प्रधानमन्त्री देउवाले दिएको पाँच हजार रुपैयाँको चेक एकैछिनमा खोसियो !
काठमाडौं, १२ माघ । प्रधानमन्त्रीले दिएको चेक एकैछिनमा खोसियो भन्दा अचम्म लाग्न सक्छ । यो घटना कुनै बाहिरि देशको होईन। हाम्रै देशको घटना हो । बिहीबार प्रधानमन्त्री शेरबहादुर देउवाले राष्ट्रिय ट्रमा सेन्टरमा उपचार गराईरहेका स्पाइनल इन्जुरीका बिरामी धादिङ गंगाजमुना ४ का सुजन सिंखडालाई पाँच हजार रुपैयाँको चेक दिए ।
उनले दिएको चेक सिंखडाको हातमा परेको केही समयमै खोसिएको हो । त्यो पनि कुनै चोर डाँकु नभई राष्ट्रिय ट्रमा सेन्टर प्रशासनले । प्रधानमन्त्री देउवाले बिहीवारदेखि क्यान्सर, मिर्गौला र स्पाइनल इन्जुरीका बिरामीलाई रकम बाँडेका थिए । ट्रमा सेन्टरमा रकम बाँड्ने क्रममा सिंखडालाई प्रधानमन्त्री देउवाले शैयामै पुगेर पाँच हजारको चेक हस्तान्तरण गरेका थिए । प्रधानमन्त्रीको हातबाट चेक पाएपछि सुजनको परिवारमा आशा पलाएको थियो ।
उपचारको लागि ऋणको भारीले थिचेका परिवारमा मासिक पाँच हजार पाउने आशा थियो । तर सुजनको परिवारलाई के थाहा प्रधानमन्त्री स्वयमले दिएको चेक, ट्रमा सेन्टरका प्रशासनले आएर खोसेर लान्छ भनेर । उनको हातमा पुगेको केही समयमै अस्पत्ताल प्रशासनले खोसेर लग्यो । सुजनको परिवार छाँगाबाट खसेजस्तै भयो ।
गाउँमा रुख काट्न जाँदा सुजन लडेर घाइते भएका थिए । रुखबाट खसेर उनको ढाड भाँचिएको थियो भने बाँया हात नचल्ने अवस्था पुगेको थियो । उपचारका लागि पुष ४ गते ट्रमा सेन्टर भर्ना भएका सुजनको स्पाइनलमा समस्या रहेका कारण उनी उठ्न समेत सकेका थिएनन् । उपचारकै लागि गाउँमा चिनेका सबैसँग उनको उनीहरुले ऋण माग्न भ्याइसकेका थिए ।
श्रीमान्को यस्तो अवस्थाका कारण श्रीमती सिता सिंखडा निकै पीडामा देखिन्थे । श्रीमानको उपचारमा मात्रै उनले साढे तीनलाख खर्च भइसकेको बताइन् । कमजोर आर्थिक अवस्थाका कारण श्रीमान्को उपचारमै ऋणको भारी बोकिरहेका उनलाई बिहीवार साँझ प्रधानमन्त्री शेरबहादुर देउवाले शैयामै आएर चेक बाँडेपछि उनको मनमा आशा पलाएको थियो ।
प्रधानमन्त्रीले स्पाइनल इन्जुरीका बिरामी राखिएको वार्डमा चेक बाँड्न आएका थिए । उनका साथमा स्वास्थ्य मन्त्री दीपक बोहरा र अस्पताल प्रशासनका कर्मचारीहरु समेत थिए । बेड नं ५०५ मा रहेका सुजनलाई प्रधानमन्त्रीले पाँच हजारको चेक हस्तान्तरण गरे । प्रधानमन्त्री देउवाको हातबाट चेक पाएपछि सिताको मन निकै प्रफुल्लित थियो भने श्रीमानको उपचारमा लागेको ऋणको भारी हल्का हुने आशा थियो ।
प्रधानमन्त्रीको हातबाट चेक पाएको केहीबेरमै ट्रमा सेन्टरको प्रशासनका एक कर्मचारीले चेक साटिएको भन्दै चेक साटेर ल्याउने भन्दै सितासँगको चेक लिएर गए । सिताले पनि आफ्नो श्रीमानको नामको चेक अर्को व्यक्तिसँग परेको होला भनेर चुप लागिन् । तर त्यसो भएन । गल्तीले सुजनको हातमा प्रधानमन्त्रीले चेक बाँडेको भन्दै सुजनको नाममा चेक नरहेको श्रीमती सितालाई प्रशासनले जवाफ दियो । प्रशासनको यस्तो जवाफ सुनेर उनको परिवार छक्क प¥यो ।
कम्मरमुनिको भाग नचल्ने अर्थात प्यारालाइसिस भएको स्पाइनलको बिरामीलाई मात्रै सरकारले रकम बाँडेको भन्दै प्रशासनले उनको श्रीमानलाई रकम दिन अस्वीकार गर्यो । एकछिनअघिसम्म प्रधानमन्त्रीले स्पाइनलका बिरामी श्रीमानलाई हस्तान्तरण गरेको चेक एकाएक प्रशासनले फिर्ता लिएपछि उनी छाँगाबाट खसेझै भइन् ।
Comments
अरु समाचार
-
बागमती, गण्डकी र कर्णाली प्रदेशमा भारी वर्षाको सम्भावना
काठमाडौँ । हाल देशभर मनसुनी वायुको प्रभाव कायमै छ । मनसुनको न्यून चापीय रेखा पश्चिममा सरदर स्थानको उत्तरतिर र पूर्वमा...
