चाम्लिङ दोबालिछा समाजद्वारा समाजसेवी राई सम्मानित

समाज

काठमाडौं,१० वैशाख। साउदी अरबमा रहेका (प्रेमबहादुर राई बचाऔं अभियान) मा आर्थिक सहयोग पुर्याएका समाजसेवी भोगिन्द्र राईलाई चाम्लिङ दोबालिछा समाजले एक कार्यक्रमका वीच सम्मान गरेकाे छ।

चोरी आरोपमा साउदी अरबमा रहेका प्रेमबहादुर राईको परिवारलाई भोगिन्द्र राईले एक लाख बयासी हजार आठ सय सत्तरी रुपैँया हस्तान्तरण गरेका छन् । राईलाई खादा ओढाएर चाम्लिङ दोबालिछा समाजका अध्यक्ष जीतकुमार राई र प्रेमबहादुर बचाऔ अभियानका सदस्य ईन्द्र कुलुङले सम्मान गरेका हन् ।

साउदीमा रहेका पीडित इनद्रबहादुर राईको बारेका जानकारी पाएपछि सबैले मिलेर रकम संकलन गरेको भोगिन्द राईले बताए । इलाम माइनगरपालिका- ४ शुक्रबारेका प्रेमबहादुर राईको उद्वारका लागि आर्थिक सहयोग गरेकाेमा भोगिन्द्र राईलाई सम्मान गरिएको चाम्लिङ दोबालिछा समाजका सह कोषाध्यक्ष श्रीराम राईले बताएका छन् ।

कार्यक्रम बोल्दै मासिकका सम्पादक कृष्ण भुसालले यस अभियानलाई आफ्नो तर्फबाट सक्दो सहयोग गर्ने बताएका छन् । त्यसै गरी कार्यकारी सम्पादक गीता अधिकारीले वैदेशिक रोजगारीले भोग्नु परेको यस्ता खाले पीडाले आफू पनि धेरै मर्माहत भएको र मिडियाले यस्ताखाले अभियान लाई पूरा गर्न लाग्नु पर्ने बताएकी छिन् ।

कान्तिपुर दैनिकका पत्रकार दामोदर न्यौपानेले समाजसेवी भोगिन्द्र राईलाई धन्यवाद ज्ञापन दिदै यस्तो समस्यामा परेकाहरूको उद्वार र दक्ष जन शक्तिहरूलाई विदेश पलायन हुनबाट रोक्न अब पनि ढिलाइ गरे झन् यस्ता खाले समस्या दोहोरिरहने कुरा बताए ।

प्रेमबहादुर बचाऔ अभियानमा अहम् भुमिका खेल्ने मिडिया, कान्तिपुर ,गोरखापत्र, नागरिक ,नयाँ पत्रिका लगायतका विभिन्न अनलाइन मिडियालाई अभियानका सदस्य ईन्द्र कुलुङले धन्यवाद ज्ञापन गरेका थिए । कार्यक्रममा डिल्लीराम सुवेदी ,जोजन राई लगायतको उपस्थिति रहेको थियोे ।