ताजा समाचार

छाउगोठ आगलागीमा २ छोरासहित आमाको मृत्यु

समाचार
-
       

बाजुरा । बाजुराको बुढीनन्दा नगरपालिका–९ अगाउँपानीमा छाउगोठमा भएको आगलागी हुँदा २ छोरासहित आमाको जलेर मृत्यु भएको छ । मृत्यु हुनेमा ३५ वर्षीया अम्बा बोहरा र उनका ९ वर्षीय छोरा सुरेश र ७ वर्षीय छोरा रमितको मृत्यु भएको हो ।

निस्सासिएर मृत्यु भएको सहकर्मी अर्जुन शाहले जनाएका छन् । घरको छेउमै बनाइएको छाउगोठभित्र उनीहरुको मृत्यु भएको हो । विहान अबेरसम्म बाहिर नआएपछि सोधिखोजी गर्ने क्रममा गोठभित्र हेर्दा उनीहरु मृत अवस्थामा भेटिएका बुढीनन्दा नगरपालिकाकी उपमेयर सृष्टि रेग्मीले बताए ।

सदरमुकामबाट प्रहरी प्रमुखसहितको टोली घटनास्थलतर्फ हिडेको प्रमुख जिल्ला अधिकारी चेतराज बरालले जानकारी दिए । घटनास्थल सदुमुकाम मार्तडी र कोल्टीको बीचमा पर्दछ । घटनास्थल मार्तडीदेखि ५ घण्टाको पैदल दुरीमा पर्छ ।

Comments

प्रकाशित मिति : 2019-01-09

अरु समाचार

© NewsNepal 2018 - All Right Reserved.
newsnepal.com 2017.hlon.org