चिनियाँ नेतासँग प्रचण्डले भने- सुरक्षा स्वार्थ जोडिएका सहयोग लिदैनौँ
काठमाडौं । नेकपा अध्यक्ष पुष्पकमल दाहाल ‘प्रचण्ड’ले सुरक्षा स्वार्थ जोडिएका कुनै पनि विदेशी सहयोग स्वीकार्य नहुने बताएका छन्।
सैन्य गठबन्धनमा जोडिने अभिप्रायको कुनै पनि विदेशी सहयोग स्वीकार्य नहुने उनको भनाइ छ।
‘संविधानसँग बाझिने गरी कुनै पनि प्रकारको सैन्य गठबन्धनमा संलग्न हुने र त्यस्तो अर्थ दिने विदेशी सहयोग नेपाललाई कुनै पनि हालतमा स्वीकार्य छैन’, चिनियाँ कम्युनिस्ट पार्टीको अन्तर्राष्ट्रिय विभाग र नेपाल कम्युनिस्ट पार्टीको स्कुलिङ विभागले शुक्रबार आयोजना गरेको संयुक्त भर्चुअल कार्यशाला गोष्ठीलाई पार्टी कार्यालय धुम्बाराहीबाट सम्बोधन गर्ने क्रममा अध्यक्ष दाहालले भने, ‘नेपाल असंलग्न विदेश नीतिमा प्रतिबद्ध छ। नेपालको सार्वभौम स्वतन्त्रता, असंलग्न नीतिलाई समर्थन गर्ने मित्र राष्ट्रहरूको सहयोगको मात्रै हामी स्वागत गर्छौं।’
एमसीसी सम्झौताले नेकपाभित्र विवाद बढिरहेका बेला चिनियाँ कम्युनिस्ट पार्टीका नेतासँगको कार्यशाला गोष्ठीमा प्रचण्डको यस्तो अभिव्यक्ति आएको हो। उक्त सम्झौता सदनबाट पारित गर्ने÷नगर्नेमा सत्तारुढ दल नेकपाभित्र विवाद छ। उनले चिनियाँ कम्युनिस्ट पार्टीका नेतासँगको अन्तरक्रियामा एमसीसीको विषय उल्लेख नगरे पनि सांकेतिक रूपमा सुरक्षा स्वार्थ जोडिएका सहयोग स्वीकार्य नहुने बताएका हुन्।
उनले चिनियाँ कम्युनिस्ट पार्टीका नेताहरुलाई दिएको त्यस्तो अभिव्यक्ति अर्थपूर्ण देखिएको छ। उनले सरकार र नेकपाको विदेश नीति संविधानले निर्देश गरेअनुसार असंलग्नतामा आधारित रहेको पनि बताएका थिए।
‘हामी कुनै पनि मित्र राष्ट्रसँगको द्विपक्षीय विषय वार्ता र संवादबाट समाधान गर्न चाहन्छौं। तर, सार्वभौम समानता, आपसी सम्मान र समझदारीको जगमा टेकेर मात्रै वार्ता र संवाद हुन्छ’, उनले भने। उनले नेपाल एक चीन नीतिप्रति सदैव प्रतिबद्ध रहेको पनि बताए। हङकङ, तिब्बत, सिन्जियाङ मामिलामा नेपालले चीनलाई साथ दिएको उनको भनाइ थियो।
गोष्ठीमा चीनका तर्फबाट पार्टीका विदेश विभाग प्रमुख सोङ ताओले बेइजिङबाटै सम्बोधन गरे। दुई देशका कम्युनिस्ट पार्टीबीचको सम्बन्ध र कोभिड–१९ विरुद्धको लडाईंमा साथ रहने उनको भनाइ थियो। ताओ गत वर्ष असोजमा दुई पार्टीले काठमाडौंमा आयोजना गरेको कार्यशालामा सहभागी भएका थिए।
