राजपा नेपाललाई प्रधानमन्त्री भेट्नै हम्मेहम्मे: समय मागेको ५ दिन पछि पायो भेट्ने समय
काठमाडाैँ २७, साउन। राष्ट्रिय जनता पार्टी (राजपा) नेपालले प्रधानमन्त्री केपी शर्मा ओलीसँग समय मागेको पाँच दिनपछि आज बल्ल समय उपलब्ध गराएका छन् ।
राजपा नेपालले साउन ३ गते प्रधानमन्त्री ओलीलाई ज्ञापनपत्र बुझाएको थियो । तर त्यो ज्ञापनपत्रको विषयमा प्रधानमन्त्री ओलीले कुनै प्रतिक्रिया नदिएपछि त्यसका बारेमा छलफलका लागि समय माग गरेको अध्यक्षमण्डलका सदस्य महेन्द्रराय यादवले बताए ।
उनले भने, ‘सविधान संशोधन, थुनामा रहेका आन्दोलनकारीको रिहाइ तथा मुद्दा फिर्ता लगायतको विषयमा विस्तृत कुरा गर्न प्रधानमन्त्रीसँग समय माग गरिएको थियो ।’
आज साँझ ६ बजे राजपाका नेताहरुले प्रधानमन्त्रीलाई भेट्ने बताइएको छ ।
सामूहिक रूपमा समय नदिएपछि प्रधानमन्त्री ओली र राजपा नेपालका संयोजक महन्थ ठाकुरबीच भने भेट भएको छ ।
प्रधानमन्त्री ओलीसँग संयोजक ठाकुरले कुराकानी गरे पनि राजपा नेपालका अध्यक्षमण्डलले नै भेट्ने बताएका थिए ।
टीकापुर घटनाका आरोपी रेशम चौधरीको रिहाइको कुरा चलिरहेकै बेला सामाजिक व्यवस्था राज्यमन्त्री अभिराम शर्मालाई समेत पक्राउ गर्ने सरकारको तयारी रहेको अवस्थामा राजपा नेपालका अध्यक्ष मण्डलका सदस्यले प्रधानमन्त्री ओलीलाई भेटेर यसबारे कुरा गर्ने बताइएको छ ।
संविधान संशोधन, रेशम चौधरीको रिहाइ, आन्दोलनका क्रममा लागेका मुद्दा फिर्ता लगायतका विषयमा कुरा गर्न प्रधानमन्त्री ओलीसँग राजपाको अध्यक्ष मण्डलले समय लिएका थिए । तर, प्रधानमन्त्रीले अध्यक्षमण्डलका संयोजक ठाकुरलाई सुटुक्क बोलाएर भेटेका छन् ।
गत साउन २३ गते राजपा नेपाल अध्यक्षमण्डलको बैठक बसेको थियो । सो बैठकमा रेशम चौधरी र अभिराम शर्माको विषयमा छलफल भएको थियो ।
सरकारसँग आन्दोलनका क्रम लागेका मुद्दा फिर्ता लिने, थुनामा रहेकालाई रिहाइ गर्ने, धरपकड नगर्ने सहमति भए पनि अभिराम शर्मालाई सरकारले पक्राउ गर्न पुर्जी काट्नु गैरजिम्मेवार कार्य भएको ठहर गर्दै यस विषयमा प्रधानमन्त्री ओलीसँग भेटेर नै छलफल गर्ने निर्णय बैठकले गरेको थियो ।
मधेस आन्दोलनका क्रममा घाइते भएका थमन विकलाई एम्बुलेन्सबाट थुतेर हत्या गरेको आरोप राज्यमन्त्री शर्मामाथि रहेको छ । उच्च अदालतले राज्यमन्त्री शर्मालाई पक्राउ गर्न महोत्तरी जिल्ला प्रहरी कार्यालयलाई पत्र पठाएको छ ।
सोही पत्रका आधारमा जिल्ला प्रहरी कार्यालयले राज्यमन्त्री अभिराम शर्मालाई खोजिरहेको छ ।
राजपा नेपालका उपाध्यक्ष वृषेशचन्द्र लाल भन्छन्, अभिराम शर्मालाई पक्राउ गर्नका लागि पूर्वाग्रही ढङ्गबाट लागेको छ । अभिराम शर्माको मुद्दा राजनीतिक मुद्दा हो, त्यसमा राज्यले पक्राउ गर्न मिल्दैन ।’
राज्यले अभिराम शर्मालाई पक्राउ गर्न कुनै पुर्जी जारी नगरेको दाबी गर्दै उनले भने, प्रहरीले पक्राउ गर्नका लागि पहिला वारेन्ट जारी गर्नुपर्छ, जुन हालसम्म भएको छैन । वारेन्ट जारी गरेपछि सय दिनसम्म हेर्नुपर्छ । हाजिर हुन्छ कि हुँदैन त्यसपछि मात्र वान्टेडको सूचीमा राख्नुपर्छ । यीमध्ये कुनै प्रक्रिया सुरु गरेको छैन । सीधै पक्राउ गर्ने भनिरहेको छ, जुन गैरकानुनी हो ।’
