ताजा समाचार

बाजुराको गौमूल गाउँपालिका प्रमुख उपप्रमुख दुवैमा एमाले विजयी

राजनीति
-
       

बाजुरा, १६ असार । बाजुराको गौमूल गाउँपालिकामा एमाले बिजयी भएको छ । अध्यक्षमा एमालेका हरि रोकाया २ हजार २ सय ४० मतका साथ बिजयी भएका हुन् । उनका निकटतम प्रतिद्धन्द्धी काँग्रेसका देबबहादुर रोकायाले १ हजार ५ सय ४१ मत ल्याएका छन् ।

त्यस्तै उपाध्यक्षमा पनि एमालेकै सीता थापा २ हजार २ सय १ मत ल्याएर विजयी भएकी छन् । उनका निकटतम प्रतिद्धन्द्धी कांग्रेसकी उमा रोकायाले १ हजार ५ सय ५५ मत ल्याईन् । गौमूल गाउँपालिकाको ६ वटै वडामा एमाले विजयी भएको हो । अध्यक्ष, उपाध्यक्ष, वडा अध्यक्ष र वडा सदस्य गरी ३२ वटै पदमा एमाले उम्मेदवार विजयी भएका हुन ।

अहिलेसम्म ९ ओटा स्थानीय तहमध्ये गहुमुल र पाण्डवगुफा गाउँपालिकामा एमाले विजयी भएको हो । यस्तै छेडेदह गाउँपालिकामा नेपाली कांग्रेस विजयी भएको छ ।

Comments

प्रकाशित मिति : 2017-06-30

अरु समाचार

© NewsNepal 2018 - All Right Reserved.
newsnepal.com 2017.hlon.org