साफ च्याम्पियनसिप फुटबल २०१८ को पहिलो खेलमा नेपालले पाकिस्तानसँग केहीबेरपछि प्रतिस्पर्धा गर्दै
बंगलादेश१८ ढाका, । साफ च्याम्पियनसिप फुटबल २०१८ को पहिलो खेलमा नेपालले पाकिस्तानसँग केहीबेरपछि प्रतिस्पर्धा गर्दैछ ।
पाकिस्तानसँग खेल्ने नेपालको प्लेयिङ इलाभेनमा पहिलो पटक राष्ट्रय टिममा परेका सुमन अर्यालले डेब्यु गर्दैछन् ।
नेपालको प्लेयिङ इलाभेन
गोलकिपर – किरण चेम्जोङ
डिफेन्डर – आदित्य चौधरी, सुमन अर्याल, विराज महर्जन, अनन्त तामाङ
मिडफिल्डर – हेमन्त थापा मगर, रोहित चन्द, विमल घर्तिमगर, सुजल श्रेष्ठ
फरवार्ड – भरत खवास र नवयुग श्रेष्ठ
ढाकास्थित बंगबन्धु राष्ट्रिय रंगशालामा साफ च्याम्पियनसिपको पहिलो खेलको रुपमा नेपाल र पाकिस्तान भिड्न लागेका हुन् । अहिले नेपाल र पाकिस्तान दुबै टिम मैदानमा अभ्यास गरिरहेका छन् ।
नेपाल पाकिस्तानलाई पराजित गर्दै आफ्नो सुखद सुरुवात गर्ने लक्ष्यमा छ । तर, पाकिस्तानलाई पराजित गर्न त्यति सजिलो भने छैन । हालै मात्र इन्डोनेसियामा सम्पन्न एसियाली खेलकुद प्रतियोगिताको यू-२३ फुटबलमा नेपाल पाकिस्तानसँगै २-१ गोलअन्तरले पराजित भएको थियो ।
लामो समय फिफाको प्रतिबन्धमा परेको पाकिस्तान त्यसपछिको पहिलो र ठूलो प्रतियोगिता खेल्दैछ ।
पाकिस्तान र नेपाल अहिलेसम्म १५ पटक भेट भएका छन् । नेपालले ५ खेलमा जितेको छ भने ५ खेलमा बराबरी र ५ खेलमा हार ब्यहोरेको छ ।
नेपालले पहिलो खेल सन् १९८५ मा खेलेको थियो । जुन खेलमा नेपालले पाकिस्तानसँग १-० गोलको पराजय भोगेको थियो ।
नेपालले पछिल्लो पटक सन् २०१३ मा काठमाडौंमा भएको साफ च्याम्पियनसिपमा पाकिस्तानसँग प्रतिस्पर्धा गरेको थियो । जुन खेलमा नेपालले १-१ गोलको बराबरी खेलमा खेल टुंग्याएको थियो । १-० गोलले पछि परेको नेपालका लागि अन्तिम समयमा विमल घर्तिमगरले गोल गर्दै बराबरी दिलाएका थिए ।
समूह ‘ए’ मा नेपालसँगै आयोजक राष्ट्र बंगलादेश, पाकिस्तान र भुटान छन् भने समूह ‘बी’ मा भारत, श्रीलंका र माल्दिभ्स छन् । समूह ‘ए’ कै अर्को खेलमा आयोजक राष्ट्र बंगलादेशले भुटानको सामना गर्दैछ । बंगलादेश र भुटानबीचको खेल स्थानीय समयअनुसार राति ७ बजे सुरु हुनेछ ।
Comments
अरु समाचार
-
राेहितकाे कप्तानीमा टी–२० विश्वकप खेल्ने नेपाली टाेलीकाे घाेषणा
काठमाडौं । नेपाल क्रिकेट संघ (क्यान)ले विश्वकप खेल्ने नेपाली टोलीको घोषणा गरेको छ । बुधबार क्यानले टिमको घोषणा गरेको हो ।...
-
वेस्ट इन्डिज ‘ए’द्वारा नेपालसामु २२८ रनको लक्ष्य
काठमाडौं । टी–ट्वान्टी शृङ्खलाको तेस्रो खेलमा वेस्ट इन्डिज ‘ए’ले नेपालसामु जितका लागि दुई सय २८ रनको लक्ष्य प्रस्तुत गरेको छ...
-
टस हारेर फिल्डिङ गर्दै नेपाल, दीपेन्द्र सिंहको कप्तानी
काठमाडाैं। पाँच खेलको टी–२० श्रृङ्खला अन्तर्गत आज नेपाल र वेस्ट इन्डिज ‘ए’ बीच तेस्रो खेलमा वेस्ट इन्डिज ‘ए’ले टस जितेर...
-
नेपाल र वेस्ट इन्डिज ‘ए’ बीच आज तेस्रो खेल हुँदै
काठमाडौं । नेपाल र वेस्ट इन्डिज ‘ए’ बिचको तेस्रो खेल आज (बुधबार) हुँदैछ। दुई खेल सकिँदा एकएक अंक बाँडेका नेपाल...
-
भिसा नआएपछि नेपाली राष्ट्रिय टोलीको ‘फ्लाइट क्यान्सिल’
काठमाडौँ। इङ्ल्यान्ड ‘सी’ सँग मैत्रीपूर्ण खेल खेल्न बेलायत प्रस्थान गर्न लागेको नेपाली राष्ट्रिय टोलीको ‘फ्लाइट क्यान्सिल’ भएको छ। टोली मंगलबार बिहान...
-
भलिबल प्रतियोगितामा नेपालले बङ्गलादेशसँग फाइनल खेल्दै
काठमाडौं । नेपाली टोलीले मित्रराष्ट्र बङ्गलादेशको राजधानी ढाकामा जारी अन्तर्राष्ट्रिय यु–१९ भलिबल प्रतियोगिताको आज फाइनल खेल खेल्दै छ । नेपालले...
-
नेपाललाई जितका लागि १६१ रनको लक्ष्य
काठमाडौं । वेस्ट इन्डिज ‘ए’ले नेपाल सामू जितका लाग एक सय ६१ रनको लक्ष्य प्रस्तुत गरेको छ । कीर्तिपुरस्थित त्रिभुवन...
-
वेस्ट इन्डिज ‘ए’ विरुद्ध टस हारेर फिल्डिङमा नेपाल, टिममा पाँच परिवर्तन
काठमाडौं । नेपालले दोस्रो टी-२० खेलमा वेस्टइन्डिज ए सँग टस हारेर पहिला फिल्डिङ गर्ने भएको छ । त्रिवि क्रिकेट मैदान...
-
नेपाल र वेस्ट इन्डिजबीच आजदेखि ऐतिहासिक पाँच खेलको सिरिज
काठमाडौं । नेपाल र वेस्ट इन्डिज ‘ए’ बिच शनिबारदेखि कीर्तिपुरस्थित त्रिवि अन्तर्राष्ट्रिय क्रिकेट मैदानमा पाँच खेलको सिरिज सुरु हुँदैछ। टी-२०...