ताजा समाचार

एसएसबीले गोली ठोकेका गौतमको मृत्यु

समाचार
- न्युज–नेपाल संवाददाता
       

काठमाडौं । भारतीय सुरक्षा बल (एसएसबी) ले गोली ठेकेका एक नेपालीको मृत्यु भएको छ । मृत्यु हुनेमा गोबिन्द गौतम छन् । धनगढीबाट २० किलोमिटर टाढा आनन्दबजारमा एसएसबीले गोली चलाएको हो ।
कम्मरमा गोली लागेर गम्भीर घाइते भएका उनलाई धनगढीस्थित सिपी अस्पतालमा पुर्‍याइएको थियो । तर, चिकित्सकले मृत घोषणा गरेका छन् ।
एसएसबीका जवानहरुले आनन्द बजारका नेपालीलाई कुटपिट गरेको विरोधमा स्थानीयबासी प्रतिरोधमा उत्रिएका थिए ।त्यसक्रममा नेपाली र भारतीयबीच झडप भएको थियो ।

आनन्दबजारस्थित नेपाली भूमिमा नेपालीहरुले कल्भर्ट निर्माण गर्न लाग्दा गुगल म्यापले भारतको भूमि देखाएको भन्दै एसएसबीले काम रोक्न धम्की दिएपछि विवाद सुरु भएको हो ।

Comments

प्रकाशित मिति : 2017-03-09

अरु समाचार

© NewsNepal 2018 - All Right Reserved.
newsnepal.com 2017.hlon.org