवार पत्रकारहरुसँगको भेटमा उनले पुस्तकबारे जानकारी दिएका हुन्। “यो किताब एउटा लेकमा जन्मेको बच्चाको यथार्थ हो । मेरो भोगाई यसमा लेखेको छु”, उनले भने ।
अभाव र समस्याबीच गाउँमा प्रारम्भिक शिक्षा मात्रै लिएका गुरुङले फ्रान्समा आफ्नै खर्चबाट पथप्रदर्शकको अन्तरराष्ट्रिय तालिम लिई नेपालकै पहिलो अन्तरराष्ट्रिय पथप्रदर्शक बन्न सफल भएका हुन् ।
“किताबमा लेकाली जीवनशैली र गोठालोको दिनचर्या त छँदैछ । ट्रेकिङमा आउने टुरिस्टको भारी बोकेर हिँड्दाको भोगाई, भरियाको समस्या र जोखिम पनि छ’’, उनले भने, ‘‘फ्रान्समा स्की, रक क्लाइम्बिङ, क्यानोनिङ र पौडी जस्ता तालिम लिँदा भोग्नुपरेका भाषिकदेखि अन्य समस्या र सफलता पनि यसमा छ ।”
पहिलो चरणमा ३ हजार प्रति पुस्तक छापिएको छ । ५ सय रुपैयाँ पर्ने यो पुस्तक बेचेर आएको सबै आम्दानी समाजसेवामा खर्चने लेखक गुरुङले जानकारी दिए ।
“मैले ट्रस्टमार्फत गाउँको शिक्षा, समाजिक काम, संस्कृति संरक्षण, पर्यटन विकास लगायतका क्षेत्रमा काम गर्दै आएको छु’’, उनले भने, ‘‘किताब बेचेर आएको पैसा पनि त्यहीँ लगानी गर्छु ।” पुस्तक अङ्ग्रेजीमा पनि अनुवाद गर्ने तयारी भइरहेको सुनारले बताए ।
Comments
अरु समाचार
-
आज सुनको मूल्य बढ्यो
काठमाडौं । लगातार ओरालो लागेको सुनको मूल्य आज भने पुनःउकालो लागेको छ । नेपाल सुनचाँदी व्यवसायी महासङ्घका अनुसार सुन तोलामा...
-
उपल्लो मुस्ताङको पर्यटन विकासमा अर्धनिषेधित क्षेत्रको तगारो, करोडौँ लगानीका होटल सुनसान
म्याग्दी, ४ असोजः मुस्ताङको लोमान्थाङ गाउँपालिका–५ मा रहेको न्युतारा होटलका सञ्चालक निमा विष्ट व्यवसाय छाडेर विदेश पलायन हुनुभएको छ ।...
-
केही स्थानमा स्थानमा मेघगर्जन र चट्याङसहित हल्कादेखि मध्यम वर्षाको सम्भावना
काठमाडौँ, ४ असोजः हाल देशभर मनसुनी वायुको प्रभाव रहेको जनाउँदै जल तथा मौसम विज्ञान विभागले मनसुनको न्यून चापीय रेखाको पश्चिमतिर...
-
विदेशी मुद्रा विनिमय दर कति ? युरो र पाउण्डको मूल्य बढ्यो
काठमाडौँ : बिहीबारको तुलनामा आज शुक्रबार अमेरिकी डलरको मूल्यमा गिरावट आएको छ भने युरो र पाउण्ड स्ट्रलिङको मूल्य बढेको छ...
-
राष्ट्रसंघ महासभाको अधिवेशनमा भाग लिन प्रधानमन्त्री न्यूयोर्क जाँदै
काठमाडौँ । प्रधानमन्त्री केपी शर्मा ओली संयुक्त राज्य अमेरिकाको न्यूयोर्कस्थित संयुक्त राष्ट्रसङ्घको मुख्यालयमा भइरहेको संयुक्त राष्ट्रसङ्घ महासभाको ७९औँ अधिवेशनमा भाग...
-
फिफाको पछिल्लो वरीयतामा नेपाल एक स्थान तल झर्यो
काठमाडौं । फिफाको पछिल्लो वरीयतामा नेपाल एक स्थान तल झरेको छ । फिफाले बिहीबार सार्वजनिक गरेको नयाँ वरियतामा नेपाल १७६औँ...
-
चाडपर्व लक्षित सुपथ मूल्य पसल आजदेखि सञ्चालनमा
काठमाडौं । सरकारले आम उपभोक्तालाई सहुलियत दरमा दैनिक उपभोग्य वस्तु उपलब्ध गराउने उद्देश्यले आजदेखि चाडपर्व लक्षित सुपथ मूल्य पसल सञ्चालनमा...
-
थाई-नेप्लिज एशोसिएशन थाइल्याण्ड सेन्टरको सातौं कार्यकालको दोस्रो त्रैमासिक बैठक सम्पन्न
बैंकक । थाई-नेप्लिज एशोसिएशन थाइल्याण्ड सेन्टरको सातौं कार्यकालको दोस्रो त्रैमासिक बैठक सम्पन्न भएको छ । बैठक हुवाहिन शाखामा भखरै सम्पन्न...
-
भक्तपुरमा वीर अस्पताल निर्माण गर्ने विषयमा छलफल
काठमाडौं । भक्तपुरको दुवाकोटमा अत्याधुनिक वीर अस्पताल निर्माण प्रक्रिया अघि बढाउन अर्थ र स्वास्थ्य मन्त्रालयका उच्च पदस्थ अधिकारीबीच छलफल भएको...