प्यालेस्टाइनी बालबालिकाको मेस्सीलाई चिठ्ठीः तपाईं हाम्रो पूर्वजको चिहानमा खेल्न आउनुभएको छ ?
विरोधमा मेस्सीको टी–शर्ट जलाउन अपिल
एजेन्सी नौ जूनमा अर्जेन्टिनाको फुटबल टोली इजरायलसँग मैत्रीपूर्ण खेल खेल्दै छ । यो खेल मैत्रीपूर्ण र विश्वकपको तयारीको लागि त हो नै अर्जेन्टिनाका मानिसहरु यसलाई ‘लक्की खेल’को रुपमा हेरिरहेका छन् ।
‘लक्की खेल’ मान्नुको कारण अर्जेन्टिनाले सन् १९८६ मा पनि इजरायल विरुद्ध मैत्रीपूर्ण खेल खेलेको थियो र त्यो वर्ष ऊ विश्वकप विजेता बनेको थियो ।जुन १४ मा रुसमा विश्वकप खेल शुरु हुँदैछ । उक्त प्रतियोगितामा जानु अघि अर्जेन्टिना इजरायलविरुद्ध मैदानमा आमने सामने हुँदैछ ।
अर्जेन्टिनाका मानिसहरुको लागि राम्रो अनुभूति लिएर आएको यो खेलले प्यालेस्टाइनी नागरिकहरुको भने पुरानो घाउ ताजा बनाइदिएको छ ।७० जना प्यालेस्टाइनी बालबालिकाहरुको एक समूहले अर्जेन्टिनाका प्रमुख खेलाडी लियोनेल मेस्सीलाई एक चिठ्ठी लेख्दै यस खेलमा रद्द गर्न आह्वान गरेका छन् ।
यो खेल टेडी कोलेक रङ्गशालामा खेलिने निर्धारण गरिएको छ । यो रङ्गशाला दक्षिणी जेरुशेलमको मलहामा रहेको छ ।प्यालेस्टाइनी असन्तुष्टीको कारण७० वर्षअघि भएको इजरायल–प्यालेस्टाइनी युद्धको दौरान मलहा नष्ट गरिएको थियो ।सन् १९४८ मा यहाँ बस्ने प्यालेस्टाइनीहरुलाई इजरायली सेनाले यहाँबाट लखेटेका थिए ।
यहाँबाट विस्थापित भएका परिवारका बालबालिकाहरुले लेखेको एक पत्र आइतबार इजरायलमा रहेको अर्जेन्टिनी दुतावास पठाइयो ।त्यस पत्रमा प्यालेस्टाइनी बालबालिकाहरुले आफूहरु त्यस स्थानबाट विस्थापित भएका मानिसहरुको सन्तान भएको दावी गरेका छन् । त्यही स्थानमा हाल रङ्गशाला रहेको छ ।
उनीहरुले लेखेका छन्, “हामीहरुलाई बताइए अनुसार तपाईं आफ्नो साथीहरुसँग मलहा आउनु भएको छ, र, तपाईं त्यो रङ्गशालामा खेल्दै हुनुहुन्छ जहाँ हाम्रो गाउँ नष्ट गरिएको थियो ।”
बालबालिकाहरुले मेस्सी त्यहाँ आउदा खुसी लागेको तर कुनै समय आफ्नो घर भएको स्थानमा खेल्ने कुराले दुःखी भएको पनि लेखेका छन् ।सन् १९८६ मा भएको मैत्रीपूर्ण खेल भने रमत गनमा खेलिएको थियो ।
‘मेस्सीले हाम्रो मन दुखाउँदैनन्’
पत्रमा लेखिएको छ, “तर हाम्रो खुशी आँशुमा बदलिएको छ र हाम्रो मन दुखेको छ । हाम्रो नायक मेस्सी हाम्रो पूर्वजहरुको चिहानमा बनेको त्यो रङ्गशालामा खेल्न लाग्नु कति उपयुक्त हो ।”
नौ जूनको दिन अर्जेन्टिना र इजरायल मलाहाको रङ्गशालामा एक आपसमा खेलिरहदाँ यी बच्चाहरुको लागि त्यो दिन ‘दुखद दिन’ हुनेछ ।पत्रको अन्तमा बच्चाहरुले लेखेका छन् “मेस्सीले हाम्रो मन नदुखाउन भनेर आफ्ना साथीहरको तर्फबाट हामी भगवानलाई प्रार्थना गर्छौँ ।”मेस्सीले हालसम्म सार्वजनिक रुपमा पत्रको कुनै हिसाबले पनि प्रतिक्रिया दिएका छैनन् ।
विरोधमा मेस्सीको टी–शर्ट जलाउन अपिल
दुवै समूहबीचमा खेल त्यो समयमा हुन लागेको छ जब पछिल्लो केही हप्तादेखि प्यालेस्टाइनी र इजरायली सेनाबीचमा झडप बढेको छ ।प्यालेष्टाइनी फुटबल महासंघका अध्यक्ष जिबरिल रजौबले पनि पत्र लेख्दै हुन लागेको यस खेलको विरोध गरेका थिए । उनले अर्जेन्टिना, दक्षिण अमेरिका फुटबल संघ र फिफालाई पत्र लेखेका छन् ।
उनले भनेका छन्, “यो खेललाई राजनैतिक औजारको रुपमा प्रयोग गरिँदै छ । इजरायलको सरकार जेरुशेलममा यो खेल आयोजना गरेर राजनैतिक सन्देश दिन चाहन्छ ।”
उनले अरब र मुस्लिम देशहरुका रहेका करोडौँ प्रशंसकहरुलाई मेस्सीको टी–शर्ट जलाउन अपिल पनि गरेका थिए । इजरायलको खेलकुद मन्त्रायलले यस विरोधको बारेमा केही प्रतिक्रिया जनाएको छैन ।
Comments
अरु समाचार
-
बङ्गलादेशले मौद्रिक नीतिमा कडाइ गर्ने
काठमाडौं । बङ्गलादेशको केन्द्रीय बैङ्कले मुद्रास्फीति नियन्त्रण गर्न सरकारलाई सहयोग पु¥याउने उद्देश्यले आगामी महिनाको अन्त्यसम्ममा दुई पटक नीतिगत दरमा वृद्धि...
