कामदार समस्या सुल्झाउन मलेसियाली मन्त्री नेपाल आउँदै, ‘जी टु जी’मा छलफल हुने
काटमाडाैं २०, साउन । नेपालले मलेसियामा कामदार पठाउन रोक लगाएपछि मलेसिया सरकारले चासो व्यक्त गरेको छ। मलेसिया सरकारको पहलमा नेपालले छलफलका लागि त्यहाँका मानव संशाधनमन्त्री एम कुलासेगरनलाई निम्तो पठाएको छ।
श्रम मन्त्रालयले परराष्ट्र मन्त्रालयमार्फत मलेसिया सरकारलाई मन्त्रीको भ्रमणका लागि निम्तो पठाएको परराष्ट्र मन्त्रालय स्रोतले जनाएको छ।
नेपालले मलेसिया जाने कामदारमाथि रोक लगाएपछि त्यहाँका मानव संशाधनमन्त्री कुलसेगरनले छलफलको लागि तयार रहेको बताएका थिए। उनले छलफल खुल्ला रहेको र मलेसिया सरकार सरकारी तवरबाट कामदार लैजान तयार रहेको भन्दै ‘जी टु जी’को प्रस्ताव गरेका थिए।
विदेशी कामदारलाई मलेसिया लैजान मलेसियाको अघिल्लो सरकारले लागु गरेको एकद्वार प्रणालीले विदेशी कामदारबाट अर्बौ लुटिएको ठहर गर्दै नेपालले मलेसियामा कामदार पठाउन रोक लगाएको थियो।
मलेसिया सरकारसँग मिलेर खोलिएका भीएलएन, जीएससी, वान स्टप सेन्टर लगायतले पाँच वर्षमा नेपालीबाट अर्बौँ लुटेको समाचार आएपछि श्रम विभागले कामदार पठाउन रोक लगाएको हो।
भिसा प्रक्रियाका लागि मलेसिया सरकारले खडा गरेका संयन्त्रहरुलाई खारेज नगर्दा सम्म कामदार नपठाउने निर्णय सरकारले गरेको थियो। मलेसियाको श्रम बजारमा नेपाली कामदारले ठूलो हिस्सा ओगट्छन्। नेपालले कामदार नपठाउँदा मलेसिया सरकार दबाबमा पर्दै आएको छ।
मलेसियाले नेपालसामु द्विपक्षीय श्रम सम्झौताको प्रस्ताव समेत राखेको छ। यसअघि मलेसियाका मानव संशाधनमन्त्री कुलशेखरनले प्रतिवन्धबारे नेपाललाई पुनःविचार गर्न आग्रह गरेका थिए। उनले समस्या समाधानका लागि मलेसिया सरकारले ठोस योजना ल्याउँने बताउँदै आएका छन्।
समस्या समाधानका लागि उनी स्वयं नेपाल आउन चाहेपछि श्रम मन्त्रालयले भ्रमणको निम्तो पठाएको मन्त्रालय स्रोतले जनायो।
उनको नेपाल भ्रमणका क्रममा द्विपक्षीय श्रम सम्झौता र कामदार पठाउन ‘जी टु जी’ मोडालिटीको विषयमा छलफल हुने बताइएको छ।
त्यहाँका अधिकारीहरुले मलेसियास्थित नेपाली दुतावासका अधिकारीहरुसँग समस्या समाधानका विषयमा छलफल गरेका थिए। मलेसियाली अधिकारीहरुले आवश्यक सुधारको प्रतिवद्धता व्यक्त गरेका थिए।
गत साता मलेसियास्थित नेपाली दुतावासका अधिकारीहरुसँग त्यहाँका वेस्टिनेट एसडीएन बीएचडीका प्रमुख कार्यकारी अधिकृत इस्माइल मोहड नुरले छलफल गरेका थिए। बेस्टीनेट मलेसियामा कामदार नियुक्तिका लागि आवश्यक प्राविधिक सहयोग गर्ने संस्था हो। यो आफैमा कामदार नियुक्त गर्ने संस्था नभए पनि यसले कामदारहरुको वायोमेट्रिक स्कृनिङ गर्दै आएको छ।
उनले समस्या समाधानका लागि तयार रहेको बताए पनि सहमति हुन सकेको थिएन। नेपाली दुतावासका अधिकारीहरुले समस्याको समाधान दुई देशको सरकारबीचको छलफलबाट हुने जवाफ दिएका थिए।
यसैबीच नेपालको कामदार समस्याको समाधानका लागि मलेसियाको क्याविनेटमा शुक्रबार छलफल भएको छ। छलफलमा के निष्कर्ष निकालियो, सार्वजनिक भने भएको छैन।
Comments
अरु समाचार
-
प्रधानमन्त्री दैवी प्रकोप उद्धार कोषमा एकैदिन साढे तीनकरोड जम्मा
काठमाडौँ। प्रधानमन्त्री दैवी प्रकोप उद्धार कोषमा आज एकैदिन रु तीन करोडभन्दा बढी रकम हस्तान्तरण भएको छ । प्रधानमन्त्री केपी शर्मा...
