लैंगिक हिंसाबिरुद्ध पत्रकारहरूको साझा प्रतिवद्धता

समाचार

- न्युज–नेपाल संवाददाता

काठमाडौँ । उपत्यकामा कार्यरत विभिन्न सञ्चार माध्यममा कार्यरत पत्रकारले आफूले लैंगिकहिंसा विरुद्धका मुद्दालाई प्राथमिकता दिने प्रतिवद्धता जनाएका छन् । युएन वुमन र सामुदायिक रेडियो प्रशारक संघले आयोजना गरेको अन्तरक्रिया कार्यक्रममा पत्रकारहरूले यस्तो प्रतिवद्धता जनाएका हुन् । आफूलगायत कैयौं सञ्चारमाध्यममा कार्यरत महिला पत्रकारले समेत लैंगिकहिंसा खेप्नुपरेको अनुभव सहभागी महिला पत्रकारहरूले सुनाएका छन् ।

यस्तै युएन वुमनका विकासका लागि सञ्चार अधिकृत आश्मा श्रेष्ठले राज्यको चौंथो अंग नै पत्रकार भएकाले पत्रकारले आफ्नो पत्रकारितामार्फत लैंगिकहिंसाका मुद्दालाई प्राथमिकता दिन जोड दिए । सामुदायिक सुचना नेटवर्क सीआइएनका प्रमुख दीपक आचार्यले अझै ८७ प्रतिसत नागरिकले महिलाहिंसा बिरुद्ध भएका कानुनको बारेमा अझै जानकारी नपाएको सर्वेक्षणले देखाएको बताउदै सञ्चार माध्यमले यो बिषयमा प्राथमिकता दिनु पर्ने बताए । सहभागी पत्रकारहरूबीचको छलफलबाट आगामि दिन लैगिंकहिंसा बिरुद्ध नियमित कार्यक्रम गर्ने निष्कर्ष निकालिएको आचार्यले जानकारी दिए ।