-
केही स्थानमा स्थानमा मेघगर्जन र चट्याङसहित हल्कादेखि मध्यम वर्षाको सम्भावना
काठमाडौँ, ४ असोजः हाल देशभर मनसुनी वायुको प्रभाव रहेको जनाउँदै जल तथा मौसम विज्ञान विभागले मनसुनको न्यून चापीय रेखाको पश्चिमतिर...
-
कोशीका मुख्यमन्त्री कार्कीले असोज २ गते विश्वासको मत लिने
काठमाडौं । कोशी प्रदेशका मुख्यमन्त्री हिक्मतकुमार कार्कीले आगामी असोज २ गते विश्वासको मत लिने भएका छन् । नेपाल कम्युनिष्ट पार्टी...
-
मुग्लिङ-नारायणगढ सडकखण्ड अन्तर्गत सिमलतालबाट त्रिशूली नदीमा ट्रक खस्यो
काठमाडौं । मुग्लिन-नारायणगढ सडकखण्डको सिमलतालबाट आइतबार बिहानै ट्रक खसेको छ। खाने तेल बोकेर सिमाराबाट काठमाडौँ गइरहेकोे ट्रक त्रिशूलीमा खसेको हो...
-
साहित्यकारहरुले भने- नारद पोखरेलको उपन्यास ‘उर्वरा’ ले सजिलै पाठकको मन तान्छ
काठमाडौं, भदौ २९ । उपन्यासकार नारद पोखरेलको उपन्यास ‘उर्वरा’ पाठकका लागि फरक स्वादको चटनी भएको एक कार्यक्रममा सहभागी स्रष्टाहरुले बताएका...
-
बाल अधिकार संरक्षणमा प्रदेश सरकार प्रतिबद्ध छः मुख्यमन्त्री कार्की
काठमाडौं । कोशी प्रदेश सरकारका मुख्यमन्त्री हिक्मतकुमार कार्कीले प्रदेश सरकार बाल अधिकार संरक्षणमा प्रतिबद्ध भएको बताएका छन्। आज बाल दिवसका...
-
बाग्मती, गण्डकी, मधेश र कोशीमा हल्कादेखि मध्यम वर्षाको सम्भावना
काठमाण्डौ । लुम्बिनी, कर्णाली र सुदूरपश्चिमका विभिन्न ठाउँमा अस्तिदेखि लगातार भइरहेको ठूलो वर्षा रोकिएको छ । गएरातिदेखि ती ठाउँमा पानी...
-
वर्षासँगै आएको पहिरोले सुदूरपश्चिमका विभिन्न राजमार्ग अवरुद्ध
काठमाडौं । अविरल वर्षासँगै आएको पहिरोले सुदूरपश्चिम प्रदेशका पहाडी क्षेत्रका विभिन्न राजमार्ग अवरुद्ध भएका छन् । ठाउँ ठाउँमा गएको पहिरोका...
-
दशौँ राष्ट्रिय खेलकुद प्रतियोगिताको तयारीमा कर्णाली, व्यवस्थापन र पूर्वाधार निर्माणको दबाब
काठमाडौं । कर्णालीमा आगामी मङ्सिर २–९ गतेसम्म हुने दशौँ राष्ट्रिय खेलकुद प्रतियोगिताको समय आउन अब करिब दुई महिना बाँकी छ...