मोड्रिचले जिते ब्यालोन डि’ओर २०१८ उपाधि
एजेन्सी । क्रोएसियाका कप्तान तथा रियल म्याड्रिडका मिडफिल्डर लुका मोड्रीचले सन् २०१८ को ब्यालोन डी’ ओरको उपाधि जितेका छन्।
पेरिसमा सोमबार साँझ भएको कार्यक्रममा क्रिष्टियानो रोनाल्डोलाई पन्छाउँदै मोड्रिचले करिअरमै पहिलोपटक यो उपाधि हात पारेका हुन्।
पछिल्लो दश वर्ष क्रिस्टियानो रोनाल्डो र लिओनेल मेसीले यो उपाधि जितेका थिए। यसपटक भने मोड्रिचले विश्वकप विजेता फ्रान्सका खेलाडीसहित मेसी र रोनाल्डोलाई पन्छाउँदै उपाधि हात पारेका हुन्।
युभेन्टसका क्रिस्टियानो रोनाल्डो दोस्रो स्थानमा रहँदा एट्लेटिको म्याड्रिड फरवार्ड एन्टोइन ग्रिजम्यान तेस्रो स्थानमा रहे।
यस्तै पेरिस सेन्ट जर्मनका युवा स्टार किलियन एमबाप्पेले चौथो स्थान हासिल गरे। यद्यपी उनले उत्कृष्ट युवा खेलाडीलाई प्रदान गरिएको कोपा ट्रफी भने हात पारे ।
बार्सिलोना कप्तान लिओनेल मेसी पाँचौ स्थानमा रहँदा मोहमद सलाहले छैठौं स्थानमा रहे।
सातौंमा राफेल भाराने र आठौंमा इडेन हाजार्ड रहँदा केभिन डि ब्रुएन नवौं र ह्यारी केन दशौं स्थानमा रहेका थिए। तर नेइमार भने शीर्ष १० भित्र अटाएनन् उनी १२ औं स्थानमा रहेका थिए।
क्लब फुटबलमा उत्कृष्ट प्रदर्शन गरे पनि रोनाल्डो र मेसीले रूसमा सम्पन्न विश्वकपमा फितलो प्रदर्शन गरेका थिए।
यही नतिजालाई हेर्दै मेसी र रोनाल्डो ब्यालोन डी’ओर को प्रतिस्पर्धामा पछाडि परेका हुन्।
विश्वकप विजेता फ्रान्सेली टोलीबाट युवा फरवार्ड किलियन एमबाप्पे, एन्टोइन ग्रिज्मन, राफेल भारानसँगै ह्युगो लोरिस, पल पोग्बा र एनगोलो कान्टेसहितलाई पन्छाउँदै मोड्रीचले उपाधिमाथि कब्जा जमाएका हुन्।
विश्वकपमा क्रोएसियालाई फाइनलसम्म पुर्याउन प्रभावशाली प्रदर्शन गरेका मोड्रीच प्रतियोगिताकै उत्कृष्ट खेलाडीसमेत भएका थिए।
३३ वर्षीय मोड्रीचले गत वर्ष क्लब फुटबलमा पनि उत्कृष्ट प्रदर्शन गरेका थिए। रियललाई लगातार तेस्रो च्याम्पियन्स लिग उपाधि दिलाउने क्रममा मोड्रीचको प्रदर्शन निकै महत्त्वपूर्ण रहेको थियो।
विश्वभरका १ सय ८० देशका पत्रकारहरुको मतदानका आधारमा मोड्रीचले फराकिलो अन्तरले उपाधि जितेका हुन् ।
फ्रान्स फुटबलले मतदान प्रक्रियामा हरेक देशको प्रतिनिधि पत्रकारबाट मनोनयनमा परेका ३० खेलाडीबाट शीर्ष ५ खेलाडीको नाम लिएको थियो।
शीर्षस्थानमा पर्ने खेलाडीले ६ अंक, दोस्रोमा पर्नेले ४ र क्रमश त्यसपछिका तीन खेलाडीले ३,२ र १ अंक हासिल गर्ने प्रावधान रहेको थियो । यस क्रममा मोड्रीचले कुल ७ सय ५३ अंक हासिल गर्दै उपाधि आफ्नो नाम गरे। दोस्रो स्थानका रोनाल्डोले ४ सय ७६ अंक मात्र जोड्न सके ।
तेस्रो स्थानका एन्टोइन ग्रिज्मनले ४ सय १४ अंक जोड्दा चौथो स्थान हासिल गरेका किलियन एमबाप्पेले ३ सय ४७ अंक पाए । पाँचौ स्थानका लिओनेल मेसीले २ सय ६० अंक मात्र जोड्न सके। मेसीको अंकभन्दा विजेता मोड्रीचले झन्डै ३ गुणा बढी अंक जोड्न सफल रहे। छैटौं स्थानका मोहमद सलाहले १ सय ८८ अंक जोडे ।
Comments
अरु समाचार
-
आईपीएलमा आज मुम्बई इन्डियन्स र लखनउ सुपर भिड्दै
काठमाडौं । इन्डियन प्रिमियर लिग (आईपीएल) क्रिकेटमा आज मुम्बई इन्डियन्स र लखनउ सुपर जाएन्ट्स खेल्दैछन् । यी दुई देशको खेल...
