आज पूर्व प्रधानमन्त्री सुशील कोइरालाको पहिलो स्मृति दिवस
काठमाडौं, २६ माघ । नेपाली कांग्रेसका तात्कालिन सभापति एवं पूर्वप्रधानमन्त्री सुशील कोइरालाको प्रथम पुण्य स्मृति दिवस, कांग्रेस एवम् उसका भ्रातृ संघ संस्थाले कोइरालाको सम्झना गर्दैछन् ।
स्मृति दिवसका अवसरमा नेपाली कांग्रेसले ललितपुरको सानेपास्थित पार्टी मुख्यालयमा अहिले केहीवेरमा विशेष कार्यक्रम गर्दैछ । कार्यक्रमलाई सभापति शेरबहादुर देउवा र कांग्रेसका शीर्ष नेताले सम्बोधन गर्ने कार्यक्रम छ ।
त्यस्तै सुशील कोइराला फाउण्डेशनले पनि कोइरालाको सम्झनामा साँझ दीप प्रज्ज्वलन गर्दैछ ।
१९९५ सालमा विराटनगरमा जन्मिएका कोइरालाको गत वर्ष माघ २६ गते राजधानीको महाराजगञ्जस्थित निवासमा निधन भएको थियो ।
उहाँको निधनमा अनेकन चर्चा बाहिर आएपनि उपचारमा संलग्न चिकित्सकहरुले निमोनियाका कारण निधन भएको बताएका छन् । पार्टीको १३ औं महाधिवेशनमा सभापतिको प्रत्यासी समेत रहेका कोईरालाको महाधिवेशनको करिब एक महिना अघि निधन भएको थियो ।
उहाँको निधनपछि दुई खेमामा विभाजन भएको तात्कालिन संस्थापन पक्ष अहिले पनि रामचन्द्र पौडेल र कृष्ण सिटौला खेमाका रुपमा पार्टीमा चिनिन्छ ।
दोस्रो संविधान सभा निर्वाचनमा कांग्रेसलाई संसदको पहिलो पार्टी बनाउन सफल कोइराला, एमालेको सहयोगमा मुलुकको प्रधानमन्त्री बन्नु भएको थियो ।
गणतन्त्र नेपालको छैटौं प्रधानमन्त्रीमा निर्बाचित भएपछि उहाँकै प्रधानमन्त्रीत्वकालमा गणतन्त्र नेपालको पहिलो संबिधान जारी भएको थियो ।
गणतन्त्रात्मक नेपालको पहिलो संविधान निर्माण र घोषणाको नेतृत्व गरेका कोईराला एमालेलाई सत्ता हस्तान्तरणको सहमति कार्यान्वयन नगरेको भन्दै पार्टी भित्र र बाहिर आलोचित समेत बन्नु भयो ।
एमाले अध्यक्ष केपी शर्मा ओली प्रधानमन्त्रीको उम्मेद्वार बन्दा आफुले समेत उम्मेद्वारी दिएका कोइराला पराजित मात्र हुनु भएन, संविधान घोषणाको नेतृत्व गरेको कांग्रेस कार्यान्वयनका समय प्रतिपक्षीमा बस्न बाध्य भयो ।
सरकारमा आउन ओलीले बारम्बार गरेको आग्रह वेवास्ता गरेका कोइरालाको तात्कालिन रणनीतिका कारण बढेको दलीय ध्रुविकरण अहिले समेत सहज बन्न सकेको छैन ।
कोइराला करिव २० महिना मुलुकको कार्यकारी प्रमुख बन्नुभयो । नेपालकै सवैभन्दा गरिव प्रधानमन्त्रीको पगरी भिरेका अविवाहित कोइरालाले आफ्नो सम्पत्ति सार्वजनिक गर्दा तीन वटा मोबाइल मात्र देखाउनुभएको थियो ।
Comments
अरु समाचार
-
आउँदो बिहीवारसम्म मौसम बदली र पानी पर्ने सम्भावना
काठमाण्डौ । आउँदो बिहीवारसम्म नै मौसम बदली र पानी पर्ने सम्भावना रहेकाले मौसमविद्ले मुख्यगरी धानखेती गरेका किसानलाई सतर्कता र सावधानी...
-
प्रस्तावित प्रधान न्यायाधीश र दुई राजदूतमाथि उजुरी आह्वान
काठमाडौं । संसदीय सुनुवाइ समितिले प्रस्तावित प्रधान न्यायाधीश र दुई राजदूतमाथि सुनुवाइका लागि उजुरी आह्वान गरेको छ । समितिको आज...
-
सहकारीको रकम हिनामिना छानबिन समितिको प्रतिवेदन सार्वजनिक (पूर्णपाठ सहित)
काठमाडौं । सहकारी संस्थाहरुको रकम हिनामिनाबारे सरकारले गठन गरेको संसदीय छानबिन समितिको प्रतिवेदन सार्वजनिक भएको छ । प्रतिनिधि सभाले छानबिन...
-
राष्ट्रपतिसमक्ष वित्त आयोगको प्रतिवेदन पेस
काठमाडौं । राष्ट्रपति रामचन्द्र पौडेल समक्ष राष्ट्रिय प्राकृतिक स्रोत तथा वित्त आयोगको वार्षिक प्रतिवेदन पेस गरिएको छ । राष्ट्रपति भवन...
-
रुपा चक्रपथ दोस्रो खण्डको शिलान्यास
काठामाडौं । रुपा गाउँपालिकामा निर्माणाधीन चक्रपथको दोस्रो खण्डको शिलान्यास गरिएको छ । गण्डकी प्रदेशका पूर्व मुख्यमन्त्री खगराज अधिकारी र गण्डकी...
-
कार्यवाहक प्रधानमन्त्रीको जिम्मेवारी उपप्रधानमन्त्री सिंहलाई
काठमाडौं । राष्ट्रपति रामचन्द्र पौडेलले प्रधानमन्त्रीको अनुपस्थितिमा प्रधानमन्त्रीले गर्ने दैनिक प्रशासनिक काम उपप्रधानमन्त्री एवं सहरी विकासमन्त्री प्रकाशमान सिंहले सम्हाल्ने गरी...
-
मध्यपूर्वमा बढ्यो युद्धको खतरा, इजरायलद्वारा लेबनानमाथि सयभन्दा बढी रकेट आक्रमण
काठमाडौं । मध्यपूर्वमा युद्धको खतरा बढेर गएको छ । लेबनानमा मङ्गलवार र बुधवार भएको वाकीटकी र पेजर विस्फोट पछि बिहीवार...
-
आज चारवटा संसदीय समितिको बैठक बस्दै
काठमाडौं । आज चारवटा संसदीय समितिको बैठक बस्दैछ। जस अनुसार बिहान ११ बजे शिक्षा, स्वास्थ्य तथा सूचना प्रविधि समितिको बैठक...
-
सुरु भयो पदयात्राको याम
काठमाडौं । शरद ऋतुसँगै पदयात्रा पर्यटनको मुख्य याम सुरु भएको छ । असोज–कात्तिक र चैत–वैशाखको याम पदयात्राका लागि अत्यन्त राम्रो...