-
काठमाडौंमा भोलि तेस्रो चीन-नेपाल मिडिया सम्मेलन हुँदै, अन्तर्राष्ट्रिय विषयवस्तुमा छलफलमा केन्द्रित
काठमाडौँ, असोज ९ गते । दक्षिण एसिया नेटवर्क टेलिभिजन तथा नेपाल चाइना मिडिया फोरमद्वारा आयोजित 'चीन नेपाल मिडिया सम्मेलन २०२४'...
-
न्युजिल्यान्डका वैज्ञानिकहरूले पत्ता लगाए घोस्ट ‘स्पुकफिस’
काठमाडौं । न्युजिल्यान्डका वैज्ञानिकहरूले मङ्गलबार ‘घोस्ट सार्क’ को नयाँ प्रजाति पत्ता लगाएका छन् । यो माछाको एक प्रकार हो र...
-
विश्वव्यापी विभाजन, तीन युद्ध र सम्भावित मध्यपूर्व सङ्घर्षको छायाँमा विश्वका नेताहरू भेला हुँदै
काठमाडौं । बढ्दो वैश्विक विभाजन, गाजा, युक्रेन र सुडानमा भइरहेका ठूला युद्धहरू र मध्यपूर्वमा अझ ठूलो द्वन्द्वको खतराको छायाँमा विश्वका...
-
लेबनानमा इजरायलकोे आक्रमणबाट मृत्यु हुनेको सङ्ख्या ४ सय ९२
जेरुसलेम । लेबनानमा इजरायलले गरेको पछिल्लो आक्रमणबाट ज्यान गुमाउनेको सङ्ख्या ४ सय ९२ पुगेको छ । हिजो बिहानदेखिको इजरायली आक्रमणबाट...
-
इजरायलमा रहेका नागरिकलाई सकेसम्म छिटो इजरायल छाड्न चीनको आग्रह
काठमाडौं । इजरायल र लेबनानको इरान समर्थित लडाकू समूह हेजबुल्लाह बिचको तनाव बढ्दै जाँदा चीनले इजरायलमा रहेका आफ्ना नागरिकलाई जति...
-
श्रीलङ्कामा वामपन्थी नेता दिसानायकाले राष्ट्रपतिका रूपमा सपथ ग्रहण
काठमाडौं । श्रीलङ्कामा पहिलो वामपन्थी राष्ट्रपति अनुरा कुमारा दिसानायकाले सोमबार पद तथा गोपनीयताको शपथ ग्रहण गरेका छन् । श्रीलङ्काको निर्वाचन...
-
प्रधानमन्त्री ओली र कुवेतका राजकुमार एवं प्रधानमन्त्री सबाहबीच भेटवार्ता
न्युयोर्क (अमेरिका), ७ असोजः संयुक्त राष्ट्रसङ्घको ७९औँ महासभामा भाग लिन नेपाली प्रतिधिमण्डलको नेतृत्व गर्दै संयुक्त राज्य अमेरिकाको न्युयोर्कमा रहनुभएका प्रधानमन्त्री...
-
इरानको कोइला खानीमा विस्फोट हुँदा ३० को मृत्यु, २० जनाभन्दा बढीको अवस्था अज्ञात
काठमाडौं । पूर्वी इरानको एक कोइला खानीमा ग्यास चुहिएर भएको विस्फोटमा परी कम्तीमा ३० जनाको मृत्यु भएको छ भने २०...