संसद बैठक दुई साता स्थगित भएपछि यी विधेयक अलपत्रमा
काठमाडौं,२४ माघ । संविधान संशोधनपछिमात्र निर्वाचन मिति घोषणा गर्ने कांग्रेसले मधेशी मार्चालाई आश्वास दिएकै दिन संसद बैठक आगामी फागुन १० गतेसम्मका लागि स्थगित भएको छ ।
संसद बैठक स्थगित भएसँगै निर्वाचन मिति घोषणा गर्ने सरकारको तयारी, संविधान संशोधन र राजनीतिक दलसम्बन्धी विधेयक अलपत्र परेका छन् । स्थानीय तह निर्वाचन गर्ने प्रमुख कार्यादेश सहित गत साउन १९ गते गठन भएको पुष्पकलम दाहाल नेतृत्वको वर्तमान सरकारले ६ महिना बितिसक्दा समेत चार वटा विधेयक पारित गर्न बाहेक संविधान कार्यान्वयनको ठोस कार्ययोजना अघि सार्न सकेको छैन ।
संविधान संशोधन विधेयकलाई लिएर एमाले सहितका प्रतिपक्षी दलले लामो समय गरेको संसद अवरोध र लोकमानसिंह कार्कीबिरुद्धको महाअभियोग प्रस्तावका कारण संविधान कार्यान्वयनको ठोस कार्ययोजना ल्याउन नसकेको सरकारको स्पष्टोक्ति छ ।
सरकारले संसदमा प्रस्तुत गरेका पाँच वटा विधेयकमध्ये चार वटा पारित भएपनि थ्रेसहोल्डमा सहमति हुन नसक्दा राजनीतिक दलसम्बन्धी विधेयक पारित हुन सकेको छैन । प्रत्येक घण्टा एउटा निर्णयका साथ अघि बढेमात्र आगामी माघ ७ गते भित्र तीनै तहको निर्वाचन सम्भव रहेको सुझाव विज्ञले सरकारलाई दिएपनि सत्तारुढ दल भने सत्तासमर्थित र प्रतिपक्षलाई मनाउने ध्याउन्नमा समय खर्चिरहेछन् । गत बैशाख २० गतेबाट निरन्तर जारी रहेको संसद अधिवेशन पछिल्लो समय साना तिना एजेण्डामा केन्द्रित हुने गरेको छ ।
सभामुख ओनसरी घर्तीले संसदमा तत्काल महत्वपूर्ण विधेयक नभएकाले सरकारलाई थप सहमतिको समय उपलब्ध गराउन संसद बैठक स्थगित भएको बताउनुभयो । लामो समयदेखि जारी बैठकका कारण सम्बन्धित जिल्लामा सांसदहरुको कामकारवाही समेत प्रभावित भएकाले बैठक स्थगित भएको उल्लेख गर्दै उहाँले सांसदहरुको आग्रहमा फागुन १० गतेका लागि अर्को बैठक डाकिएको जानकारी दिनुभयो ।
सभामुख घर्ती संसद अधिवेशन नै अन्त्य गर्ने मनस्थितिमा रहेपनि संशोधन विधेयक अलपत्र पारी अधिवेशन अन्त्य गर्न नहुने मधेशी मोर्चाको अडानका कारण सरकार पछि हटेको संसद सचिवालय स्रोतको भनाई छ । प्रमुख प्रतिपक्षी एमालेले भने निर्वाचन नगराउने मनशायका साथ सरकारको आग्रहमा संसद बैठक लामो समयसम्मका लागि स्थगित भएको भन्दै आपत्ति जनाएको छ । मन्त्रीपरिषद् निर्णय विपरित प्रधानमन्त्री पुष्पकमल दाहालले मधेशी मोर्चासँगको छलफलमा निर्वाचन मिति घोषणा नभएको बताउनु शंकास्पद भएको एमालेको भनाई छ ।
प्रमुख सचेतक भानुभक्त ढकालले थ्रेसहोल्डमाथि विवाद देखाएर संसद बैठक स्थगित हुनु दुर्भाग्यपूर्ण भएको बताउदै आगामी माघ ७ गतेभित्र तीनै तहको निर्वाचन गर्नुपर्ने समयसीमा चुनौतीपूर्ण भएको दावी गर्नुभयो । ढकालले भन्नुभयो, ‘बिजनेस नदिएर सरकार संसदलाई कमजोर बनाउन खोज्दैछ । निर्वाचनसँग सम्बन्धित चार वटा विधेयकको मस्यौदा तयार नहुनु र राजनीतिक दलसम्बन्धी विधेयक राज्यब्यवस्था समितिमा अलपत्र बनाउनुले निर्वाचन नगराउने सरकारको नियत प्रष्ट भएको छ ।’ यद्यपी सत्तानेतृत्वकर्ता दल नेकपा माओवादी केन्द्रले भने एमालेको आरोप सरासर गलत भएको बताएको छ । केन्द्रका मुख्य सचेतक टेकहादुर बस्नेतले निर्वाचनको वातावरण बनाउनकै लागि संसद बैठक दुईसाताकालागि स्थगित भएको दावी गर्नुभयो । राजनीतिक दलसम्बन्धी विधेयकमा सहमति जुटाउन समय आवश्यक रहेको र बांकी विधेयकको समेत मस्यौदा निर्माण गर्नुपर्ने भएकाले बैठक लामो समय स्थगित गरिएको बस्नेतको दावी छ । संसदको अधिवेशन नै अन्त्य गर्ने अवस्था तत्काल नरहेकाले सांसदको नियमित कामका लागि समेत फागुन १० गतेमात्र बैठक बस्ने उहाँको तर्क छ । माओवादी केन्द्रका मूख्य सचेतक बस्नेतले भन्नुभयो, ‘सरकार निर्वाचन उन्मुख भईसकेकोछ, यसका कसैले शंका नगरे हुन्छ । निर्वाचनको वातावरण बनाउनकै लागि सांसदहरुलाई गाउँ जाने समय दिन बैठक दुई साताका लागि स्थगित भएको हो । ‘सत्तारुढ प्रमुख दलहरु माओवादी केन्द्र र नेपाली कांग्रेसको शीर्ष नेतृत्वले संविधान संशोधन पछि मात्र निर्वाचनको मिति घोषणा गर्ने आश्वासन सत्तासमर्थित मधेशी मोर्चालाई दिदै आएका छन् । सरकार गठनको समय भएको तीन बुँदे सहमति कार्यान्वयनका लागि एक साता लामो अल्टिमेटम गत शनिवार सकिएपनि मोर्चाले सरकारलाई दिएको समर्थन फिर्ता लिने नलिने निर्णय गरेको छैन । संविधान संशोधनपछि मात्र निर्वाचनको मिति घोषणा गर्ने सत्तारुढ दलको आश्वासनमा ढुक्क देखिएको मोर्चाले माग सम्बोधन नभए आन्दोलन गर्ने चेतावनीबारे समेत औपचारिक धारणा ल्याएको छैन । सरकारले प्रतिनिधिसभा, राष्ट्रिय सभा, प्रदेश सभा र निर्वाचन क्षेत्र निर्धारण आयोगसम्बन्धी थप चार वटा विधेयकको मस्यौदा समेत तयार गर्न सकेको छैन । दलहरुबीच सहमति हुन नसक्दा स्थानीय तह पुनस्संरचना आयोगले गत पुष २२ गते सरकारलाई बुझाएको प्रतिवेदन समेत अलपत्र परेको छ । प्रतिवेदनमाथि पुनर्बिचार आश्वयक देखेको सरकारले तीन सदस्यीय समिति गठन गरेपनि त्यसले काम थालेको छैन ।
Comments
अरु समाचार
-
आउँदो बिहीवारसम्म मौसम बदली र पानी पर्ने सम्भावना
काठमाण्डौ । आउँदो बिहीवारसम्म नै मौसम बदली र पानी पर्ने सम्भावना रहेकाले मौसमविद्ले मुख्यगरी धानखेती गरेका किसानलाई सतर्कता र सावधानी...
-
प्रस्तावित प्रधान न्यायाधीश र दुई राजदूतमाथि उजुरी आह्वान
काठमाडौं । संसदीय सुनुवाइ समितिले प्रस्तावित प्रधान न्यायाधीश र दुई राजदूतमाथि सुनुवाइका लागि उजुरी आह्वान गरेको छ । समितिको आज...
-
सहकारीको रकम हिनामिना छानबिन समितिको प्रतिवेदन सार्वजनिक (पूर्णपाठ सहित)
काठमाडौं । सहकारी संस्थाहरुको रकम हिनामिनाबारे सरकारले गठन गरेको संसदीय छानबिन समितिको प्रतिवेदन सार्वजनिक भएको छ । प्रतिनिधि सभाले छानबिन...
-
राष्ट्रपतिसमक्ष वित्त आयोगको प्रतिवेदन पेस
काठमाडौं । राष्ट्रपति रामचन्द्र पौडेल समक्ष राष्ट्रिय प्राकृतिक स्रोत तथा वित्त आयोगको वार्षिक प्रतिवेदन पेस गरिएको छ । राष्ट्रपति भवन...
-
रुपा चक्रपथ दोस्रो खण्डको शिलान्यास
काठामाडौं । रुपा गाउँपालिकामा निर्माणाधीन चक्रपथको दोस्रो खण्डको शिलान्यास गरिएको छ । गण्डकी प्रदेशका पूर्व मुख्यमन्त्री खगराज अधिकारी र गण्डकी...
-
कार्यवाहक प्रधानमन्त्रीको जिम्मेवारी उपप्रधानमन्त्री सिंहलाई
काठमाडौं । राष्ट्रपति रामचन्द्र पौडेलले प्रधानमन्त्रीको अनुपस्थितिमा प्रधानमन्त्रीले गर्ने दैनिक प्रशासनिक काम उपप्रधानमन्त्री एवं सहरी विकासमन्त्री प्रकाशमान सिंहले सम्हाल्ने गरी...
-
मध्यपूर्वमा बढ्यो युद्धको खतरा, इजरायलद्वारा लेबनानमाथि सयभन्दा बढी रकेट आक्रमण
काठमाडौं । मध्यपूर्वमा युद्धको खतरा बढेर गएको छ । लेबनानमा मङ्गलवार र बुधवार भएको वाकीटकी र पेजर विस्फोट पछि बिहीवार...
-
आज चारवटा संसदीय समितिको बैठक बस्दै
काठमाडौं । आज चारवटा संसदीय समितिको बैठक बस्दैछ। जस अनुसार बिहान ११ बजे शिक्षा, स्वास्थ्य तथा सूचना प्रविधि समितिको बैठक...
-
सुरु भयो पदयात्राको याम
काठमाडौं । शरद ऋतुसँगै पदयात्रा पर्यटनको मुख्य याम सुरु भएको छ । असोज–कात्तिक र चैत–वैशाखको याम पदयात्राका लागि अत्यन्त राम्रो...