साइक्लोजिस्ट संचिता अधिकारी उत्कृष्ट सोसल वोर्कर अवार्ड (क्लिनिकल) बाट सम्मानित

शिक्षा

- न्यूज नेपाल

काठमाडौं । साइक्लोजिस्ट संचिता अधिकारीलाई उत्कृष्ट सोसल वोर्कर अवार्ड (क्लिनिकल) ले सम्मान गरिएको छ । निकिला मिडिया नेटवर्कको आयोजनामा आयोजित ग्यालेक्सी एक्सिलेन्सी अवार्डको दोश्रो संस्करणको वेस्ट सोसल वोर्कर अवार्ड क्लिनिकल तर्फबाट अधिकारी सम्मानित हुनु भएको हो ।

बिगत लामो समयदेखि शिक्षा, स्वास्थ्य, राजनीति र जनसेवामा सक्रिय अधिकारीलाई काठमाडौंको होटल हायात प्यालेसमा आयोजित एक समारोहका बीच उक्त अवार्ड प्रदान गरिएको हो । उहाँ स्वतन्त्र स्वास्थ्यकर्मी संघको अध्यक्ष समेत हुनुहुन्छ । समाजमा रहेर विभिन्न क्षेत्रमा लामो समयदेखि पुर्याएको योगदानको कदर गर्ने उद्देश्यले अवार्डको भीडमा भिन्न किसिमका अवार्ड आयोजना गरिने प्रयास गरिएको आयोजक समितिका अध्यक्ष सोनितराज ढुंगेल तथा कार्यक्रम निर्देशक राज लुइटेलले बताउनु भयो ।

गीता एभिएसनका प्रमुख क्या. जनक अधिकारीको सभापतित्वमा सम्पन्न कार्यक्रममा माननिय कृष्णप्रसाद यादव, वरिष्ठ अभिनेत्री वसुन्धारा भुषाल,वरिष्ठ संचार उद्यमी भाष्करराज राजकर्णिकार, निर्देशक तिर्थ थापा, वरिष्ठ अभिनेता किरण केसी ,अमिष ढकाल, मोडल सोनाम श्रीवास्तवा ,नेपाल तथा भारतका पत्रकार तथा अतिथीहरुको वाक्लो उपस्थिती रहेको थियो । उक्त कार्यक्रमको संचालन दिनेश डिसीले गर्नु भएको थियो ।