ताजा समाचार

श्रीमतीको भोट श्रीमानले हाल्न खोजेपछि कांग्रेस–एमाले कार्यकर्ताबीच झडप

समाचार
-
       

बझाङ, १० मंसिर । श्रीमतीको भोट श्रीमानले हाल्न खोजेपछि कांग्रेस र एमाले कार्यकर्ताबीच झडप भएको छ । थलारा गाउँपालिका वडा नम्बर ८ मा रहेको शैलेश्वरी निमावि मतदान केन्द्रमा कांग्रेस र एमाले कार्यकर्ताबीच झडप भएको हो ।

झडपका क्रममा नेपाली कांग्रेसका केही कार्यकर्ताहरुले एमालेका कार्यकर्तालाई कुटपिट गरेको स्थानीयले बताएका छन् । स्थानीयबासिन्दा देबराज उपाध्याकी श्रीमतीको भोट देवराजले हाल्न खोज्दा झडप भएको हो ।
एमालेका कार्यकर्ताले भोट हाल्न नपाउने भनेपछि झडप भएको थियो ।

झडपका क्रममा एक जना एमालेका कार्यकता सामान्य घाइते भएका छन् । केही समय मतदान स्थलमा तनावग्रस्त भए पनि अहिले शान्तिपूर्ण वातावरणमा मतदान प्रक्रिया भैरहेको छ ।

Comments

प्रकाशित मिति : 2017-11-26

अरु समाचार

© NewsNepal 2018 - All Right Reserved.
newsnepal.com 2017.hlon.org