अभिराम शर्माले आफू प्रहरीको फरार सूचीमा रहेको कुरा सञ्चार मध्यमबाट थाह पाएका उल्लेख गर्दैै अदालतको म्याद तामेल उनको घरसम्म जानुपर्ने हो तर हालसम्म त्यस्तो नभएको उपाध्यक्ष लालले बताए ।
राजपा नेपालका अध्यक्ष मण्डलको बैठकले अभिराम शर्मालाई अदालतमा हाजिर हुन सल्लाह दिएको छ । तर त्यसअघि एक पटक प्रधानमन्त्री ओलीसँग सल्लाह गर्ने कुरा थियो ।
यसअघि रेशम चौधरीलाई पार्टीको सल्लाहमा अदालतमा हाजिर हुन भनिएको थियो तर अदालतले पुर्पक्षका लागि थुनेर राख्न आदेश दिएपछि हालसम्म उनको रिहाइ भएको छैन । त्यस्तै घटना अभिराम शर्माका लागि दाहोरिने त होइन भनी राजपा नेपाल त्रसित छन् ।
Comments
अरु समाचार
-
सबै श्रमिकलाई सरकारले सामाजिक सुरक्षा कार्यक्रमको दायरामा ल्याउनुपर्छ: शंकर पोखरेल
काठमाडाैं । सत्तारुढ दल नेकपा एमालेका महासचिव शंकर पोखरेलले सबै श्रमिकलाई योगदानमा आधारित सामाजिक सुरक्षा कार्यक्रमको दायरामा ल्याउन सरकारसँग आग्रह...
-
श्रमिकको समस्या समाधान गर्न सरकारले सुरु गर्यो ‘श्रमाधान’ सेवा
काठमाडौं । श्रमिकका विभिन्न समस्या, गुनासो र जिज्ञासालाई समाधान र सुधार गर्ने उद्देश्यसहित सरकारले श्रमाधान सेवाको थालनी गरेको छ ।...
-
श्रमिक अधिकार कार्यान्वयन गरी सामाजिक सुरक्षाको प्रत्याभूति जरूरीः पूर्वप्रधानमन्त्री खनाल
काठमाडौं । नेपाल कम्युनिष्ट पार्टी (एकीकृत समाजवादी) का सम्मानीत नेता एवम् पूर्वप्रधानमन्त्री झलनाथ खनालले संविधानप्रदत्त श्रमिक अधिकारलाई कार्यान्वयन गरी रोजगारीको...
-
विधेयक पारित नगरी अन्त्य भयो कर्णाली प्रदेशसभाको तेस्रो अधिवेशन
काठमाडौं । कर्णाली प्रदेशसभाको तेस्रो अधिवेशन ११ वटा बैठक बसेर अन्त्य गरिएको छ । बैठकले कुनै पनि विधेयक पारित गर्न...
-
एकीकृत समाजवादी महाधिवेशनको तयारी सुरु
काठमाडौं । नेपाल कम्युनिष्ट पाटी (एकीकृत समाजवादी) ले महाधिवेशनको तयारीलाई तीव्र बनाएको छ । महाधिवेशन मूल व्यवस्थापन कमिटीले अन्य कमिटीलाई...
-
उपचुृनावको नतिजाले एमाले उत्साहित,नयाँ शक्तिको भविष्य अन्योल
काठमाडौं । प्रतिनिधि सभा र प्रदेश सभा गरी दुई वटा सिटमा भएको उपचुनावमध्ये दुवै सिट नेकपा एमालेले जितेको छ ।...
-
सीके राउतले रवि लामिछानेलाई दिए यस्तो सुझाव: जमानत जफत भएपछि अब विचार गर्नुहोला
काठमाडौँ । जनमत पार्टीका अध्यक्ष डा.सिके राउतले इलाम–२ मा भएको उपनिर्वाचनमा आफ्नो पार्टीले अपेक्षा गरेकै जस्तो मत आएको बताएका छन्...
-
मन्त्रिपरिषद विस्तारकाे तयारीमा मुख्यमन्त्री सोडारी
काठमाडाैँ । सुदूरपश्चिम प्रदेशका मुख्यमन्त्री दीर्घबहादुर सोडारी मन्त्रिपरिषद विस्तारको तयारीमा जुटेका छन् । मंगलबार बझाङ उपनिर्वाचनकाे परिणाम सार्वजनिक भएलगत्तै मुख्यमन्त्री...
-
उत्तराखण्ड सरकारले खारेज गर्यो पतञ्जलिका यी १४ उत्पादनको लाइसेन्स
एजेन्सि। भारतको उत्तराखण्ड सरकारले यही अप्रिल १५मा एक आदेश जारी गरेर पतन्जलीका १४ उत्पादनका लाइसेन्स रद्द गरेको सर्वोच्च अदालतलाई जानकारी...