काठमाडौंमा रेल चढ्ने सपना पुरा हुने, स्काइ रेल गुडाउन अध्ययन सुरु, ८७ अर्ब लागत अनुमान
काठमाडौं, १६ माघ । काठमाडौंबासीको रेल चढ्ने सपना भने अप पुरा हुने भएको छ । त्यो पनि २ वर्षभित्रमा काठमाडौंका विभिन्न स्थानमा स्काई रेल सञ्चालनमा आउने भएका हुन् । त्यसको लागि काठमाडौं महानगरपालिकाले अध्ययन प्रक्रिया सुरु गरेको छ ।
स्काई रेल सञ्चालनको सम्भावना देखिएपछि काठमाडौं मोनोरेल प्रालिले विस्तृत परियोजना अध्ययन गर्न सुरु गरेको काठमाडौं महानगरपालिकाका सार्वजनिक निजी साझेदारी इकाईका प्रमुख महेश काफ्लेले जानकारी दिए ।कम्पनीले स्काई रेल निर्माणका लागि लाग्ने खर्च, समय लगायतका विषयमा विस्तृत अध्ययन गरेर महानगरपालिकालाई प्रतिवेदन बुझाउने छ ।
प्रतिवेदनका आधारमा थप प्रक्रिया अघि बढाइने काफ्लेले बताए । स्काई रेल निर्माणका लागि करिब ८७ अर्ब रुपैयाँ लागत लाग्ने अनुमान गरिएको छ । तर अध्ययन प्रतिवेदन आएपछि मात्र लागतको स्पष्ट जानकारी प्राप्त हुने उनले जानकारी दिए । कम्पनीले स्टेशनको संख्या, सडक संरचनाका बारेमा पनि अध्ययन गर्नेछ । महानगरपालिकाले एक महिना अघि सो कम्पनीलाई विस्तृत अध्ययन प्रतिवेदन (डीपीआर) को जिम्मा दिएको थियो ।
काठमाडौं महानगपालिकाले ललितपुर महानगर र अन्य छिमेकी नगरसँगको समन्वयमा स्काई रेल सञ्चालन गर्न लागेको हो । लागत बढी लाग्ने भएकोले महानगरपालिकाले अन्य निकायसँग पनि समन्वय गरी स्काई रेल निर्माण कार्य अघि बढाउने तयारी गरेको काफ्लेले बताए ।
यसअघि साइमिक्स इंक प्रालिलाई काठमाडौं महानगरपालिकाले स्काइ रेल सञ्चालन सम्भाव्यता अध्ययनको जिम्मा दिएको थियो । प्रतिवेदन अनुसार महानगर क्षेत्रमा स्काइ रेलको सम्भावना अध्ययन गर्दा तिलगंगाबाट, एयरपोर्ट, नयाँ बानेश्वर, रत्नपार्क, सहिदगेट हुँदै कलंकीसम्म सञ्चालन गर्न सकिने सम्भावना देखिएको हो । त्यस्तै नारायणगोपाल चोकबाट ललितपुरको एकान्तकुना, चक्रपथ वरिपरि तथा स्वयम्भुबाट बौद्धसम्म पनि स्काईरेल सञ्चालन गर्न सकिने देखिएको छ ।
कम्पनीका अनुसार सामान्यतया १० किलोमिटर दुरीको लिक बनाउन ३० करोड अमेरिकी डलर खर्च लाग्छ । त्योे सम्पन्न गर्न २ वर्ष समय लाग्नेछ । मेट्रो रेलको तुलनामा स्काई रेल सञ्चालनका लागि २० प्रतिशत रकम कम लाग्ने कम्पनीको दाबी छ ।
रेलको एउटा डिब्बामा २ सय जना यात्रु अट्न सक्ने साथै एउटा रेलमा ८ वटासम्म डिब्बा जोड्न सकिन्छ । तर, काठमाडौं महानगरपालिकामा सञ्चालन गरिने रेलमा भने ३ वटा डिब्बा मात्र जोड्न सकिने प्रारम्भिक अध्ययनले देखाएको छ ।
Comments
अरु समाचार
-
मुटुरोग विशेषज्ञको अन्तर्राष्ट्रिय सम्मेलन चितवनमा
चितवन । मुटुरोग विशेषज्ञको अन्तर्राष्ट्रिय सम्मेलन चितवनमा जारी छ । राष्ट्रिय मुटु तथा फोक्सो समाज (नेशनल हर्ट एण्ड लङ्गस सोसाइटी...
-
अमेरिकी डलर, यूरो र पाउन्डको मूल्य घट्यो
अमेरिकी डलर, यूरो र पाउन्डको मूल्य घट्यो काठमाडौँ । शुक्रबारको तुलनामा शनिबार अमेरिकी डलरका साथै यूरो र पाउन्ड स्ट्रलिङको मूल्यमा...
-
राष्ट्रपतिसमक्ष वित्त आयोगको प्रतिवेदन पेस
काठमाडौं । राष्ट्रपति रामचन्द्र पौडेल समक्ष राष्ट्रिय प्राकृतिक स्रोत तथा वित्त आयोगको वार्षिक प्रतिवेदन पेस गरिएको छ । राष्ट्रपति भवन...
-
आज सुनको मूल्य बढ्यो
काठमाडौं । लगातार ओरालो लागेको सुनको मूल्य आज भने पुनःउकालो लागेको छ । नेपाल सुनचाँदी व्यवसायी महासङ्घका अनुसार सुन तोलामा...
-
उपल्लो मुस्ताङको पर्यटन विकासमा अर्धनिषेधित क्षेत्रको तगारो, करोडौँ लगानीका होटल सुनसान
म्याग्दी, ४ असोजः मुस्ताङको लोमान्थाङ गाउँपालिका–५ मा रहेको न्युतारा होटलका सञ्चालक निमा विष्ट व्यवसाय छाडेर विदेश पलायन हुनुभएको छ ।...
-
घट्न थाल्यो सुनको मूल्य
काठमाडौं । नेपाली बजारमा बहुमूल्य पहेलो धातु (सुन)को मूल्यल उच्च कीर्तिमान कायम गरेर फेरी घट्न थालेको छ । केहीदिन पहिलासम्म...
-
राष्ट्रिय गौरवका आयोजनासम्बन्धी छुट्टै कानुन ल्याउन सांसदद्वारा माग
काठमाडौं । राष्ट्रियसभाका सांसदहरुले राष्ट्रिय गौरवका आयोजनासम्बन्धी छुट्टै कानुन ल्याउन सरकारको ध्यानाकर्षण गराएका छन् । राष्ट्रियसभा, सङ्घीयता सबलीकरण तथा राष्ट्रिय...
-
‘साना तथा मझौला उद्योग प्रवर्द्धनको प्रयासमा उद्योग वाणिज्य महासंघ’
काठमाडौँ, २ असोजः नेपाल उद्योग वाणिज्य महासङ्ले युवा, महिला एवं साना तथा मझौला उद्यमीको प्रवर्द्धनमा विशेष प्रयास गरिरहेको जनाएको छ...
-
दैलेखमा पेट्रोलियम पदार्थको अन्वेषणको ५५ प्रतिशत काम सकियो
काठमाडौं । दैलेखको भैरवी गाउँपालिका–१ जलजले क्षेत्रमा रहेको पेट्रोलियम पदार्थको अन्वेषण अन्तर्गत ड्रिलिङको काम ५५ प्रतिशत काम सकिएको छ ।...