ताजा समाचार

विभिन्न देशका लागि नवनियुक्त राजदूतहरूद्वारा शपथ ग्रहण

breaking news
-
       

काठमाडौं । नवनियुक्त विभिन्‍न पाँच देशका राजदूतहरुले बुधबार राष्ट्रपती कार्यालयमा पद तथा गोपनियताको शपथ लिएका छन् ।

पोर्चुगलका लागि नेपाली राजदूत प्रकाशमणि पौडेल, दक्षिण अफ्रिकाका लागि नेपाली राजदूत प्रा.डा. कपिलमान श्रेष्ठ, बेल्जियमका लागि नेपाली राजदूत सेवा लम्साल, मलेसियाका लागि नेपाली राजदूत डा। नेत्र प्रसाद तिम्सिना र डेनमार्कका लागि नेपाली राजदूत सुम्निमा तुलाधरले शपथ लिएका हुन् ।

शितल निवासमा आयोजित समारोहमा राष्ट्रपति रामचन्द्र पौडेलले उनीहरुलाई शपथ ग्रहण गराएका थिए । सरकारको सिफारिस र संसदीय सुनुवाइ समितिको अनुमोदनपछि उनीहरुलाई राष्ट्रपति पौडेलले राजदूत नियुक्त गराएको राष्ट्रपतीको कार्यालयले जनाएको छ ।

उक्त सपथ ग्रहण समारोहमा परराष्ट्रमन्त्री डा.आरजु राणा देउवा लगायत विभिन्न उच्च पदस्थ व्यक्तिहरुको उपस्थिति रहेको कार्यालयको भनाई छ ।

Comments

प्रकाशित मिति : 2025-01-01

अरु समाचार

© NewsNepal 2018 - All Right Reserved.
newsnepal.com 2017.hlon.org