गौतमबुद्ध अन्तर्राष्ट्रिय विमानस्थलमा पुसबाटै परीक्षण उडान
काठमाण्डाैँ ७,साउन । निर्माणाधीन गौतमबुद्ध अन्तर्राष्ट्रिय विमानस्थलमा आउँदो जनवरी १ (पुस तेस्रो साता) परीक्षण उडान गर्नेगरी निर्माणको काम धमाधम भइरहेको छ । विमानस्थल निर्माणका लागि मुख्य कामको रूपमा रहेको धावनमार्गको अन्तिम चरण प्रारम्भ भएको छ । ३ हजार मिटर लम्बाइ रहेको धावनमार्गमा तयार रहेको बेसकोर्समा आइतबारबाट बिटुमिन(अलकत्रा) हाल्ने काम सुरु भएको छ ।
अलकत्रा हालेपछि धावनमार्गलाई कालोपत्रे गर्ने काम सुरु हुने गौतमबुद्ध अन्तर्राष्ट्रिय विमानस्थल आयोजनाका प्रमुख ओम शर्माले बताए । “अब एक किसिमले धावनमार्ग कालोपत्रे गर्ने काम सुरु भएको मान्न सकिन्छ, यस्तै भयो भने हामी १ जनवरी २०१९ मा यो विमानस्थलबाट परीक्षण उडान सुरु गर्नेछौं,” शर्माले भने । बेसकोर्समा अलकत्रा राखेपछि त्यसमाथि तीन तहको पिच हुने शर्माको भनाइ छ । अहिले राखेको अलकत्राले बेसकोर्स तलका सबैलाई सुरक्षित र मजबुत गर्ने काम गर्छ । राखिएको अलकत्रामाथि अब १ फिटमात्रै उठ्नेछ, जुन धावनमार्गको अन्तिम कार्य हो ।
आयोजना कार्यालयले जतिसक्यो छिटो धावनमार्गको काम सकि त्यहीँबाट आन्तरिक हवाई उडान गर्ने लक्ष्य लिएको छ । अहिलेको विमानस्थलको धावनमार्ग ट्याक्सी वेमा परिणत हुने भएकाले त्यसलाई निर्माण गर्दा आन्तरिक उडान सम्भव नभएकाले पनि अहिलेको धावनमार्गको निर्माण जनवरी १ भित्रै सम्पन्न गरी त्यहिँबाट आन्तरिक उडान सुरु गरी विमानस्थलका बाँकी निर्माण काम गर्ने योजना रहेको आयोजना प्रमुख ओम शर्माले बताए ।
शर्माले जनवरी १ तारिखमा वाइडबडी जेट, एअरबसको परीक्षण उडान गर्ने योजनाअनुसार काम दु्रत गतिमा भइरहेको बताए । शर्माका अनुसार विमानस्थलको सबै काम हेर्दा अहिले आधाभन्दा बढी निर्माणका काम सकिएको छ । भौतिक पूर्वाधारका काम ६० प्रतिशत सकिएको छ । बाँकी पूर्वाधार र अन्य काम पनि समयमै सम्पन्न हुने र सन् २०१९ भित्र विमानस्थलबाट अन्तर्राष्ट्रिय उडान सुरु गर्ने दाबी गरे । विमानस्थल निर्माणका क्रममा हुने अप्ठेरा बेसकोर्सका कामहरू सबै सकिएको छ ।
विमानस्थल निर्माण आयोजनाका प्रमुख शर्माका अनुसार विमान पार्किङ क्षेत्रको ७० प्रतिशत काम सम्पन्न भएको छ भने बाँकी रहेको छिट्टै सम्पन्न हुने बताइएको छ । पार्किङमा एकैपटक ५ ठूला विमान पार्किङ गर्न मिल्छ । यस्तै, प्रशासकीय भवन, कन्ट्रोल टावर, अन्तर्राष्ट्रिय टर्मिनल भवनको निर्माण कार्य पनि अन्तिम चरणमा पुगेको बताइएको छ । पछिल्ल्लो समय विमानस्थल निर्माणको काम दु्रत गतिमा भइरहेको छ । विमानस्थल निर्माणमा अहिले चीनका दक्ष र अर्धदक्ष गरी करिब ८० कामदार छन् भने थप कामदार चीनबाटै ल्याउने तयारी भइरहेको छ । विमानस्थल क्षेत्रभित्र पर्ने घाघरा नदी डाइभर्सन गर्ने काम २ वर्षअघि नै सम्पन्न भइसकेको छ ।
