राष्ट्रपति भण्डारीको चीन भ्रमण ‘राजकीय’
काठमाडाैँ । राष्ट्रपति विद्यादेवी भण्डारीले मित्र राष्ट्र चिनको भ्रमण गर्ने भएकी छन्।
बेइजिङमा २५ देखि २७ अप्रिलमा हुने दोश्रो बेल्ट एण्ड रोड इनिसियटिभ (बीआरआई) अन्तर्राष्ट्रिय सहकार्य शिखर मञ्चमा सहभागी हुने गरि राष्ट्रपति विद्यादेवी भण्डारीले चीन भ्रमण गर्दैछिन्, जसलाई औपचारिक भ्रमण बनाउन लागिएको हो।
शुक्रबार बेइजिङमा आयोजित पत्रकार सम्मेलनमा चीनको विदेश मन्त्रालयका प्रवक्ता लु गाओले चीनका राष्ट्रपति सी चिनफिङको निमन्त्रणामा नेपालका राष्ट्रपति विद्यादेवी भण्डारीले अप्रिल २४ देखि मे २ (११–१९ वैशाख) मा चीनको पहिलो ‘स्टेट भिजिट’ गर्न लागेको बताए।
नेपालमा गणतन्त्र स्थापना भएको दश वर्षपछि राष्ट्रपतिको यो नै पहिलो औपचारिक चीन भ्रमण हुनेछ। राष्ट्रपति भण्डारी नेपाली प्रतिनिधिमण्डलको नेतृत्व गरि बुधबार (११ वैशाख) नौ दिने चीन भ्रमणमा प्रस्थान गर्दैछिन्।
बीआरआई फोरममा सहभागी हुने क्रममा चीनका राष्ट्रपति सीको निमन्त्रणामा नेपालसँगै मंगोलिया, चिली, पोर्चुगल र स्वीटजरल्याडका राष्ट्रपतिले चीन भ्रमण गर्नेछन्।
चिनियाँ परराष्ट्रमन्त्री वाङ यीले शुक्रबार बेइजिङमा नेपालका राष्ट्रपति भण्डारीसहित विभिन्न ३७ देशका राष्ट्र तथा सरकार प्रमुख बीआरआई मञ्चमा सहभागी हुने पुष्टी गरेका हुन्।
बीआरआई फोरमको रिपोर्टिङ गर्न बेइजिङ आएका पत्रकारहरूसँग शुक्रबार मन्त्री वाङले भने, ‘दोस्रो बेल्ट एण्ड रोड इनिसियटिभ सम्बन्धी अन्तर्राष्ट्रिय सहकार्य शिखर मञ्च अप्रिल २५ देखि २७ तारिखसम्म बेइजिङमा आयोजना गरिनेछ र चीनका राष्ट्रपतिले मञ्चको अध्यक्षता गर्नुहुनेछ।’
परराष्ट्र मन्त्री वाङका अनुसार, हालसम्म ३७ वटा मुलुकका राष्ट्रनायक र नेताहरू त्यस मञ्चको गोलमेच शिखर सम्मेलनमा सहभागी हुनेछन्। तीमध्ये दक्षिण एशियाबाट नेपालकी राष्ट्रपति विद्यादेवी भण्डारी र पाकिस्तानका प्रधानमन्त्री इमरान खान पनि हुनेछन्।
त्यस्तै अष्ट्रेलिया, अजरबैजान, बेलारुस, ब्रुनाई, कम्बोडिया, चिली, साइप्रस, चेक, इजिप्ट, इटली, सिंगापुर, थाइल्याण्ड, सर्बिया, भियतनामबाट प्रतिनिधिहरू रहने जनाइएको छ। संयुक्त राष्ट्र संघका महासचिव र अन्तर्राष्ट्रिय मुद्रा कोषका महाप्रबन्धक पनि सम्मेलनमा सहभागी हुने मन्त्री वाङ यीले जानकारी दिए।
राष्ट्रपति सी चिनफिङले शिखर मञ्चको उद्धाटन समारोहमा सहभागी भएर सम्बोधन गर्नुका साथै विदेशी नेताहरूसँग हुने गोलमेच शिखर सम्मेलनको अध्यक्षता गर्नेछन्।
यसअघि नेपालका राष्ट्रपति डा. रामवरण यादवले सांघाई वल्र्ड एक्स्पो र बोआओ एशिया फोरममा सहभागी हुने क्रममा दुई पटक चीन भ्रमण गरेका थिए। सांघाईमा तत्कालीन प्रधानमन्त्री वेन जियाबाओ र पछि बोआओमा राष्ट्रपति सीसँग भेटवार्ता भएपनि यादवको भ्रमणलाई ‘राजकीय’ बनाएर राजधानी बेइजिङ निम्त्याइएको थिएन।
Comments
अरु समाचार
-
जनताको जीवनस्तर उकास्न कृषिमा आधुनिकीकरण आवश्यक छः राष्ट्रपती पौडेल
काठमाडौं । राष्ट्रपति रामचन्द्र पौडेलले जलवायु परिवर्तनले धानखेतीमा पारेको बढ्दो नकारात्मक असरलाई न्यूनीकरण गर्दै धान उत्पादन एवं उत्पादकत्व बढाउन सरकार,...