-
राष्ट्रपति पौडेलसँग राष्ट्रियसभाका अध्यक्ष दाहालको भेट
काठमाडौं । राष्ट्रपति रामचन्द्र पौडेलसँग राष्ट्रियसभाका अध्यक्ष नारायण दाहालले भेट गरेका छन् । आज राष्ट्रपति भवन शीतल निवासमा भएको भेटमा...
-
परराष्ट्रमन्त्री डा.राणा आज स्वदेश फर्कर्दै
काठमाडौं । परराष्ट्रमन्त्री डा.आरजु राणा देउवा कतारको दोहामा आयोजित एसिया कोअपरेसन डायलग (एसिडी)को तेस्रो सम्मेलनमा नेपाली प्रतिनिधिमण्डलको नेतृत्व गर्दै त्यहाँ...
-
प्रधानमन्त्रीसँग बंगलादेशका मन्त्री हसनको शिष्टाचार भेट
काठमाडौं । प्रधानमन्त्री केपी शर्मा ओलीलाई नेपालमा रहेकी बङ्गलादेशको वन, वातावरण, जलवायु परिवर्तन तथा जलस्रोतमन्त्री सैयदा रिजवाना हसनले आज शिष्टाचार...
-
जर्मनी एकीकरण दिवस समारोहमा उपराष्ट्रपति सरिक
काठामाडौं । उपराष्ट्रपति रामसहायप्रसाद यादव जर्मनी एकीकरण दिवसका अवसरमा नेपालका लागि उक्त मुलुकका राजदूत डा.थोमस प्रिन्जले बुधबार साँझ आयोजना गरेको...
-
न्यायलय सुधार गर्ने वरिष्ठ न्यायाधीश राउतको २४ बुँदे कार्ययोजना
-सजिव कालाखेती काठमाडौं । सर्वोच्च अदालतमा कल्याण श्रेष्ठको कार्यकाल यता सबै भन्दा सक्षम,योग्य,इमान्दार,अनुभवी,लोकतान्त्रिक, बौद्विक र कार्यकुशल प्रधानन्यायाधीशमा प्रकाशमान सिंह राउत...
-
सबै संयन्त्रलाई सतर्क रहन गृहमन्त्री लेखकको निर्देशन
काठमाडौं । गृहमन्त्री रमेश लेखकले कोशी र बागमती प्रदेशका केही ठाउँमा भारी वर्षा हुनसक्ने पूर्वानुमान गरिएकाले सोहीअनुसार सतर्क रहन सम्बद्ध...
-
बारका अध्यक्ष घिमिरेविरुद्ध अदालत अवहेलना मुद्दा दर्ता
काठमाडौं । सर्वोच्च अदालत प्रशासनले नेपाल बार एसोसिएसनका अध्यक्ष गोपालकृष्ण घिमिरेविरुद्ध अवहेलनासम्बन्धी मुद्दा दर्ता गरेको छ। न्यायाधीश सिफारिस सम्बन्धमा घिमिरेले...
-
राष्ट्रसङ्घीय महासभामाबारे प्रधानमन्त्रीद्वारा संसदीय दललाई जानकारी
काठमाडौं । प्रधानमन्त्री केपी शर्मा ओलीले संयुक्त राष्ट्रसङ्घको ७९ औँ महासभामा आफूले गरेको सम्बोधन र त्यसक्रममा भएका दुईपक्षीय भेटवार्ता र...