आईपीएल- २०२४ : ११ सय ६६ खेलाडीको नाम दर्ता, नेपाली खेलाडी पर्लान् अक्सनमा?
काठमाडौं । इन्डियन प्रिमियर लिग (आईपीएल) २०२४ को अक्सनमा ११ सय ६६ खेलाडीले नाम दर्ता गराएका छन्।
दुबईमा आगामी डिसेम्बर १९ मा हुने अक्सनका लागि ८ सय ३० भारतीय, ३ सय ३६ विदेशी खेलाडी र ४५ एसोसिएट देशका खेलाडीहरुको नाम दर्ता गरिएको हो।
विश्वकै धेरै रकम भएको फ्रेन्चाई लिगमा केही चर्चित खेलाडी भने अझै पनि छुटेको दाबी गरिएको छ।
एसोसिएटमा नेपाल, नामिबिया, नेदरल्यान्ड्स, स्कटल्यान्ड, यूएई र अमेरिकाका खेलाडीको नाम दर्ता गराइएको छ। तर उनीहरुको नाम भने गोप्य राखिएको छ।
भारतीय क्रिकेट कन्ट्रोल बोर्ड बीसीसीआईले आईपीएलका लागि दर्ता भएका खेलाडीको नाम केही समयपछि सार्वजनिक गर्नेछ।
अक्सनमा जानको लागि उक्त सूचीपछि सर्ट लिस्टको सूची पनि सार्वजनिक हुनेछ। आईपीएलको अक्सनमा मूल्य लाग्न सक्ने खेलाडीलाई मात्रै सर्ट लिस्टमा राखिने चलन छ।
यस पटकको अक्सनमा ३० विदेशीसहित कुल ७७ खेलाडीको खरिद बिक्री हुनेछ। आईपीएलमा नाम दर्ता गर्न छुटेका खेलाडीलाई फ्रेन्चाइज टोलीको आग्रहमा बीसीसीआईले पुन थप्न सक्ने विकल्प खुला राखिएको छ।
आईपीएलमा खेलाडीका लागि टिमहरुले २० लाखदेखि २ करोडसम्म न्यूनतम मूल्य तोक्न सक्छन्।
यस पटक केही खेलाडीहरुको उच्च मूल्य तोकिएको छ। यस पटक उच्चतम मूल्य २ करोडको सूचीमा अष्ट्रेलियाका मिचेल स्टार्क, जोस हेजलवुड, स्टिभ स्मिथ, प्याट कमिन्स छन्। त्यस्तै भारतका हर्षल पटेल, शार्दुल ठाकुर, उमेश यादव, केदार जाधव छन्। त्यस्तै ट्रविस हेड, जोस इंग्लिस, लोकी फर्गुसन, जेराल्ड कोट्जी, राइली रोसोउ र रास्सी भान डर डुसेन लगायतले पनि यो न्यूनतम मूल्यमा परेका छन्।
विश्वकप २०२३ मा उत्कृष्ट प्रदर्शन गरेका न्युजिल्यान्डका रचिन रविन्द्र प्रवेश भएका छन्। उनको न्यूनतम मूल्य ५० लाख भारु राखिएको छ। यस पटकको अक्सनमा न्युजिल्यान्डमा डर्याल मिचेल, रचिन रविन्द्र र मिचेल स्टार्कले महँगो मूल्यमा बिक्ने आकलन गरिएको छ।
नेपालबाट पनि सूचीकृत
नेपालले पछिल्लो समय गरेको उत्कृष्ट प्रर्दशनका कारण केही नेपाली खेलाडीहरु पनि सूचीकृत भएको भारतीय सञ्चार माध्यमले जनाएका छन्।
नेपालबाट सर्ट लिस्टमा पर्न सके मात्रै अक्सनमा जानेछन्। यसअघि सन्दीप लामिछानेले आईपीएल खेलेका थिए। उनले दिल्ली डेयरडेभिल्सबाट खेलेका थिए। उनी बाहेक अन्य नेपाली खेलाडी सर्ट लिस्टमा पर्न सकेका छैनन्। यस पटक नेपालबाट सन्दीपसँगै कुशल मल्ल, दीपेन्द्रसिंह ऐरी, गुलशन झा, कुशल भुर्तेल, सोमपाल कामी र करण केसी लगायतका खेलाडीले अक्सनमा नाम दर्ता गराएको हुनसक्ने उल्लेख छ।
तीमध्ये पनि कुशल मल्ल, कुशल भुर्तेल, सन्दीप लामिछाने र गुलशन झाको नाममा अक्सन पर्न सक्ने अनुमान गरिएको छ।
Comments
अरु समाचार
-
सुदूरपश्चिम प्रदेश महिला क्रिकेटको फाइनलमा
काठमाडौं । सुदूरपश्चिम प्रदेश ललितपुर मेयर कप राष्ट्रिय महिला टि–ट्वान्टी क्रिकेट प्रतियोगिताको फाइनलमा प्रवेश गरेको छ । सुदूरपश्चिमले बागमती...
