थाइल्यान्डविरुद्ध फुटबल खेल्ने नेपाली टिमको घोषणा !

समाचार

- न्यूज नेपाल

काठमाडौं । थाइल्यान्डविरुद्धको मैत्रीपूर्ण खेलका लागि २३ सदस्यीय टोली नेपाली महिला फुटबल टिमको घोषणा भएको छ।

यसअघि क्याम्पमा रहेका ३१ खेलाडीबाट ८ खेलाडी आउट गर्दै मुख्य प्रशिक्षक राजेन्द्र तामाङले शुक्रबार अन्तिम टोली घोषणा गरेका हुन्। बाहिरिनेमा लिला जोशी, प्रतिक्षा चौधरी, सबिना चौधरी, हेमा राउत, तुलासा बोहरा, ममता पुन, मिना देउवा र पूर्णिमा राई छन् ।

तामाङले सुरुमा ४८ खेलाडीलाई प्रशिक्षणमा बोलाएका थिए । त्यसपछि १७ खेलाडी बाहिरिएका थिए । नेपाल र थाइल्याण्डबीचको पहिलो खेल मे ३० मा क्लोज डोरमा हुनेछ भने जुन २ मा अन्तर्राष्ट्रिय मैत्रीपूर्ण खेल हुनेछ।

ज्वेकिस्तानमा हुने एएफसी वुमन्स एसियन कप छनोटको तयारी स्वरुप नेपालले थाइल्याण्डसँग खेल्न लागेको हो । छनोटमा नेपाल र उज्वेकिस्तानसँगै श्रीलंका र लाओस समूह एफमा छ ।

नेपालको टोली

गोलकिपरः अञ्जिला तुम्बापो सुब्बा, अञ्जना राना मगर र उषा नाथ
डिफेन्डरः अमृता जैशी, गीता राना, विमला बि.क., पूजा राना, निशा ठोकर, समीक्षा घिमिरे र मनमाया दमाई
मिडफिल्डरः अनिता बस्नेत, विमला चौधरी, रेनुका नगरकोटी, प्रीति राई, सारु लिम्बु, सबिता राना मगर, सरस्वती हमाल र सुषमा तामाङ रहेका छन्।
फरवार्डः साबित्रा भण्डारी, रश्मी कुमारी घिसिङ, चन्द्रा भण्डारी, अनिता केसी र रेखा पौडेल