-
बलात्कार मुद्दामा सन्दीप लामिछानेले पाए सफाइ, विश्वकप खेल्न पठाउने क्यानको तयारी
काठमाडौं । क्रिकेट खेलाडी सन्दीप लामिछानेलाई उच्च अदालत पाटनले सफाइ दिएको छ । न्यायाधीशद्वय सुदर्शनदेव भट्ट र अञ्जु उप्रेतीको इजलासले...
-
क्रिकेटर सन्दीप लामिछानेलाई उच्च अदालत पाटनले दियो सफाइ
काठमाडौं । क्रिकेटर सन्दीप लामिछानेलाई उच्च अदालत पाटनले बलात्कार मुद्दामा सफाइ दिएको छ । जिल्ला अदालत काठमाडौंले गरेको फैसला उल्टाउँदै...
-
अखिल नेपाल ब्याडमिन्टन संघ गठन: अध्यक्षमा तिलक, महासचिवमा बेनुप
काठमाडौं । नेपाल ब्याडमिन्टन संघका कोषाध्यक्ष तिलक पाण्डेको अध्यक्षतामा अखिल नेपाल ब्याडमिन्टन संघ गठन भएको छ। सत्तारुढ दल नेकपा माओवादी...
-
आईपीएल: मुम्बईलाई पराजित गरेसँगै कोलकाता शीर्ष स्थानमा
काठमाडौं । इन्डियन प्रिमियर लिग (आईपिएल) अन्तर्गत गएराति भएको खेलमा शीर्ष स्थानको कोलकाता नाइट राइडर्सले मुम्बई इन्डियन्सलाई १८ रनले पराजित...
-
युरोपेली च्याम्पियन्स लिगको फाइनलमा रियल मड्रिड
काठमाडाैँ । रियल मड्रिड युरोपेली च्याम्पियन्स लिगको फाइनलमा प्रवेश गरेको छ । च्याम्पियन्स लिगअन्तर्गत गए रात भएको सेमिफाइनलको दोस्रो लेगमा...
-
आईपीएलः आज पञ्जाब किंग्स र रोयल च्यालेन्जर्सबीच भिडन्त हुँदै
काठमाडौं । इन्डियन प्रिमियर लिग (आईपिएल) अन्तर्गत गएराति भएको खेलमा सनराइजर्स हैदरावादले लखनउ सुपर जायन्ट्समाथि १० विकेटको ऐतिहासिक जित निकालेको...
-
इन्डियन प्रिमियर लिग: राजस्थान रोयल्यसमाथि दिल्ली क्यापिटल्सको जित
काठमाडाैँ । इन्डियन प्रिमियर लिग (आईपीएल) मा दिल्ली क्यापिटल्सले राजस्थान रोयल्सलाई पराजित गरेको छ । अरुण जेटली स्टेडियममा भएको खेलमा...
-
ला लिगाको उपाधि रियल मड्रिडको पोल्टामा
काठमाडौं । रियल मड्रिडले ३६औं पटक स्पानिस ला लिगाको उपाधि जितेको छ । ला लिगामा दोस्रो स्थानको बार्सिलोना शनिबार राति...