चिनियाँ कम्युनिस्ट पार्टीको वर्षगाँठको अवसरमा दुई पार्टीको केन्द्रीय विभागको आयोजनामा उक्त कार्यक्रम भएको थियो। कार्यशालामा प्रधानमन्त्री तथा नेकपा अध्यक्ष केपी ओली भने सहभागी थिएनन्। ओलीले चिनियाँ कम्युनिस्ट पार्टीको ९९ औं वर्षगाँठको अवसरमा दिएको भिडियो सन्देश भने कार्यक्रममा सुनाइएको सहभागी एक नेताले बताए।
कार्यक्रममा नेकपाको अन्तर्राष्ट्रिय विभागसँग स्कुल विभागले कुनै समन्वय र सहकार्य नगरेको भन्दै नेकपामा विवाद पनि भएको थियो। पार्टीको अन्तर्राष्ट्रिय विभागलाई जानकारी नै नदिई चिनियाँ कम्युनिस्ट पार्टीसँग कार्यशाला राखेकोमा अन्तर्राष्ट्रिय विभागका नेताहरुले भने असन्तुष्टि जनाएका छन्। अन्तर्राष्ट्रिय विभागका प्रमुख रहेका वरिष्ठ नेता माधवकुमार नेपाल भने कार्यक्रममा सहभागी थिएनन्।
Comments
अरु समाचार
-
प्रतिनिधिसभाको बैठक स्थगित
काठमाडौं । प्रतिनिधिसभाको आजका लागि तय भएको बैठक स्थगन भएको छ । सभाको अर्को बैठक यही जेठ ६ गते बिहान...
-
प्रतिनिधिसभाको बैठक स्थगित
काठमाडौं । प्रतिनिधिसभाको आजका लागि तय भएको बैठक स्थगन भएको छ । सभाको अर्को बैठक यही जेठ ६ गते बिहान...
-
प्रतिनिधिसभाको बैठक २ बजेलाई सर्यो
काठमाडौं । प्रतिनिधिसभाको बैठक २ बजेसम्मका लागि स्थगित भएको छ । सभामुखको सचिवालयका अनुसार आज बिहान ११ बजेदेखि बस्ने भनिएको...
-
कांग्रेस संसदीय दलको बैठक बस्दै
काठमाडौं । प्रमुख प्रतिपक्षी दल नेपाली कांग्रेस संसदीय दलको बैठक समसामयिक राजनीतिक विषयमा छलफल गर्न अहिले बिहान ९ बजे बस्दैछ...
-
‘संसदीय छानबिन समिति गठन हुनुपर्छ’
काठमाडौं । नेपाली कांग्रेसकी केन्द्रीय सदस्य डिला सङ्ग्रौलाले सहकारी ठगीसम्बन्धी संसदीय छानबिन समिति गठन नभएसम्म आफ्नो पार्टीले सदन चल्न नदिने...
-
कांग्रेसले बोलाएको विपक्षी दलहरूको संयुक्त बैठक सुरु
काठमाडौं । नेपाली कांग्रेस र विपक्षी दलहरूको संयुक्त बैठक सुरु भएको छ। कांग्रेस सभापति शेर बहादुर देउवाले आह्वान गरेको बैठक...
-
कांग्रेस संसदीय दलको बैठक बस्दै
काठमाडौं । प्रमुख प्रतिपक्षी दल नेपाली कांग्रेस संसदीय दलको बैठक समसामयिक राजनीतिक विषयमा छलफल गर्न अहिले बिहान ९ बजे बस्दैछ...
-
प्रधानमन्त्री दाहालले जेठ ७ गते विश्वासको मत लिने, संसद्लाई पठाए पत्र
काठमाडौं । प्रधानमन्त्री पुष्पकमल दाहाल ‘प्रचण्ड’ ले प्रतिनिधिसभाबाट पुनः विश्वासको मत लिने भएका छन् । प्रधानमन्त्री दाहालले यही जेठ ७...
-
प्रतिनिधिसभाको बैठकमा आजपनि अवरोध कायमै रहने
काठमाडौं । प्रमुख प्रतिपक्षी दल नेपाली कांग्रेसको अवरोधपछि विहीबार स्थगित भएको प्रतिनिधिसभाको बैठक आज बस्दै छ । बैठक आज बिहान...