तीन वर्षमा निर्माण सम्पन्न गर्ने गरी २०७१ माघबाट चिनियाँ कम्पनी नर्थवेष्ट सिभिल एभियसनले विमानस्थल निर्माण सुरु गरे पनि २०७२ मा आएको भूकम्प, त्यसलगत्तै लामो समय चलेको मधेश आन्दोलन, नाकाबन्दी, नदीजन्य बस्तुको अभावलगायतका कारणले विमानस्थल निर्माण करिब २ दुई वर्ष पछाडि धकेलिएको छ । ६ अर्ब २२ करोड रुपैयाँ लागत रहेको निर्माणधिन विमानस्थलको अहिलेसम्म आधाभन्दा बढी काम सकिएको छ ।
Comments
अरु समाचार
-
लुम्बिनी र सुदूरपश्चिम प्रदेशका केही स्थानमा अति भारी वर्षा हुने
काठमाडौँ । हाल देशभर मनसुनी वायुको प्रभाव रहेको जनाउँदै जल तथा मौसम विज्ञान विभागले मनसुनको न्यून चापीय रेखा सरदर स्थानभन्दा...
-
बर्दियामा गैंडाको आक्रमणबाट एकजना मृत्यु
काठमाडौं । बर्दियाको मधुवन नगरपालिका–६ मा गैंडाको आक्रमणबाट एकजना गाइडको मृत्यु भएको छ। एक अमेरिकी नागरिकसहित दुई जना घाइते भएका...
-
लुम्बिनी प्रदेशका मुख्यमन्त्रीले दिए राजीनामा
काठमाडौं । लुम्बिनी प्रदेशका मुख्यमन्त्री जोखबहादुर महराले आइतबार पदबाट राजीनामा दिएका छन् । महरा बाहिरिएपछि मुख्यमन्त्रीमा नेकपा एमालेले दाबी गर्दैछ...
-
बागमती र सुदूरपश्चिम प्रदेशका केही स्थानमा भारी वर्षा, बाँकीमा मध्यम
काठमाडौँ । जल तथा मौसम विज्ञान विभाग मौसम पूर्वानुमान महाशाखाले हाल देशभर मनसुनी वायुको प्रभाव रहेको जनाएको छ । मनसुनको...
-
मार्ग प्रशस्त गर्न लुम्बिनी प्रदेशका मुख्यमन्त्रीलाई एमालेको आग्रह
काठमाडौं । नेकपा एमालेले लुम्बिनी प्रदेशका मुख्यमन्त्री जोखबहादुर महरालाई राजीनामा दिन आग्रह गरेको छ। बिहीबार मुख्यमन्त्री महरालाई भेट गर्दै एमाले...
-
देशका विभिन्न ठाउँमा मेघगर्जन र चट्याङसहित वर्षा
काठमाडौं– जल तथा मौसम विज्ञान विभाग मौसम पूर्वानुमान महाशाखाले हाल कोशी, मधेश, बागमती र गण्डकी प्रदेशका अधिकांश भूभाग तथा लुम्बिनी...
-
लुम्बिनी सरकारबाट बाहिरियो उपेन्द्र नेतृत्वको जसपा
काठमाडौं । जसपा नेपालले लुम्बिनी प्रदेश सरकारलाई दिएको समर्थन फिर्ता लिएको छ। सरकारमा सहभागी आफ्नो मन्त्रीलाई बाहिरिन निर्देशन दिदैँ जसपाले...
-
माछा मार्ने क्रममा खोलाले बगाउँदा शिक्षकको मृत्यु
काठमाडौं । जाजरकोटमा खोलाले बगाउँदा एकजना शिक्षकको मृत्यु भएको छ। मृत्यु हुनेमा जाजरकोटको कुशे गाउँपालिका–९ का घर भइ कालिका माविमा...
-
मध्य तथा पश्चिम तराईमा तातो लहरको चेतावनी
काठमाडौं । जल तथा मौसम विज्ञान विभागले आगामी तीन दिन (जेठ ३२ देखि असार २ गतेसम्म) मध्य तथा पश्चिम तराईमा...