-
आईपीएलमा आज मुम्बई इन्डियन्स र लखनउ सुपर भिड्दै
काठमाडौं । इन्डियन प्रिमियर लिग (आईपीएल) क्रिकेटमा आज मुम्बई इन्डियन्स र लखनउ सुपर जाएन्ट्स खेल्दैछन् । यी दुई देशको खेल...
-
बलात्कार मुद्दामा सन्दीप लामिछानेले पाए सफाइ, विश्वकप खेल्न पठाउने क्यानको तयारी
काठमाडौं । क्रिकेट खेलाडी सन्दीप लामिछानेलाई उच्च अदालत पाटनले सफाइ दिएको छ । न्यायाधीशद्वय सुदर्शनदेव भट्ट र अञ्जु उप्रेतीको इजलासले...
-
क्रिकेटर सन्दीप लामिछानेलाई उच्च अदालत पाटनले दियो सफाइ
काठमाडौं । क्रिकेटर सन्दीप लामिछानेलाई उच्च अदालत पाटनले बलात्कार मुद्दामा सफाइ दिएको छ । जिल्ला अदालत काठमाडौंले गरेको फैसला उल्टाउँदै...
-
अखिल नेपाल ब्याडमिन्टन संघ गठन: अध्यक्षमा तिलक, महासचिवमा बेनुप
काठमाडौं । नेपाल ब्याडमिन्टन संघका कोषाध्यक्ष तिलक पाण्डेको अध्यक्षतामा अखिल नेपाल ब्याडमिन्टन संघ गठन भएको छ। सत्तारुढ दल नेकपा माओवादी...
-
आईपीएल: मुम्बईलाई पराजित गरेसँगै कोलकाता शीर्ष स्थानमा
काठमाडौं । इन्डियन प्रिमियर लिग (आईपिएल) अन्तर्गत गएराति भएको खेलमा शीर्ष स्थानको कोलकाता नाइट राइडर्सले मुम्बई इन्डियन्सलाई १८ रनले पराजित...
-
युरोपेली च्याम्पियन्स लिगको फाइनलमा रियल मड्रिड
काठमाडाैँ । रियल मड्रिड युरोपेली च्याम्पियन्स लिगको फाइनलमा प्रवेश गरेको छ । च्याम्पियन्स लिगअन्तर्गत गए रात भएको सेमिफाइनलको दोस्रो लेगमा...
-
आईपीएलः आज पञ्जाब किंग्स र रोयल च्यालेन्जर्सबीच भिडन्त हुँदै
काठमाडौं । इन्डियन प्रिमियर लिग (आईपिएल) अन्तर्गत गएराति भएको खेलमा सनराइजर्स हैदरावादले लखनउ सुपर जायन्ट्समाथि १० विकेटको ऐतिहासिक जित निकालेको...
-
इन्डियन प्रिमियर लिग: राजस्थान रोयल्यसमाथि दिल्ली क्यापिटल्सको जित
काठमाडाैँ । इन्डियन प्रिमियर लिग (आईपीएल) मा दिल्ली क्यापिटल्सले राजस्थान रोयल्सलाई पराजित गरेको छ । अरुण जेटली स्टेडियममा भएको खेलमा...