-
मदनभण्डारी मेमोरियल कलेजलाई विश्वविद्यालय बनाउन सकारात्मक सहयोग रहन्छ: सभामुख घिमिरे
काठमाडौं । सभामुख देवराज घिमिरेले मदन भण्डारी कलेजलाई विश्वविद्यालय बनाउन आफ्नो तर्फबाट सकारात्मक सहयोग रहने बताएका छन् । बानेश्वरस्थित मदनभण्डारी...
-
राष्ट्रपति पौडेल र प्रधानमन्त्री दाहालबीच भेटवार्ता
काठमाडौं । राष्ट्रपति रामचन्द्र पौडेल र प्रधानमन्त्री पुष्पकमल दाहाल ‘प्रचण्ड’बीच शुक्रबार बिहान भेटवार्ता भएको छ। राष्ट्रपति भवन शीतलनिवासमा भएको भेटवार्तामा...
-
समय आउँछ, मदन–आश्रितको हत्यारा पत्ता लाग्छ: एमाले अध्यक्ष ओली
काठमाडौं । नेपाल कम्युनिष्ट पार्टी (एमाले)का अध्यक्ष एवं पूर्वप्रधानमन्त्री केपी शर्मा ओली नेपाली राजनीतिको केन्द्रमा रहने राजनीतिज्ञ हुन्। विचारमा स्पष्ट...
-
मधेसका मुख्यमन्त्री सिंहले आगामी असार २१ गते विश्वासको मत लिने
काठमाडौं । मधेस प्रदेशका मुख्यमन्त्री सतिस सिंहले यही आगामी असार २१ गते विश्वासको मत लिने भएका छन् । मुख्यमन्त्री तथा...
-
सरकार समाजवादको आधार तयार पार्न लागिपरेको छ: प्रधानमन्त्री ‘प्रचण्ड’
काठमाडौं । प्रधानमन्त्री पुष्पकमल दाहाल ‘प्रचण्ड’ले क्रान्ति र परिवर्तनका उपलब्धिहरू संस्थागत गर्दै समाजवादको आधार तयार पार्न सरकार लागिपरेको बताएका छन्...
-
आज जननेता मदन भण्डारीको ७३औँ जन्मजयन्ती विविध कार्यक्रम गरी मनाइँदै
काठमाडौं । तत्कालीन नेकपा एमालेका महासचिव तथा जननेता मदनकुमार भण्डारीको आज ७३ औँ जन्मजयन्ती विविध कार्यक्रम गरी मनाइँदैछ। जन्मजयन्तीका अवसरमा...
-
असर १९ गते रास्वपा केन्द्रीय समितिको बैठक बस्दै, महामन्त्री ढकालले प्रस्तुत गरेको प्रतिवेदन माथी छलफल हुने
काठमाडौं । राष्ट्रिय स्वतन्त्र पार्टी (रास्वपा) ले केन्द्रीय समितिको बैठक बोलाएको छ । रास्वपाले महामन्त्री डा.मुकुल ढकालले तयार गरेको पार्टीको...
-
फणीन्द्र देवकोटालाई प्रदेश सभा बैठकमा प्रवेश गर्न रोक
काठमाडौं । गण्डकी प्रदेश सभाका सांसद फणीन्द्र देवकोटालाई प्रदेश सभा प्रवेशमा रोक लगाईएको छ । बिहीबार प्रदेश सभा बैठकमा सहभागी...